radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ތާމޯމީޓަރ
ނ (1) ފިނިހޫނުމިނުގެ ދަރަޖަ ބަލަން ގެންގުޅޭ އާލަތެއް އާދައިގެ ގޮތެއްގައި މިހަދައިފައި ހުންނަނީ ހިމަބިއްލޫރި ހޮޅިއެއްގެ ގޮތަށެވެ އެތެރެއަށް ދިރޭރަހަ ނުވަތަ ކުލަ ޖައްސައިފައިހުންނަ އަލްކޮހޮލް އަޅައިގެންނެވެ އޭގައި ނުވަތަ އެހަރުކޮށްފައިވާ އެއްޗެއް ގައި ފާހަގަތަކެއްލައި ހިސާބު ޢަދަދުތަކެއް ޖަހައިފައިހުރެއެވެ (2) ހުންބަލާ ކަށިގަނޑު
ތާސީރު
ނ އެއްޗެއްގައި ހުންނަގޮތް އާއްމުކޮށް މިބަސް ބޭނުންކުރަނީ ކާބޯތަކެއްޗާއި ބޭސްބޭހާއި ފަތްޕިލާވެލިފަދަ ތަކެއްޗާ ބެހޭގޮތުންނެވެ
ތާސް
ނ (1) އެއްޗެހި ތެލުލުމަށާއި ކެއްކުމަށް މައުދަނުން ހަދައިފައިހުންނަ އެއްޗެއް. މިހުންނަނީ އަނގަމަތި ފުޅާކޮށް އެތެރެ ތިލަކޮށް ދެއުޅައްލައިފައެވެ (2) ތާސްބައިން ކުޅޭ ކުޅިވަރެއް
ތިނޯސްހުއި
ނ )ގ.( (1) ދަނޑުމަތީގައި ހުންނަ ވަރަށް ފަތްކުދި ވިނައެއް. މީގެ ފަތްތައް ހުންނާނީ ހަރުކޮށް ތޫނުކޮށެވެ. ފައިން އެރުނީމާ ތަދުވާގޮތް ހުންނާނެއެވެ. (2) މޫދުގައިއުޅޭ ވަށްކޮށް ތިނޯސް ތަކެއްނުކުމެފައި ހުންނަގޮތަށް ހުންނަ އެއްޗެއް މިއަށް ފައިންއެރުނީމާ ފަޔަށް ހެރޭނެއެވެ ބިންދަ ބިންދައިގެންވެސް ދާނެއެވެ ހެރިފައި އެތިކޮޅެއް ހުރެއްޖެނަމަ ވަރަށް ރިއްސާނެއެވެ އެނެގުމަށްފަހު ކަމަކަށްނުވެ ރަނގަޅުވެއެވެ މިއަށް ތިނޯސް ބެރުވެސް ކިޔައެވެ
ތިނޯސްދޫނި
ނ ތިނޯހާވައްތަރުގޮތަކަށް ދޫނީގެ ހަށިގަނޑުހުންނަ ވަރަށްކުޑަ ހިމަދޫންޏެއް
ތިންހަމަ
ނ ކުޅޭ ކުޅިވަރެއް. ތިންހަމައިގެ ހުންނަނީ ދެވައްތަރެކެވެ. އެއް ވައްތަރަށް ކިޔަނީ ބަބުރު ތިންހަމައެވެ. އެއީ އާދައިގެ ތިންހަމައެވެ. އަނެއް ވައްތަރަކަށް ކިޔަނީ ވަގު ތިންހަމައެވެ. މިތިންހަމައަށް ފުއްކާ ތިންހަމައޭވެސް ކިޔައެވެ
ތިންބުރިކޯއްޓޭ
ނ އިހުގައި ތިންބުރި ގުޅައިގެން ކާލިގަނޑުލައިފައި ހަދައިފައި ހުންނަ ކޯއްޓޭއެއް )ދިދަ ދަނޑިއެއް( މިކޯއްޓޭގައި ހުންނާނީ ދަނޑިމަތި އަނބުރައިފައެވެ މިކޯއްޓޭ އެހެން ކޯއްޓޭއަށްވުރެ ކުޑަވާނެއެވެ މިކޯއްޓޭ ނަގައިފައި ހުންނަނީ ނާބުސްޚާނުގެ އިރުމަތީން ފާރުމަތީގައެވެ
ތިންއަރިމުރަކަ
ނ މުރަކަ ގޮތަށް ހެދޭ ގަހެއް މިގަހުގައި ފަތެއް ނުހުންނާނެއެވެ ގަސްގަނޑު ހުންނާނީ ތިންއަރިއަށެވެ
ތިންމަހުރޯދަ
ނ ރަޖަބުމަހާއި ޝަޢުބާންމަހު ހިފުން ސުންނަތްވެގެންވާ ރޯދަ. މިރޯދައަށް ތިންމަހު ރޯދަކިޔަނީ ރަމަޟާންމަހާއި ގުޅިގެން ކުރިޔަށް މިދެމަސް ވިދިގެން އަންނާތީއެވެ
ތިންމައިގަނޑުވިޔަ
ނ ގުނަކޮށް ގެއްލައިގެން ހަދާ ހިސާބެއް މިސާލު: ތިންލާރިއަށް ދެމިރުސް ދެންޏާ އަށްލާރިއަށްވާނީ ކިތައް މިރުސްތޯ ބެލުމަށް ކުރާ ހިސާބު
ތިންމުގޯލި
ނ ވަކިދުރުމިނެއްގައި ތިންމުގޯލި އަޅައިގެން ފިލާގަނޑަކާއި ޓެނިސް ބޯޅައަކުން ކުޅޭ ކުޅިވަރެއް. މިކުޅިވަރު ކުޅޭއިރު ބައެއްގައިތިބޭ މީހުންގެ ވަކިޢަދަދެއް ކަނޑައެޅިފައެއްނޯވެއެވެ. ކުޅޭގޮތަކީ ބޯޅައެއްލީމާ ފިލާގަނޑުންޖަހައި ބޯޅަދުއްވައިލުމާއެކު އަރާ މުގޯއްޔަށް ނުވަތަ ކޮޅުމުގޯއްޔަށް ދުވެއަންނަނީއެވެ. މިގޮތަށް ދުވަނިކޮށް މުގޯއްޔަށް ނޭރެނީސް ކުޅުންތެރިޔާގައިގައި ނުވަތަ އަރަންދާ މުގޯލިތެރޭގައި ބޯޅައިން ޖަހައިފިނަމަ ކުޅުންތެރިޔާ ނުބައިވީއެވެ. ކުޅުންތެރިޔާ ޖަހާބޯޅަ ހިފައިފިނަމަ މުޅިބައި ނުބައިވީއެވެ
ތިންފުޅީބެރު
ނ (1) އިހުގައި ހުކުރު ދުވަހު ނުވައެއްޖެހީމާ ނާބުސްޚާނުންޖަހާ ބެރެއް މިބެރުޖަހާނީ ދުންމާރިއާއި ތާޅަފިލި ފުމެމުންނެވެ (2) ހަތްފިޔަވަޅުބެރު
ތިކި
ނ (1) ދިޔާއެއްޗެއްގެ ޢަދަދު ކުރެވޭ އެންމެމަދު މިންވަރު (2) ލިޔުމުގެ ތެރޭގައި ބޭނުންކުރާ ނިޝާނެއް އެންމެ ޢާއްމުކޮށް މިނިޝާން ބޭނުންކުރަނީ ޖުމުލަ ނިންމާ ތާނގައެވެ (3) ނުކުތާ
ތިއްތިޖެހުން
މ ކުދިން އަނދުން އަޅުވައި އުޅުނު ޒަމާނުގައި ދެއަތުގެ މެދުގައި އަނދުން ތިއްކެއްޖެހުން މިތިކިޖަހާނީ އިނގިލިކޮޅު އަނދުން ދަޅުގައި ކާއްތައިލައިފައި އަތުގެ މެދުގައި އިނގިލި ޖައްސައި އޮބައިލައިގެންނެވެ
ތިމަންބޭކަލުން
ނ ބުނިބަސް އަންގައިދޭގޮތަށް އަހަރެމެން ބޭކަލުން މިބަސް ބޭނުންކުރާގޮތް )މިބަސް ބޭނުންކުރަނީ މަލާއިކަތުންނާއި ނަބީންނާއި ރަސޫލުންނާއި އަޞްޙާބު ބޭކަލުންނާމެދުއެވެ
ތިމަންކަލޭފާނު
ނ ބުނިބަސް އަންގައި ދިނުމުގެ ގޮތުން ބުނެއުޅޭ އަހަރެން )ތިމާ( މިބަހުގެ ބަދަލުގައި މާތްބަހުން ބުނާގޮތް )މިބަސް ބޭނުންކުރަނީ މަލާއިކަތުންނާއި ނަބީންނާ ރަސޫލުންނާ އަޞްޙާބު ބޭކަލުންނާމެދުގައެވެ
ތިމަރަ
ނ (1) ޓިނާއި ޖަސްތުފަދަ ތަކެތިން ހަދާތަކެތި ބެއްދުމަށް ގެންގުޅޭ މަޢުދަނީއެއްޗެއް މިއަލިފާނުން ވިރޭނެއެވެ މިއީ ފެނުބާރު ހިފާވަރަށްވުރެ ބަރުއެއްޗެކެވެ (2) އުރަވަޅީގައި ނަގާބައްޔެއް
ތިމަރަނަރު
ނ (1) ބައްދާތިމަރަ (2) ކަރަންޓް ހަތިޔާރުން ހޫނުކޮށްގެން ތަންތަން ބައްދަން ބޭނުންކުރާ ތިމަރަ މިހުންނަނީ އެކިފަލަމިނުގައި ރޯލުރޯލަށެވެ
ތިމަރައެޅުން
މ އުރަވަޅީގައި ތިމަރައުފެދުން މިބަލި ޖެހުނީމާ ވަރަށްބޮޑަށް ހަންގަނޑު ކުރަކިވެ ކަހައި ހިރުވާނެއެވެ
)މުސްކުޅިބަހެއް( މީހަކަށް ކެއްސެއްދޭން ތިމާ ނުބައިރޭވުމެއް ރާވައިފިނަމަ އެރޭވުމުން އެންމެފަހުން ގެއްލުންލިބޭނީ ތިމާއަށޭ ބުނުމަށް ބޭނުންކުރާބަހެއް ތިމާފޭހިއިލޮށިގަނޑުހެރޭނީތިމާގެ ލޮލަށެވެ