radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަނޑިންމަ
ނ (1) ބޮޑެތިފުޅާނެރު (2) ޤުދުރަތީގޮތުން ތޮށިން ކެނޑިފައި ހުންނަ ބޮޑެތި ތަނަވަސް ތަންތަން (3) ދ އަތޮޅު ވާނީ ކައިރީގައި އޮންނަ ފަޅުރަށެއް
ކަނޑިންމާއުޅާގަނޑު
ނ (1) މާލޭކަނޑިންމާ ބަންދުކޮށް ހުޅުވައިއުޅުނު ޒަމާނުގައި ދެފަރާތު ފައިކަށީގައި ޖަހައިފައި ހުރި އަރުގޯލައިގެ އުޅައްގަނޑު (2) މަޖާޒު: އަބަދު އަނގަ ގަދަކުރާމީހާ
ކަނޑިކޮޅުހިފާކަން
ނ އިހުޒަމާނުގައި އޮގަރު ކަނޑި އައްޑަނަ ހިފުމުގެ ވަޒީފާ
ކަނޑިއަޅައިފުންމައިގަތުން
މ އައްޑަނަ ކޮށީގެ ކުޅިޖެހުމުގައި ކޮށްއުޅުނު ކަމެއް
ކަނޑިތޮޅި
ނ ރީތިގަހުގެ ވައްތަރެއް ކަމުގައިވާ ބިޔަކޮށް ހެދޭ ރަތްމާގަނޑެއް އަންނަ ގަހެއްގައި އަޅާ ތޮޅިއެއް މިތޮޅި ހުންނަނީ ފަތިކޮށް ކުރު މުށެއްހައި ދިގުމިނުގައެވެ
ކަނޑިސަފަ
ނ (ސ) ވެނުގެބާވަތެއް. މިވެނުގައި އެހެނިހެންވެނާ ޚިލާފަށް ހުދާއިކަޅުން ހުރަސް ރޮނގުތަކެއް ހުރެއެވެ
ކަނޑިސަފޮ
ނ )ސ ( މޫދުގައި ހުންނަކައްޗޭ
ކަނޑު
ނ (1) ފުންކަމުން އަޑި ނޭނގޭ ލޮނުގަނޑު ނުވަތަ ފެންގަނޑު. (2) ބޭރުކަނޑުން އެތެރެވަރިއަށް ވަންނާން އޮންނަ ކަނޑުއޮޅި. (3) ބައެއް ކުޅިވަރުގައި ޖަހާފޯލި ކަމުދިޔުމުގެ މިންވަރު ބަލާން އަޅާރޮނގު
ކަނޑުހާ
ނ ފާނައިގެ މަސްވެރިކަމުގައި ބާނާ އުޅޭމަހެއް މި މަހުގެ ކުލައަކީ ދޮންރަތް ކުލައެވެ މަހުގައި ކުދިކުދި ތިކިތަކެއް ނުވަތަ ރޮނގުތަކެއް ހުރެއެވެ މަހުގެ ނިގޫފަތް ހުންނަނީ ހަނދުފަޅި ބުރަށް ކަފިކޮށްނެވެ
ކަނޑުބަރަވެލި
ނ ކުރުކޮށް ވައްކޮށް ދޮންކުލައިގައި ހުންނަ ފޫއެނބުރި
ކަނޑުކަޅުއޮށް
ނ ކަޅުއޮށުގެ ބާވަތެއް. މިއީ ފުންވިލުވިލާއި ތިލަފަޅުފަޅުގައި އުޅޭ މަހެކެވެ. މަހުގެކުލައަކީ ކަޅުރަތްކުލައެވެ މަހުގެ ތުނބުންފެށިގެން ލޯ ހުރަސްކޮށް ދެވަނަ ކޮތަރިބައިނިމިފައިވާހިސާބަށް ކަޅުކުލައިގެ ފުޅާރޮނގެއްހުރެއެވެ މިރޮނގުގެ ފަހަތުން މަހުގެނިގޫ ކޮޅުގައިކަޅުކުލައިގެ ލަފެއްހުރެއެވެ
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ
ކަނޑުކާޅު
ނ (1) އުރަފަށުގައި އުލޭ ތުނބިފާޑުގެ ކަޅުކުލައިގެ މަހެއް. މި މަސް ތުންބަށްވުރެން ތުންކުރުވެފައި ނަގޫފަތުގެ ދެފަރާތުގައި ދެކަށި ހުންނާނެއެވެ (2) ކަނޑުމަތީ ދޫންޏެއް މިއީ މާރަނގައާ ވައްތަރު ކުޑަދޫންޏެކެވެ
ކަނޑުކުކުޅު
ނ ކަނޑުމަހުގައި ކައްކާ ރިހައެއް. މީގެމަސް ހުންނާނީ ގަނޑަށް ކަނޑައި ދެއިންޗިހާވަރަށް ބުރިކޮށް ހޮޅިކޮށް ކަފައި ހަވާދުހާކައިފައި އޮޅައިލައި ފަންވަތެއްގެ ފަށަކުން ނުވަތަ ރާނބާފަތުގެ ފަށަކުން ބަނދެފައެވެ ކައްކާނީ ހަވާދާއި ކިރާ އަޅައިގެންނެވެ
ކަނޑުކުލަ
ނ (1) ކަނޑުގައިހުންނަކުލަ (2) އަންހެނުންލާ ބޯވަޅުއެޅި ލިބާހުގެ ފޭރާމުގެ ބާވަތެއް މީގައި ހުންނާނީ ކަޅުކުލައިގެ ރޮނގަކާއި ނޫކުލައިގެ ރޮނގަކާއެވެ
ކަނޑުކުލާ ދެރޮނގު
ނ އިހުގައި ބޯވަޅުއެޅި ލިބާސް ކަނޑާ އުޅުނު ފޭރާމުގެ ބާވަތެއް
ކަނޑުކޮއްޓި
ނ ކަނޑުމަތީދޫންޏެއް މިއީ ކަޅުކުލައިގެ ކުޑަވަރަކު ދޫންޏެކެވެ މި އުދުހޭނީ ތިރިތިރިން ކަނޑުގައިޖެހޭ ހިސާބުންނެވެ މަޑުއިރަށް ކަނޑަށް ފީނައިވެސް އުޅެއެވެ
ކަނޑުކޮސް
ނ (1) ކަނޑުގައި އެއްކޮޅު ހިއްލިފައި ދެފެންދޭތެރޭ ހުންނަ އެތިކޮޅު (2) މަޖާޒު: ތާކުންތާކު ނުޖެހޭ މީހާ
ކަނޑުއުނިޔަ
ނ ފަރުމަހުގެ ބާވަތެއް. މިއީ ހަށިގަނޑު ފުޅާކޮށް ހުންނަ މަހެކެވެ. މިމަހުގެ ލޯ ބޮޑުވެފައި އަނގަ ކުޑަވާނެއެވެ. މަހުގެކުލައަކީ ރިހިއަޅިކުލައެވެ. މަހުގެ ކަރުތާފަތްމަތީގައްޔާއި ތުންކޮޅުގައި ނޫކުލައިގެ ތިކިތަކެއް ހުރެއެވެ
ކަނޑުއޮޅި ދަތުރު
ނ މީހަކު ނުވަތަ ސިޓީއެއް ފަދައެއްޗެއް ގެންގޮސްލާން އެއްރަށުން އަނެއްރަށަށް ކުރާ ބަންޑާރަ ދަތުރު މިދަތުރުގައި ގެންދަންވީ އެއްޗެއް އެންމެ ކައިރީގައި އޮންނަ ރަށަށް ފުރާތަކުރުމުން އެ ބައެއްގެ ކިބައިން ނިމުނީއެވެ