radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
މަސްތުރަވުން
މ ކުއްޖާ ދުނިޔެއަށް އަންނައިރު ކުއްޖާގެ ފޫޅުދަނޑިއާ ގުޅިފައިވާބައި މައިމީހާގެ ބަނޑުން ބޭރުވުން
މަޑިދާތާކަށްކަށިދާނެ
ނ )މިސާލުބަހެއް( ދެމީހަކު އަބަދުހެން އެކުގައި އުޅޭނަމަ އެކަކު ދާތާކަށް އަނެކަކު ދާނެކަން އަންގައިދިނުމުގެގޮތުން ބުނެއުޅޭ ބަހެއް
މަޑުކަށި
ނ ހަރުވެފައިވާ ލޮނދިކަހަލަ ހުދު ނުވަތަ އަޅި ކުލައިގައި ހުންނަކަށި މިކަށީގެ ބޭނުމަކީ ޙަރަކާތް ކުރާކަށީގެ ގުނަވަންތަކަށް ލިބޭ ކޮއްޕުމުން ނުވަތަ ފިތުމުން ދެކަށިގަނޑަށް ގެއްލުންނުލިބޭ ގޮތަށް ދެކަށިގަނޑުގެ ދެމެދުގެ ދުރުމިން ހިފަހައްޓައި ދިނުމެވެ މީގެ ތިން ބާވަތެއްވެއެވެ ނޭފަތާއި ކަންފަތުގައި ވަނީވެސް މީގެ ވައްތަރެކެވެ
މަޑުވުން
މ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތްވުން (2) ކަނޑުގެ ރާޅުތައް ކުދިވެ ހަމަހިމޭންވުން (3) ޙަރަކާތްތެރިކަން ކުޑަވުން (4) ފަނޑުވުން (5) ހިނގައިފައިދާމީހަކު ހުއްޓުން ނުވަތަ ހިނގުމުގެ ބާރުމިން ލަސްވުން (6) ދުއްވާފައިދާ އެއްޗެއްގެ ދުވެލި ލަސްވުން ނުވަތަ ހުއްޓުން
މަޑުމިޔަރު
ނ (1) ވަރަށް ފުނުން ބާނާ ޗަކަސްގަނޑެއްހެން އޮންނަ މިޔަރެއް (2) މަޖާޒު: ޙަރަކާތެއްނެތި މަޑުންތިބޭ ކަންނެތް ފާޑުގެ މީހުންނަށްވެސް "މީނާއަކީ މަޑުމިޔަރެކޭ އެއްގޮތޭ" މިހެން ބުނެއުޅެއެވެ
މަޑުގަނޑު
ނ ގަލާ އެއްސިފައަކަށް މޫދުގައި ހުންނަ އޮބޭ އެއްޗެއް މީގައި ކުދިކުދި ލޯވަޅުތަކެއްވެސް ހުންނާނެއެވެ
މަޑުޗަކުންޗައްޕާސް
ނ މަޖާޒު: (1) ފެންރަނގަޅަށް ނުހިނދި މަޑުވެގެން ޗަސްވެފައިހުންނަބަތް (2) ލޮކިމަސްޖަހައި ފަލަވެފައި ހުންނަ ޙަރަކާތްތެރިކަން ކުޑަމީހާ
މަޒުހަބު
ނ މީހަކު ނުވަތަ ބަޔަކު ތަބާވާގޮތް
މަޔާހޮކި
ނ އަމަޔާ ޒިނޭކުރިމީހާ މިއީ މީހުނާ ދިމާއަށް ރުޅި އައިސްގެންބުނާ ހުތުރު ބަސްތަކުގެ ތެރޭން އެންމެ ނުބައި އެއްބަހެވެ )މިބަސް ސަމާސާއަށްވެސް ޖެއްސުމަށްވެސް ބުނެއުޅެއެވެ
މަޔާއިނު
ނ މިއީ މީހަކު ދެކެ ރުޅި އައިސްގެން އޭނާގެ ނުބައިކަން ހާމަކޮށް ދެރަކުރުމުގެ ގޮތުން ބުނާބަހެކެވެ. މާނައަކީ އަމަޔާ އިން މިއެވެ ބައެއް މީހުން ސަމާސާއަކަށްވެސް މިހެން ބުނެއުޅެއެވެ
މަޖިލީހަށް އެރުން
މ އިހުގައި ދައުލަތުން ދެއްވާ ވަކި ދަރަޖައެއް ލިބުން މިދަރަޖަ ލިބިފައި ތިބޭ މީހުންނަށް ޢާއްމުގޮތެއްގައި ކިޔައި އުޅެނީ ކަލޭފާނެވެ ނަމަވެސް ދީދި ނުވަތަ މަނިކު ނުވަތަ ތުއްތު ކިޔާމީހަކު މަޖިލީހަށް އަރުވައިފިނަމަ އޭނާގެ ނަމަކަށް ބަދަލެއް ނާންނާނެއެވެ
މަޖިލީހަށްނެރުން
މ )ހ ( ބެރުދުންމާރިތާޅަފިއްޔާއި ކުޅި ޖެހުންފަދަ ކަންތައްދަސްކޮށް ދިނުމަށްފަހު އެމީހަކު ރަސްމީގޮތުން އެކަން ކަމަށް ނެރުން
މަޖިލީހަށްއަރާ ބޭކަލުން
ނ އިހުގައި ރަސްމީގޮތުން ޚާއްޞަ ދަރަޖައެއް ދެއްވައިފައިތިބޭ މީހުން
މަޖިލީހުގައި އެޅުން
މ އިހުގައި މަތީ ދަރަޖައިގެ ބޭފުޅުން އަވަހާރަވީމާ ރަސްމީ ޢިއްޒަތުގައި ފަސްދާނުލުން
މަޖިލީސްކުރުން
މ ބަޔަކު މީހުން ތަނަކަށް އެއްވެ ކަމަކާމެދު މަޝްވަރާކުރުން
މަޖޫރީ
ނ (1) އުޖޫރައަށް ކުރާވަގުތީ މަސައްކަތް (2) އުފުލާ މަސައްކަތުމީހުން
މަޖޫސީން
ނ (1) އަލިފާނަށް އަޅުކަންކުރާމީހުން (2) މަޖާޒު: ނުލަފާމީހުން
މަޖްނޫނު
ނ (1) މޮޔަމީހާ (2) ޤައިސްޢާމިރީއަށް ދެވިފައިވާ ނަމެއް މީނާއަކީ ލައިލާގެ ލޯބިވެރިޔާއެވެ
މަޙުޝަރު
ނ ޤިޔާމަތްދުވަހު މީސްތަކުން އެއްކުރައްވާތަން
މަޙްރަމުން
ނ ކާވެނި ޙަރާން މީހުން