radheef.info
ރަދީފު


ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ދެފަށްދަންމާނު
ނ ރިޔާލާން ނުގޮސް މީހާ ހުރިތާ ހުރެގެން ރިޔާލެވޭގޮތަށް ޖަހައިފައި ހުންނަ ދަންމާނު ވައިމާބާރުއިރުވެސް މިގޮތަށް ދަންމާނުޖަހައެވެ
ދެފަށްދަންމާނުގައި
މަޖާޒު: ގެއެއްގެ ނުވަތަ ތަނެއްގެ ހުރިހާ ކަމެއް އެކަނިމާއެކަނި ކުރަން ޖެހުމުން ބުނެއުޅޭ ބަހެއް
ދެފަށްލާޖަހައި ކުރެހުން
މ ލިޔެލާ ޖަހާއިރު ދެކުލައިގެ ދެފަށްލާ ދުއްވުމަށްފަހު މަތީފަށް ކެނޑޭގޮތަށް ކުރެހުމެއް އެޅުން
ދެފުށްކެހެރި
ނ މަޖާޒު: (1) ދެފުށް ދެގޮތްމީހާ (2) ދެފަރާތުން ތަތްލާޓޭޕު
ދެފުށްދެފުށަށްޖެހުން
މ އަވީލައިފައި ހުންނަ އެއްޗެހި ނުވަތަ ފިހާއެއްޗެހި އެއްފުށުން އަނެއް ފުށަށް ޖެހުން
ދެފޫދޯރި
ނ (1) މަހުފުލަށް ފޭލިއަނދެފައި ހުންނައިރު ހުންނަގޮތް (2) މަޖާޒު: އެއްވާހަކައެއް ދެމީހެއްގެ ގާތުގައި ދެގޮތަށް ދައްކައި އުޅޭ މީހާ
ދެލޯމުދުނަށް އެރުން
މ މަޖާޒު: ކަމަކާ މާބޮޑަށް ހާސްވެކަންބޮޑުވުން
ދޭވާނި
ނ (1) ތަޢުޒީރުކުރާ މީހާ (2) އިހުގައި ސަރިއަތް ކުރާތަންތާނގައި ޕިޔޯނެއްގެ ވަޒީފާ އަދާކުރާ މިހާ
)ހަރުބަހެއް( ތިމާއަށް މީހަކު އެއްޗެހިތަކެއް ދިންކަމުގައިވިޔަސް އެލިބިގަންނަންވާނީ އެކަށީގެންވާ މިންވަރަކަށްކަން އަންގައި ދިނުމުގެ ގޮތުން ބުނެއުޅޭ ބަހެއް ދޭމީހާދިނަސް ކާމީހާވާނީ ބަލައިގެންކާށެވެ
ދޮށިއެޅުން
މ (1) މަސްދޯނިފަހަރުގައި ދޮށިން މަސްބޭނުން (2) ތިލާކެޔޮޅުކަމުގައި މާނިޔާމަހާއި ފަނިހަނދިފަދަމަސް ދޮށިން ބޭނުން
ދޮންނޫމަސް
ނ ފަޅުފަޅާއި ފަރުފަރުގެ ބޭރުގައި ދިރިއުޅޭ ވަރަށް ރީތިކުލައެއް ހުންނަ ވެހިމަހެއް މިމަސް ވައްތަރުވާނީ ފަރުނޫ މަހާ އެވެ
ދޮންބައްޕަ
ނ މަންމައާއިން ނުވަތަ އިނދެގެން އުޅޭ ބައްޕަނޫން މީހާ
ދޮންބަފާކަލޭގެ
ނ ތިމާގެ ފިރިމީހާ ނުވަތަ އަނބިމީހާގެ ދޮންބައްޕަ
ދޮންކާފަ
ނ (1) މާމަ އިނދެގެން އުޅޭ ނުވަތަ މާމައިން ކާފަނޫންމީހާ. (2) )ޏ.( މުންނަ އިނދެގެންއުޅޭ ނުވަތަ މުންނައިން ކާފަނޫން މީހާ
ދޮންމަންމަ
ނ ބައްޕައިން ނުވަތަ އިނދެގެންއުޅޭ މަންމަނޫން މީހާ
ދޮންމައިދައިތަ
ނ ފިރިމީހާގެ ނުވަތަ އަނބިމީހާގެ ދޮންމަންމަ
ދޮންމާމަ
ނ (1) ކާފަ އިން ނުވަތަ އިނދެގެންއުޅޭ މާމަނޫން މީހާ. (2) މާފަ އިން ނުވަތަ އިންނަ މާމަނޫން މީހާ
ދޮންމޫސަގަސް
ނ ކަށަވަކިގަހާއެއް އުސްމިނަކަށް ހެދޭ ކާންބޭނުންކުރާ އެއްޗެއްއަޅާގަހެއް މިދޮންވީމާ ހުންނާނީ ރަތްރީނދޫކުލައިގައެވެ
ދޮރު
ނ (1) ތަންތަނަށް ވަދެނިކުތުމަށް ހަދައިފައި ހުންނަ ތަން (2) މިފަދަ ތަންތާނގައި ލަކުޑި ނުވަތަ މަޢުދަނީ އެއްޗަކުން ހަދައިފައި ހުންނަ ފުރޭމު (3) އިންސާނުންނާއި ހައިވާނުންގެ ކުޑަކަމުނަޖިހާއި ބޮޑުކަމުނަޖިސް ނުކުންނަތަން (4) އިންސާނާގެ އެތެރެހަށްޓަށް އެއްޗެއް ވަދެނުކުމެވާ ކޮންމެތަނެއް މިސާލު: )ހ( އަނގަ )ށ( ނޭފަތް )ނ( ކަންފަތް މަޖާޒު: (5) މަގު (6) ގޮތް
ދޮރުވާނު
ނ (1) ދޮރުގެ ފާރަޔަށް ހުންނަމީހާ (2) ދޮރުފާރަވެރިޔާ