radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބަދަލު
ނ (1) މީހަކު ނެތްތާކު އެމީހަކު ކުރަންވާ ކަންތައް ކުރަންހުންނަ އަނެކަކު (2) އެކައްޗެއްގެ މަޤާމުގައި ބޭނުންކުރާ އަނެކަތި (3) އެއްޙާލަކުން އަނެއްޙާލަކަށް ފުރޮޅިގެންދާ ފުރޮޅުން
ބަދަލުކުރުން
މ (1) އެއްޗަކަށް އަނެކައްޗެއް ދިނުން (2) އޮތްގޮތް ނުވަތަ ހުރިގޮތް ނޫން އެހެން ގޮތެއް ހެދުން (3) އެއްޗެއްގެ ބަދަލުގައި އަނެކައްޗެއް ބޭނުންކުރުން
ބަދަލުއަތުލުން
މ އެއްޗެއްގެ ބަދަލުގައި އަނެއްކައްޗެއް ހިފުން
ބަދަލުވުން
މ (1) އެއް ހާލުން އަނެއް ހާލަށް ނަގުލުވުން (2) ހުރިގޮތްނޫން އެހެން ގޮތެއްވުން
ބަދަލުދިނުން
މ ކަމެއްގެ ނުވަތަ އެއްޗެއްގެ ބަދަލު ގައި ކަމެއްކުރުން ނުވަތަ އެއްޗެއްދިނުން
ބަދަޖެހުން
މ (1) އޮނުފަދަ ތަކެތީގެ ބަދަމަތި ކޮށައި އެއްވަރު ކުރުން (2) ބަދަލަ މުންހެދޭ ގަސްގަހުގައި ބަދަލާން ފެށުން
ބަދި
ނ (1) ފަޅުފަޅާއި ވިލުފަދަ ތަންތާނގައި ހެދެމުން އަރައިފައި ހުންނަ ގައުގަނޑުގަނޑު (2) ރާވެރިން ދެއުނބު ނުވަތަ ތިންއުނބު އެއްކޮށް ބަނދެފައި ހުންނަ ބޮޑެތި ގުޑި (3) )ޅ ( ރާގޮނޑި އައިން
ބަދިލުން
މ ރާބޭލުމަށްޓަކައި ރާވެރިން ތިން އުނބު ނުވަތަ ދެއުނބު އެއްކޮށްގެން ހުންނަ ބޮޑެތި ގުޑި އެތުގެ ކޮޅުގައި ހަރުކުރުން
ބަދިގޭ ހަނޑޫ
ނ ގަނޑުވަރުތެރޭގެ ބޭފުޅުންގެ ފަރިއްކޮޅު ކައްކާ މީހުންނަށް މުސާރައެއްގެ ގޮތުން ސަރުކާރުން ދީއުޅުނު ހަނޑޫ
ބަދިގޭމީހުން
ނ (1) އެތެރެކޮއިލުގެ ބަދިގެބަދިގޭގައި އުޅޭ އަންހެނުން (2) ބަދިގޭ މަސައްކަތުގައި އުޅޭމީހުން
ބަދުރާންމަހުކޮލި
ނ )މ ( މޫދުގައިއުޅޭ ރީނދޫކުލަިއގެ ވިހަމަހެއް މިމަހުގެ ބަނޑުދަށުގައި ލައްތަކެއް ޖަހައިފައި ހުރެއެވެ އަދި މަހުގެ ވަށައިގެން ކަށި ފަޅައިފައި ހުރެއެވެ
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ
ބަދުރު
ނ (1) މަދީނާގެ ކައިރީގައި އޮންނަތަނެއް (2) ބަދުރޭމިކިޔާ ތާނގައި ހުންނަ މަޝްހޫރުވަޅެއް (3) ބަދުރު ހަނގުރާމަޔަށް ވަޑައިގަތް އަޞްޙާބުބޭކަލުންގެ ނަންފުޅުތައް ލައިގެން ހަދައިފައި އޮންނަ ދުޢާއެއް
ބަދުރުވާ
ނ (1) ފުރަބަދުރުވައާއި ފަސްބަދުރުވަ (2) ފުރަބަދުރުވައާއި ފަސްބަދުރުވައާއި އެދެނަކަތުގައި އަންނަ ކޮޅިގަނޑު (3) ބަދުރުވާމަތި (4) ބަދުރުވާ މޫސުން
ބަދުދުޢާ
ނ އަނެކާއަށް ނުބައިގޮތްވުމަށް އެދިކުރާ ދުޢާ
ބަދެޅި
ނ ފަރުތޮޅީގެ ބާވަތެއް: މިއީ އާދައިގެ ތޮޅިއަށްވުރެ ކުދިކޮށޗ ފަތިކޮށް ހުންނަތޮޅިއެކެވެ މީގެ އަނގަތަންކޮޅެއް ކުޑަވާނެއެވެ ނަގޫފަތުގެ މަތީކޮޅު ކުރުވާނެއެވެ ތޮޅީގެ ކުލައަކީ ރިހިކުލައެވެ
ބަތަވި
ނ (1) ދެރަކަމެއް ވާން އުޅޭކަމަށް ފެންނަ ޢަލާމާތް ނުވަތަ ނިޝާން (2) ކަމެއްވުމުން އެކަމާ ގުޅިގެން ފަހުން ވާނޭ ކަމަކާމެދު ކުރެވޭލަފާ
ބަތާނަ
ނ (1) އެތެރޭފަށް (2) އުނުފޭރާމާއި ބާލީހާއި ގޮދަޑިއާއި ސަނދުވާފަދަ ތަކެތީގެ އެތެރޭގައި އޮންނަފަށް. (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަ ލާފަށް (4) މަޖާޒު: ގެޔަކަށް ވަދެ އުޅޭ މީހުންގެ ތެރެއިން އެގެއަކަށް އެންމެ ގަދަ މީހާ
ބަތާނަފުށް
ނ (1) އެތެރެފުށް (2) ނުބައިފުށް
ބަތާނަލުން
ނ (1) ބަތާނަލައިގެން ފެހުން (2) ބަތާނަ ހަރުކުރުން (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަލާފަށް ލުން