radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބައްތި
ނ (1) އަލިކުރާން ދިއްލާއެތި. މިސާލު: )ހ( އުށްބައްތި )ށ( ފުޅިބައްތި. )ނ( އަތްބައްތި )ރ( ނެރުބައްތި (2) އިލޮށި ގަނޑެއްގައި ފޮތިކޮޅެއް އޮޅައިގެން ރޯކުރަން ގެންގުޅޭ އެއްޗެއް
ބައްތި އެނބުރުން
މ (1) އިލޮށިގަނޑެއްގައި ފޮތިކޮޅެއް އޮޅައިގެން ބައްތިޔެއް ހެދުން (2) ދަތުރުކުރާ މީހުންނަށް ދައްކާން ހަދައިފައި ހުންނަ ބައްތީގެ އަލިއެނބުރޭ ގޮތްހެދުން
ބައްތިހޮޅު
ނ ބައްތީގެ ހުޅުގަނޑު ނިވުނަ ނުދިނުމަށް ހުޅުގަނޑުގެ ވަށައިގެން ޖަހައިފައި ހުންނަ ބިއްލޫރި އެއްޗެއް
ބައްތިކޮޅު އަނދިރި
ނ އަންހެނުންލައި އުޅުނު ފަށުވިއެޅި ލިބާހެއްގެނަން މިއީ އިހުގައި ބަންގާޅުން ގެނެސް އުޅުނު ފޮއްޗެކެވެ
ބައްތިސާގު
ނ ފަތްހިމަކޮށް ހުންނަ ހުދުކުލައިގެ ކުރައެއް އަންނަގަހެއް މިއަށް "ވަލުސާގު" "އުއްބައްތިގަސް" މިހެން ވެސް ކިޔައެވެ
ބައްތެލި
ނ ރިޔާނަގައިގެން ދުއްވާ އުޅަނދެއް މީގެ ދެކޮޅު މައްޔަލުގައި ކިއްސަރެއް ނުހުންނާނެއެވެ
ބައްލަވައިގަތުން
މ ގަތުން މިބަހުގެ މާތްގޮތާއި އެންމެމާތްގޮތް
ބައްޑިޔާ
ނ މުށެއްހުންނަ ދަނޑިގަނޑަކާއި ކޯޅިއެއް ހުންނަވަރުގެ ދަނޑިކޮޅެއް ބޭނުންކޮށްގެން ކުލޭ ކުޅިވަރެއް
ބައްޕާފުޅު
ނ "ބައްޕަ" މިބަސް އެންމެ މާތް ބަހުން ބޭނުންކުރާގޮތް
ބަވަނަ
ނ އަންގާގެ ނަކަތްތެރިކަމުގައި ދުވަސްބަހާފައިވާ ބައިތަކުގެ ތެރެއިން ބައެއް
ބަވައިގަތުން
މ އެއްޗެހި ގޮވައިގަތުން
ބަމަ
ނ (1) މިންއަޅާންގެންގުޅޭ މިނެއް މީގެ ދިގުމިނަކީ ތިންރިޔަނާ އަށް އަނގުލެވެ މިމިންބޭނުންކުރަނީ ފެނުގެ ފުންމިން ބެލުމަށާއި ބިމުގެ ބޮޑުމިން ބެލުމަށެވެ (2) ދެއަތް ދެފަރާތަށް ދަމާލީމާ އެއްއަތުކޮޅުން އަނެއްއަތުކޮޅާ ދެމެދު
ބަމުން
ނ އުއިގަނޑުގެ ތެރެއަށް ލައްވާން އޮމާން ލަކުޑިން ހަތަރު އަރިއަށް މަށައިފައި އެއްކޮޅު ފޭހިފައި އޮންނަ ދެރިޔަން ވަރުގެ ދަނޑިއެއް
ބަފައެކޭ ހަމަކުރުން
މ އަނބިމީހާ ފިރިމީހާޔާ ދިމާޔަށް "ތިޔައީ ތިމަންގެ ބަފައޭ" ނުވަތަ "ކަލޭ ތިމަންގެ ބަފައެކޭ އެއްފަދައޭ" ބުނުން
ބަފާ
ނ (1) ބައްޕަ (2) އެމީހަކަށް ދަރި އުފަންވީކަމަށް ޝަރީޢަތް ޤަބޫލުކުރާ ފިރިހެންމީހާ
ބަފޯހިކާ
ނ ހިކާގެ ބާވަތެއް މިއީ އަނގަބޮޑު ހުޅުނބުގިނަ މަހެކެވެ މިމަހުގެ ތުން ކައިރީގައި ދެނަރުވާ ހުރެއެވެ
ބަދަނާކުރާ
ނ ކުރުފަލަކޮށް ހުންނަ ކުރައެއް މީގެ އަނގަބޮޑު ވާނެއެވެ މިއީ އިހުގައި ގެންގުޅުނު ކަންވާރެކެވެ
ބަދަން
ނ (1) ބޭހަށާ ކެއުމަށް ގެންގުޅޭ ބޭރުގައި ތޮށިގަނޑެއް އޮންނަ މަދެއް މީގެ ކިތައްމެ ބާވަތެއްހުރެއެވެ (2) ލިބާހުގެ އަތާއި އަރިޔާ ގުޅަން އޮންނަ ފޮތިގަނޑު
ބަދަބަދަވެޔޮ
ނ ތަނޑުގަނޑު ހަތަރުއަރިއަށް ބަދަބަދައަށް ހުންނަވެލެއް މީގެ ކޮންމެ ބަދައަކުން ކުޑަފަތެއް ފަޅަމުން ހެދެއެވެ މިހެދެނީ ވެލަނބުލިވެޔޮ ފާޑަށެވެ މިވެލުގެ ތަނޑުގަނޑު ވަރަށް މަޑުވާނެއެވެ
ބަދަލަށްބަދަލު
ނ (1) އެއްޗަކަށް އަނެއްކައްޗެއް (2) ކަމަކަށް ކަމެއް