radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ލިޔާމޭޒު
ނ (1) އޮފީސް އޮފީހާއި ގޭގޭގައި ހުންނަ ލިޔުމަށް ޚާއްސަ ކުރެވިފައިވާ މޭޒު. މީގެ އެންމެ ޢާންމު ވައްތަރަކީ އެއްކޮޅުގައި ނުވަތަ ދެކޮޅުގައި ވަތްބަރިއެއް ހުރުމެވެ (2) އޮފީސް މޭޒު
ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ލިޢާނު
ނ ތިމާގެ އަނބިމީހާ ނުވަތަ ތިމާ ވަރިކުރި އަންހެން މީހާ ވިހޭ ދަރިފުޅު އެއީ ތިމާގެ ދަރިއެއް ނޫންކަމަށް ބުނެ ހަތަރުފަހަރު ތަކުރާރުކޮށް ކުރާ ހުވަޔާއި އަންހެންމީހާ އެ ދަރިފުޅަކީ އެދެމީހުންގެ ދަރިއެއްކަމަށް ބުނެ ކުރާހުވާ
ލުހުން
މ (1) ތަނަކަށް ޖަހައިފައިވާ އެއްޗެއް ނުވަތަ އިންދައިފައިވާ އެއްޗެއް އެތަނަކުން ވަކިކުރުން. (2) ފެނުގައި ހުރިއެއްޗެއް ފެނުން ނަގައި ފެން ހިކޭ ގޮތަށް ބެހެއްޓުން މިސާލު: )ހ( މަސްލުހުން )ށ( ހަނޑޫފަދަ ތަކެތި ދޮވެފައި ގޮއްޓެއްފަދަ އެއްޗަކަށް ލުހުން (3) އުފުރުން
ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ލުޓޭރުން
ނ (1) ފޭރޭމީހުން (2) ގަދަކަމުން ނުވަތަ ބިރު ދައްކައިގެން މީހުންގެ އަތުން އެއްޗެހި އަތުލާމީހުން
ލެނގުން
މ (1) ބައެއް ކަހަލަ ކުޅިވަރު ކުޅޭ ކުޅުމުގައި އަރިއަރިއަށް ލެނބުން (2) އެއްޗެއްގައި ނުވަތަ ތަނެއްގައި ލައްވެލައިގެން ހުރުން ނުވަތަ އިނުން (3) ފަލި ޖެހުމުގައި ފައްޔާއެކު ފުރަގަހަށް ލެނބުން
ލެންސު
ނ އައިނާއި ކެމެރާއާއި ދުރުމިފަދަ އެއްޗެހިން ތަނެއް ނުވަތަ އެއްޗެއް ސާފުކޮށް ބޮޑުކޮށް ނުވަތަ ކުޑަކޮށް ބަލަން ހުންނަ ބިއްލޫރި ފަދަ އެއްޗެއް މީގެ ދެފުށް ނުވަތަ އެއްފުށް ހުންނާނީ ފުއްޕުން ލައިފައެވެ
ލެއިކެނޑުން
މ ޙައިޟުގެލެއި ނުވަތަ ނިފާސްކަމުގެ ލެއި މަނާވުން
ލެއްގުން
މ (1) އެއްޗެއްގެ ތިރިފޭކޮށް މަތި ތަނެއްގައި ޖެއްސުން (2) އޮޔާއި ވަޔާއެކު އައިސް ގޮނޑުދޮށަށް ބީހުން (3) މަޖާޒު: ބުރައެއް އުފުލުމަކާ ނުލައި އިއްތިފާގުން ކަމެއް ނުވަތަ އެއްޗެއް ލިބުން
ލެފުން
މ (1) އުޅަނދުފަހަރު ދުއްވައިފައި އައިސް ބަނދަރުޖެހުން (2) އޮޑިދޯނިފަހަރު ފަޅަށްވަދެ ގޮނޑުދޮށާ ނުވަތަ ފާލަމާ ކައިރިވުން (3) ގާތްވުން (4) މަޖާޒު: )ސ ( ޖޯޑުވުން
ލޭހޫނުކަން
ނއނ މަޖާޒު: (1) ރޫޙާއި ހިތްވަރާއި ޖޯޝް ހުރިކަން (2) ނުރުހުންވުން ނުވަތަ ރުޅިއިސްވާކަން
ލޭނާރުހިލުން
މ ލޮލަށް އެއްޗެއް ވެއްޓިގެން ނުވަތަ އެހެންވެސް ސަބަބަކާހުރެ ލޯހިރުވުމުގެ ސަބަބުން ލޮލުގެ ތެރެއިން އުފުލޭ ރަތްކުލައިގެ ނާރުތައް އުފުލުން
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭނުނަރު
ނ މަގުގެ އަރިމަތީގައި ދިގުހޮޅި ނުވަތަ އެނޫންވެސް އެއްޗެހި ޖަހައިގެން ދަމައިފައި ހުންނަ ކަރަންޓް ގެންގޮސްދޭ ނަރު
ލޭނުބައި
ނ (1) ލޭނު އެޅުމުގެ މަސްވެރިކަމުގައި ގެންގުޅޭ ނަނުތައް ނުވަތަ ނަނުތަކުން ބައެއް (2) ބޮކި ނަނުބައި
ލޭނެގުން
މ ސިރިންޖެއްފަދަ އެއްޗަކުން މީހެއްގެ ގައިން ލޭދެމުން ނުވަތަ ނެރުން
ލޭބެލުން
މ ލޭ މައްޗަށް ދޭތޯ ނުވަތަ ތިރިޔަށް ދޭތޯ ބެލުން
ލޭބޯފަނި
ނ ވައިގައި ތެތްކަންކުޑަ ވަކިމިންވަރަކަށް ފިނި ސަރަޙައްދުގެ ވިނަ އާއި ތިރިގަސްތަކުގެ ތެރޭގައި އުޅޭ ފަންޏެއްެ. މިފަނި ހަރަކާތްތެރިވަނީ އޭގެ ދެކޮޅުޖައްސާ ހިންދެމޭގޮތަށް ފިރުކިގެންނެވެ. މިފަނި އިންސާނުންގެ ހަމުގައިޖެހުމުން ލޭބޮއި ހަދައެވެ. މިފަނި އިންސާނާގެ ހަށިގަނޑުން ނައްޓުވައިލަން އެންމެ ފަސޭހަގޮތެއް ކަމަށް އެނގިފައިވަނީ ގަދަކޮށް ގިރައިފައި ހުންނަ ލޮނުތިއްކެއް ޖައްސައިގެން ނުވަތަ ސައިބޯނި ލައިގެންނެވެ