radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ތިނޯހެއްގެ ތުނޑުޖައްސައިލާނެ ތަންކޮޅެއްވެސް ނެތް
މަޖާޒު: އެއްގޮތަކަށްވެސް ހުސްޖާގައެއް ނުވަތަ ހުސްތަންކޮޅެއް ނެތުމުން ބުނެއުޅޭ ބަހެއް
ތިންމުގޯލި
ނ ވަކިދުރުމިނެއްގައި ތިންމުގޯލި އަޅައިގެން ފިލާގަނޑަކާއި ޓެނިސް ބޯޅައަކުން ކުޅޭ ކުޅިވަރެއް. މިކުޅިވަރު ކުޅޭއިރު ބައެއްގައިތިބޭ މީހުންގެ ވަކިޢަދަދެއް ކަނޑައެޅިފައެއްނޯވެއެވެ. ކުޅޭގޮތަކީ ބޯޅައެއްލީމާ ފިލާގަނޑުންޖަހައި ބޯޅަދުއްވައިލުމާއެކު އަރާ މުގޯއްޔަށް ނުވަތަ ކޮޅުމުގޯއްޔަށް ދުވެއަންނަނީއެވެ. މިގޮތަށް ދުވަނިކޮށް މުގޯއްޔަށް ނޭރެނީސް ކުޅުންތެރިޔާގައިގައި ނުވަތަ އަރަންދާ މުގޯލިތެރޭގައި ބޯޅައިން ޖަހައިފިނަމަ ކުޅުންތެރިޔާ ނުބައިވީއެވެ. ކުޅުންތެރިޔާ ޖަހާބޯޅަ ހިފައިފިނަމަ މުޅިބައި ނުބައިވީއެވެ
ތިންފުޅިދުމާދިއުން
މ އިހުގައި ކޮންމެރެޔަކު ނުވައެއްޖެހީމާ ގަނޑުވަރުތެރެއިން މުޖުމަރާއަކަށް އަލިފާނާއިދުމާ އަޅައިގެން ކުދިބޭކަލަކު އެމުޖުމަރާ ހިފައިގެން މެދުޒިޔާރަތްދޮށަށް ދުޢާވެރިކަން ކިޔެވުމަށް ގެންދިއުން
ތިންފުޅިޔަށްޖެހުން
މ އިހުގައި ރޭގަނޑު ނުވައެއްޖެހީމާ ދަމުއަށީގައި ހުންނަ ލޯގަނޑުގައި މުގުރުގަނޑުން ތިންފަހަރުޖެހުން
ތިންފުޅީބެރު
ނ (1) އިހުގައި ހުކުރު ދުވަހު ނުވައެއްޖެހީމާ ނާބުސްޚާނުންޖަހާ ބެރެއް މިބެރުޖަހާނީ ދުންމާރިއާއި ތާޅަފިލި ފުމެމުންނެވެ (2) ހަތްފިޔަވަޅުބެރު
ތިރާވުން
މ މީހަކު ނުވަތަ އެއްޗެއް ނުވަތަ ތަނެއް ވެއްޓި ބިންމައްޗަށްޖެހުން
ތިރިކުރުން
މ (1) މަތިކުރުމުގެ އިދިކޮޅު (2) ނަގައިފައި ހުރިއެއްޗެއް ބޭލުން މިސާލު: )ހ( ދިދަ ތިރިކުރުން )ށ( ރިޔާތިރިކުރުން (3) އުސްކަން ކުޑަކުރުން މިސާލު: ފާރުތިރިކުރުން (4) ސޭލާއަކުން އުފުލައިފައި ހިފަހައްޓައިފައިހުރި އެއްޗެއް ބިމަށް ނުވަތަ ބޯޓު ތެރެއަށް ގެނައުން (5) އުފުލަިއފައި ހުރި އެއްޗެއް ވައްޓައިލުން މިސާލު: ފަރުދާ ތިރިކުރުން (6) މަޖާޒު: މަތީ މަޤާމުގައި ހުރި މީހަކު ދަށަށް ޖެއްސުން
ތިބުން
މ (1) އިނުން ނުވަތަ ހުރުން ގިނަކޮށް ބުނާގޮތް މިސާލު: )ހ( ކުލާހުގައި ތިބީ ބާރަކުދިން )ށ( ދަނޑުގައި ކުޅެންތިބީ ބާވީސް މީހުން (2) ދަތީގައިޖެހުން
ތިކިޖެއްސުން
މ (1) ލޮލަށް ނުވަތަ ނޭފަތަށް ނުވަތަ އެނޫންވެސް ތަނަކަށް ދިޔާބޭހެއް ތިކިތިކިންއެޅުން (2) ބަލިމީހަކަށް ނުވަތަ ކުޑަކުއްޖަކަށް ދިޔާއެއްޗެއް ތިކިތިކިންދިނުން (3) ތިކިޖެހުން މިބަސް ކުރުވުމުގެ މާނައިގައި ބުނާގޮތް
ތިއްބުން
މ (1) މީދާފަދައެއްޗެއް ހިފުމަށްޓަކައި ދައްޗެއް ނުވަތަ ކޮށްޓެއްފަދަ އެއްޗެއް ފާލުއަޅުވައިފައި ބެހެއްޓުން (2) )ބ ( ކުދިން ނިދަންބައިތިއްބުން
)މުސްކުޅިބަހެއް( އެމީހެއްގެ ދަރިއަކު ނުވަތަ ނުވަތަ އެމީހަކު ލޯބިވާ މީހަކު ކިތަންމެ ވިޔާނުދާ ކަމެއް ކުރިކަމުގައިވިޔަސް އެކުރީ ވިޔާނުދާކަމެއް ކަމަށް އެމީހާއެއް ނުދެކޭނެ ކަމާ އަދި އޭނާގަބޫލުކުރާ ގޮތުން އޭނާގެ ދަރިއެއް އެފަދަ ވިޔާނުދާކަމެއް ނުކުރާނެކަން ބަޔާންކުރުމަށް ބުނެއުޅޭބަހެއް ތިމާގެ ދަރި ތިމާއަށް ދޮންފުތު ވާނެއެވެ
ތިމާޔާނުބެހޭކަމަކާ ކާޅުކެޔަސް ސޮއްނުގޮވާށޭ
)ހަރުބަހެއް( ތިމާޔާ ނުބެހޭ ކަމެއް ބަޔަކު ނުވަތަ މީހަކު ކުރަމުންދާއިރު އެކަމެއްގައި ކިތަންމެބޮޑު ގެއްލުމެއް ވަމުން ދިޔަޔަސް އެކަމަކާ ތިމާ ނުބެހުމަށް ނަސޭޙަތްތެރިވުމަށް ބުނާބަހެއް
)ހަމައެކަނި އަންހެނުންނަށް( ތިޔަ
ނ (1) ވާހަކަދެކެވޭ ދެވަނަ ފަރާތުގެ ކައިރީގައި ހުރި އެއްޗަކަށް ނުވަތަ ގާތުގައި ހިނގާކަމަކަށް އިޝާރާތް ކުރުމުގެ ގޮތުން ބޭނުންކުރާ އިޝާރާތުގެ ނަމެއް މިސާލު: )ހ( ތިޔަމޭޒު )ށ( ތިޔަގޮނޑި )ނ( ތިޔަކަންތައް )ރ( ތިޔަގެ )ބ( ތިޔަވާހަކަ (2) )ޏ ( ކަލޭ
ތިޔަހަރަ
ނއ ވާހަކަދެކެވޭ ދެވަނަ ފަރާތާއި ކައިރީގައިހުރި މީހެއް ނުވަތަ އެއްޗެއް ދެއްކުމަށް އިޝާރާތްކުރާން ބުނާބަހެއް މިސާލު: )ހ( ތިޔަހަރަހުރިހާ އެއްޗެއް ގެންގޮސްބަލަ )ށ( ތިޔަހަރަކުއްޖާ ރީއްޗޭ
ތުހުމަތު
ނ ކުށެއް ނުވަތަ ނުބައި ކަމެއް ކުރިކަމަށް ނުވަތަ ކުރާކަމަށް ކުރާ ޝައްކު
ތުހުމަތުކުރުން
މ ކުށެއް ކުރިކަމަށް ނުވަތަ ކުރާކަމަށް ހީކުރުން
ތުހުމަތުއެޅުވުން
މ ކުށެއް ކުރިކަމުގެ ނުވަތަ ކުރާކަމުގެ ބަދުނާމު އެޅުވުން
ތުހުމަތުވުން
މ ކުށެއް ކުރިކަމަށް ނުވަތަ ކުރާކަމަށް ހީވުން
ތުނޑުމަތިހިފުން
މ އަރުމާޒުގައި ވަޑައިގަންނަވާއިރު ރަދުން އިންނަވާ އޮޑިކޮޅުގައި ކަނޑިއައްޑަނަ ހިފައިގެން ނުވަތަ ބޮންތިއާއި އައްޑަނަ ހިފައިގެން އެކަކުއެކަނި ޖަހާކުޅިއެއް
ތުނޑުފަށްއެޅުން
މ ފައްކާ ގޭގޭގެ ފައިދޮށު ކޮޅުފިލާ ގައްޔާއި ކުކުޅުވަހީގައި ތުނޑުތުނޑަށް ކަފައިފައި ހުންނަ ޓިނުފަށެއް ނުވަތަ ފިލައެއްއެޅުން