radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ކަޅުގަނދަކޯޅި
ނ ގަނދަކޯޅީގެ ބާވަތެއް މިބާވަތުގެ ގަހުގެ ފަތުގައި ފެހިކުލަ ގަދަވާނެއެވެ މާހުންނާނީ ކަޅު ދަނބުކުލައެއްގައެވެ
ކަކާރަ
ނ ކުޅިޖެހުމުގައި އައްޑަނަކޮށީ މީހުން ތިރިވެ ދާނޑުގައި އޮވެގެން ކަނޑި އައްޑަނައިން ހަދާގޮތެއް
ކަކާރަނެގުން
މ (1) ކުޅިޖެހުމުގައި އައްޑަނަކޮށީ މީހުން ތިރިވެ ދާނޑުގައި އޮވެގެން ކަނޑި އައްޑަނައިން ވަކިގޮތެއް ހެދުން (2) މަޖާޒު: ތަނެއްގައި އެނބުރި އެނބުރިފައި ހިނގަ ހިނގައިފައި އުޅެގަތުން
ކަކާބޭކަލުން
ނ (1) ގަނޑުވަރުތެރޭ ފިރިހެން ބޭފުޅުންގެ އަރިހުބޭކަލުންގެ ތެރެއިން އެންމެ އަރިހަށް ތިބޭ މީހުން. ފަރިއްކޮޅު ބަހައްޓައި ރޭކޮށް ހަދަނީވެސް އެމީހުންނެވެ (2) ޚައްދާމު ބޭކަލުން
ކަކާކޮއެ
ނ ވާހަކަ ވާހަކައިގައި ކިޔާގޮތުގައި ރަސްރަސްކަލުންގެ ފިރިހެން ބޭފުޅުންގެ އެންމެ އަރިހަށް ހުންނަ ޚާދިމު
ކަކުނި
ނ (1) އާންމުކޮށް ގޮނޑުދޮށުގައި ހަރުކޮނެގެން އުޅޭ ދިރޭ އެއްޗެއް މީގައި ހަރުތޮށިގަނޑެއް އޮވެފައި އަށްފައާއި ދެދަތްގަނޑު ހުރެއެވެ މީވަކި ބޮލެއް ނުހުންނަ ހަށިގަނޑުން ބޭރަށް ދެލޯ ނުކުމެފައި ހުންނަ އެއްޗެކެވެ މީގެ ތަފާތު ބާވަތްތައް ހުރެއެވެ (2) އެއްޗެހީގައި ހިފަން ގެންގުޅޭ ދަގަނޑު އާލަތެއް މީގައި ދެފައިކަށި އޮވެފައި މޮހޮރުފަދަ އެއްޗެތީގައި ހިފޭކަހަލަ ގުދުކޮށްފައި އޮންނަ ދެދަތްގަނޑު ހުރެއެވެ
ކައިށިޖެހުން
މ )ސ ( ކާށިޖެހުން
ކައިރިހެދުން
މ ފޭރާމާއި ފޮތީގެ އެއްޗެހީގެ ކައިރިފަށުން ރޮދިނެގުނަ ނުދިނުމަށްޓަކައި ފަހާފޮށިން ނުވަތަ އަތުން ރޮދިޖެހުން
ކައިރިއެޅުން
މ ފޮތިން ފަހައިފައި ހުންނަ އެއްޗެހީގެ ކައިރިފަށުގައި ފޮތިފަށެއް ހަރުކުރުން
ކައިރު
ނ ބޭހަށާއި ދުފުމަށް ބޭނުންކުރާ ކަޅުރަތްކުލައިގެ އެއްޗެއް މިހުންނާނީ ހަބަރުހެން ގަނޑުގަނޑަށެވެ މިހަދަނީ ޅަފެންފޯކުންނެވެ
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައިވަތުއިލޮށިނެގުން
މ ހުނަރުވެރިކަމުގެ ކުޅިވަރެއް. މިކުޅިވަރުގައި ކައިވަތެއްގެ ދިގުމިނުގެ ތިންއިލޮށިކޮޅު ކޮންމެ ދެއިލޮށިކޮޅު ދޭތެރޭ ކައިވަތެއްގެ ދުރުމިން ހުންނާނޭހެން ހަމަތާކު ބާއްވާފައި ފުރަތަމަ އިލޮށިކޮޅުގެ ދެކޮޅުގައި ދެފައިގެ ބޮޑުވާއިގިލިކުރި ޖައްސައިގެން އުޑަފައިން އިށީނދެ ދެއަތް ދެފައިގެ ދޯނގިދޮށުން ކުރިމައްޗަށްނެރެ މެދުގައިއޮތް އިލޮށިކޮޅުގެ ދެކޮޅުގައި ދެއަތުގެ ބޮޑުވައި އިނގިލި އެޅުމަށްފަހު ކުރިމަތީގައި އޮތްއިލޮށިކޮޅު އަނގައިން ނެގުން
ކައިވަތުމަޅިނެއްޓުން
މ ކައިވަތެއްގެ ދިގުމިން ހުންނަވަރު މަޅިއެއްހަދައި އެއްފައިގެ ދަށުން ދެއަތް ކައްތިރިވާނޭހެން ނަގައި ދެއަތުކުޑަހުޅުގައި އެމަޅިއެޅުވީމާ އަމިއްލައަށް މަޅިނެއްޓުން
ކައިތުވައްބަޑި
ނ އަތުން ހިފައިގެން އުޅޭ ބޭސް އަޅައިގެން ދޯރިޖަހައިގެން ގޮއްވާ ބަޑިއެއް މިއީ އިހުގައި ކޮށީމީހުން ގެންގުޅުނު ބަޑިއެކެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްޅި
ނ އޮޑިދޯނިފަހަރުގެ ވަތް ބައިކޮށްފައި ހުންނައިރު ތަޅާއި ހަފޮޅާ ދޭތެރޭ ހުންނަ ކަޅިވަތްތައް
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
ކައްކޮޅު
ނ (1) ބާވެ ގިނަ ދުވަސްވެފައި ހުންނަ ފޭރާމާއި ފޮތްފަދަ ތަކެތި (2) މަޖާޒު: މާބޮޑަށް މުސްކުޅިވައްތަރުޖަހާ މީހާ
ކައްތިރިއެޅުން
މ (1) ކުޅިޖެހުމުގައި ފައިން ވަކިގޮތެއް ހެދުން. (2) ބައެއް މީހުން ކުޑަކަމުދެވިދާނެތީ ހިފެހެއްޓުން ފަދަ ކޮންމެވެސް ބޭނުމަކަށްޓަކައި ދެފައި ހުރަސްކުރުން
ކައްޓަފުޅިމިޔަރު
ނ މިޔަރުގެ ބާވަތެއް. މިމިޔަރުގެ ސިފަ ހުންނަނީ ކައްޓަފުޅިޔާ އެއްގޮތަކަށެވެ. މިޔަރުގެ މަތީބައިގެ ކުލައަކީ ގަދައަޅި ނުވަތަ އަޅިމުށި ކުލައެވެ ބަނޑުދަށް ހުންނަނީ ހުދުކުލައިގައެވެ