radheef.info
ރަދީފު


ޓ
ނ ތާނައިގެ ވިހިވަނަ އަކުރު
ތާވަކަރު
ނ ގޭގެވަސް ހިފެހެއްޓުމަށްޓަކައި ޖަހައިފައިހުންނަ ތޮނަތަކުގެ ފޫހަރުކުރަން އަޅައިފައި އޮންނަވަކަރު
ތާވަލު
ނ (1) މަތިންދާބޯޓުފަދަ އުޅަނދުފަހަރު ފުރާގަޑިއާއި އަންނަގަޑި އެނގޭގޮތަށް ތައްޔާރުކޮށްފައިވާ އެއްޗެއް (2) ކިޔަވާ ކުދިން ހަފުތާގެ ތެރޭގައި ކިޔަވަންޖެހޭ ގަޑިތަކާއި އެގަޑިތަކުގައި ކިޔަވަންޖެހޭ މާއްދާތައް އެނގޭގޮތަށް ތައްޔާރުކޮށްފައިވާ އެއްޗެއް (3) ކަމެއް ކުރުމަށް ދުވަސްތަކުގެ މައްޗަށް ބަހާލައި އެދުވަސް ދުވަހު ކުރާނެ ކަންތައްތައް ކަނޑައަޅައި އެނގޭ ގޮތަށް ތައްޔާރުކޮށްފައިވާ އެއްޗެއް (4) ހޫލަ
ތާލި
ނ (1) ފަސްރޮނގުބުރިން ކުރާހިސާބު (2) ނިދިއައިސްގެން ކުއްލިއަކަށް ބޯވެއްޓޭ ވެއްޓުން
ތިނޯސް
ނ ފޭރާންފަދަ ތަކެތި ފެހުމަށާއި މާޖެހުމަށް ގެންގުޅޭ ފަގައެއްލައިފައިވާ ހިމަދަގަނޑުކައްޓެއް
ތިނޯސްނާޅި
ނ )ލ ( ހިޔަމައިގެ ތޮށިގަނޑު މީގެ ކަށިތައް ދިއުމުން މާކަނާ ފޮއްޓޭ ކިޔައެވެ
ތިންބުރިކޯއްޓޭ
ނ އިހުގައި ތިންބުރި ގުޅައިގެން ކާލިގަނޑުލައިފައި ހަދައިފައި ހުންނަ ކޯއްޓޭއެއް )ދިދަ ދަނޑިއެއް( މިކޯއްޓޭގައި ހުންނާނީ ދަނޑިމަތި އަނބުރައިފައެވެ މިކޯއްޓޭ އެހެން ކޯއްޓޭއަށްވުރެ ކުޑަވާނެއެވެ މިކޯއްޓޭ ނަގައިފައި ހުންނަނީ ނާބުސްޚާނުގެ އިރުމަތީން ފާރުމަތީގައެވެ
ތިންމުގޯލި
ނ ވަކިދުރުމިނެއްގައި ތިންމުގޯލި އަޅައިގެން ފިލާގަނޑަކާއި ޓެނިސް ބޯޅައަކުން ކުޅޭ ކުޅިވަރެއް. މިކުޅިވަރު ކުޅޭއިރު ބައެއްގައިތިބޭ މީހުންގެ ވަކިޢަދަދެއް ކަނޑައެޅިފައެއްނޯވެއެވެ. ކުޅޭގޮތަކީ ބޯޅައެއްލީމާ ފިލާގަނޑުންޖަހައި ބޯޅަދުއްވައިލުމާއެކު އަރާ މުގޯއްޔަށް ނުވަތަ ކޮޅުމުގޯއްޔަށް ދުވެއަންނަނީއެވެ. މިގޮތަށް ދުވަނިކޮށް މުގޯއްޔަށް ނޭރެނީސް ކުޅުންތެރިޔާގައިގައި ނުވަތަ އަރަންދާ މުގޯލިތެރޭގައި ބޯޅައިން ޖަހައިފިނަމަ ކުޅުންތެރިޔާ ނުބައިވީއެވެ. ކުޅުންތެރިޔާ ޖަހާބޯޅަ ހިފައިފިނަމަ މުޅިބައި ނުބައިވީއެވެ
ތިރާ
ނ (1) ވެއްޓި ބިމާވާހަމަ (2) ވެއްޓިޖެހޭ އިނދަ
ތިރާވުން
މ މީހަކު ނުވަތަ އެއްޗެއް ނުވަތަ ތަނެއް ވެއްޓި ބިންމައްޗަށްޖެހުން
ތިރި
ނ (1) މަތީގެ އިދިކޮޅު (2) ފައްޓަރުބައިގެ މައްސާއި ބޮޑުފޮއްޗާ ދެމެދު ގައި ހުންނަ ފޮތިތައް (3) އުސްމިނުން އުނި
ތިރިކުރުން
މ (1) މަތިކުރުމުގެ އިދިކޮޅު (2) ނަގައިފައި ހުރިއެއްޗެއް ބޭލުން މިސާލު: )ހ( ދިދަ ތިރިކުރުން )ށ( ރިޔާތިރިކުރުން (3) އުސްކަން ކުޑަކުރުން މިސާލު: ފާރުތިރިކުރުން (4) ސޭލާއަކުން އުފުލައިފައި ހިފަހައްޓައިފައިހުރި އެއްޗެއް ބިމަށް ނުވަތަ ބޯޓު ތެރެއަށް ގެނައުން (5) އުފުލަިއފައި ހުރި އެއްޗެއް ވައްޓައިލުން މިސާލު: ފަރުދާ ތިރިކުރުން (6) މަޖާޒު: މަތީ މަޤާމުގައި ހުރި މީހަކު ދަށަށް ޖެއްސުން
ތިރިކޭޓި
ނ )ޏ ( ތިރިކޭޓް
ތިރިއަށި
ނ އިހުގެ މުސްކުޅި ބައެއްގޭގޭގައި ދިމާ އެނދުބަހައްޓައިފައި ހުންނައަށި
ތިކިތެޅުން
ނ ތިއްކަކު ފުލު ތިއްކެއް ވެއްޓުން
ތިކިޖެހިތާނަ
އަރަބި އަކުރުގެ އަޑުނެރުމަށްޓަކައި ތާނައިގައި ތިކިޖަހައިގެން އުފައްދައިފައިވާ އަކުރުތައް
ތިކިޖެހުން
މ (1) ތިކިވެއްޓުން (2) ނުކުތާޖެހުން
ތިއަރީ
ނ (1) އެއްޗެއް އަނެކައްޗަކާ ގުޅޭގޮތް މަޢުލޫމާތުން ދައްކާދެއްކުން (2) ޤަބޫލުކުރާގޮތް (3) ސިޔާސަތު (4) ކަމަކަށް އަމަލު ކުރަންޖެހިފައިވާ ގޮތް (5) ކަމެއް ހިނގާގޮތުގެ އަސްލު ސައިންސް ވެރިން ކިޔައިދީފައިވާގޮތް (6) ބަޙުޘެއް ކުރުމަށްޓަކައި ހިފަހައްޓާ އުޞޫލު (7) ޚިޔާލަށް ކަމެއް ވިސްނިފައި އޮންނަގޮތް
ތިއޭޓަރު
ނ (1) ތަމްސީލު ކުޅެހަދާގެ (2) ބައިސްކޯފު ދައްކާގެ (3) އެތަނެއްގެ އެތެރޭގައި ހަރުފަތް ބަރިއެއްގެ ގޮތަށް ތަޅުންގަނޑު ހަދައި އެތަނުގައި ގޮނޑިޖަހައިފައިވާ ހޯލު (4) ހަސްފަތާލުގައި ބަލިބައްޔާ ބެހޭ ފެޅުންތަކަށް ހަދައިފައި ހުންނަ ކޮޓަރި
ތިއްބުން
މ (1) މީދާފަދައެއްޗެއް ހިފުމަށްޓަކައި ދައްޗެއް ނުވަތަ ކޮށްޓެއްފަދަ އެއްޗެއް ފާލުއަޅުވައިފައި ބެހެއްޓުން (2) )ބ ( ކުދިން ނިދަންބައިތިއްބުން
ތިމަރަ
ނ (1) ޓިނާއި ޖަސްތުފަދަ ތަކެތިން ހަދާތަކެތި ބެއްދުމަށް ގެންގުޅޭ މަޢުދަނީއެއްޗެއް މިއަލިފާނުން ވިރޭނެއެވެ މިއީ ފެނުބާރު ހިފާވަރަށްވުރެ ބަރުއެއްޗެކެވެ (2) އުރަވަޅީގައި ނަގާބައްޔެއް