radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ގިނިމަޑުކުރުން
މ އެއްޗެއް ކައްކާއިރު އަލިފާނުގެ ހުޅުގަނޑު ކުޑަކޮށްގެން ނުވަތަ އުނދުނުން ދަރުމަދުކޮށްގެން ހޫނު ކުޑަކޮށްލުން
ގިނިފޮޅު
ނ ހަށިގަނޑުންނަގާ ފޮޅެއް މިއީ ވަރަށްބޮޑަށް ދިލަނަގާ ފޮޅެކެވެ
ގިންތީ
ނ (1) ބައިގަނޑު (2) ޖަމާޢަތް
ގިރުނބާދޫނި
ނ ތުންގަނޑުގެ ދަށުން ފެށިގެން ކަރުދޮށާ ހަމަޔަށް ބޮޑުހަންގަނޑެއް އެލިފައި އޮންނަ ދޫންޏެއް މިއީ ކަނޑުމަތީ ދޫންޏެކެވެ
ގިރުން
މ (1) ހަރުއެއްޗެއް ނުވަތަ ތަތްއެއްޗެއް ދިޔާއެއްޗަކާ ނުވަތަ އޮލައެއްޗަކާ އެކުވުން ނުވަތަ އެއްކުރުން. (2) ރާޅާއި އޮއިގެ ސަބަބުން ރަށެއްގެ ފަސްގަނޑުން އުނިވަމުން ދިޔުން (3) އޮއްޓަރު އެއްޗެއްގައި ހުންނަ ހިލަ ނުވަތަ ވެލި ވަކިކުރުމަށް ފެނަށް އަޅައިގެން ނާށިގަނޑެއްފަދަ އެއްޗަކުން ދެބައި ވަކިކުރުން (4) ފާރުގަނޑެއް ނުބައިވެގެން ހަލާކުވެގެން ދިޔުން (5) ހިރުގަނޑުގައި އުފެދޭ ބައްޔެއްގެ ސަބަބުން ހިރުގަނޑު ހަލާކުވަމުން ދިޔުން (6) މޭވާފަދަ ތަކެތި ދޮންވެ ފައްކާވެގެންގޮސް ދިޔަފައިބާވަރަށް ފާވުން (7) ވިރުން
ގިއުޅި
ނ ނޫފެހިކުލައިގައި ބޮނޑިކޮށް ހުންނަ ފަރުމަހެއް މިމަހުގެ ލޮލުގެ ކުރީގައި އަޑިވެފައި ހުންނަ ދިގުރޮނގެއް ހުރެއެވެ ކަންފަތްގަނޑު ކުރުވެފައި އޭގެ ކޮޅުވަށެވެ މަތީ ކޮތަރިބައިގައި ކަޅުކުލައިގެ ލައްތަކެއް ހުރެއެވެ
ގިއުގަނޑު
ނ (1) ފުރޭމު (2) އޮނިގަނޑު (3) މަޖާޒު: އެކިއެކި މަސައްކަތަށް ކަނޑައެޅިފައި ހުންނަ މިންގަނޑު (4) )ހ ( މަތިވަޑާންގަނޑު
ގިއްސާ
ނ ތަރުކާރީގެ ބާވަތެއް މިއީ ތޮރައަކަށްވުރެ ދިގުކޮށް ޗިޗަންޑާއަށް ވުރެ ކުރުކޮށް ހުންނަ އެއްޗެކެވެ މިއީ ވެލެއްގައި އަޅާ އެއްޗެކެވެ މީގެ ތޮށިގަނޑު ވަރަށް ހަރުވާނެއެވެ
ގިތެޔޮ
ނ (1) ގެރިބަކަރި ފަދަ ޖަނަވާރުގެ ކިރުންނާއި ތަރުކާރީގެ ބާވަތްތަކުން އުފައްދައި ގަނޑުކޮށްފައި ހުންނަތެލެއް (2) ބަކަރީގެ ފިރިހެން އެތި (3) މަޖާޒު: ޖިންސީ އެދުން ޙައްދު ފަހަނަޅައިފައިވާ ފިރިހެނުންނަށް ކިޔާނަމެއް
ގިތެޔޮމިރުސް
ނ މިރުހުގެ ބާވަތެއް މިއީ ރަހަ ވަރަށްމީރު ކުޅިރަހަ ގަދަ މިރުހެކެވެ މި މިރުސް ހުންނަނީ ތިންއަރިޔަށް ވާކަހަލަ ގޮތަކަށް ކުރުފަލަކޮށެވެ ތޮށިގަނޑުގައި އަޑިއަޑިކޮޅު ހުރެއެވެ މީގެ ތަފާތު ވައްތަރުތައް ހުރެއެވެ މިސާލު: )ހ( ފިއްތިގިތިޔޮ މިރުސް )ށ( ފަގުޑި މިރުސް
ގިޓާ
ނ މިޔުޒިކު ކުޅެން ގެންގުޅޭ ނަރުފުރައިފައި ހުންނަ އާލަތެއް މީގައި ނަރުފުރައިފައި ހުންނަނީ މައިގަނޑުން ބޭރަށް ހުންނަ ދަނޑިއެއްގައެވެ ކަރަންޓުން ބޭނުންކުރާ ގިޓާއާއި އާދައިގެ ގިޓާހުރެއެވެ
ގިޔުގަނޑު
ނ (1) ފޮޓޯލޯގަނޑާއި ސަނދުވާ ފަދަ އެއްޗެހީގެ ވަށައިގެންވާ ފުރޭމު މަޖާޒު: (2) ޖަލްސާއެއް ސެމިނާރެއް ފަދަކަމެއް ކުރިޔަށް ގެންދާނެގޮތް ރާވާ ރޭވުން (3) ކަމެއް ހަމަޖެހިގެން ހިނގަމުން އަންނަ އުސޫލު މިސާލު: އިސްލާމީ ގިއުގަނޑު (4) )ހ ( ޢިމާރާތެއްގެ މަތިވަޑާންގަނޑު
ގުނބުރި
ނ )ބދ ( ޅިނދު ކަށިގަނޑު
ގުނގުރު
ނ (1) ނަށާއިރު ފައިގައި އަޅާ އެއްޗެއް މިއީ ގިގުނި ކަހަލަ އަޑު ކިޔާ ގޮތަށް ހުންނަ އެއްޗެކެވެ މިއީ މިއުޒިކު ކުޅޭއިރު އަތުން ތަޅުވަންވެސް ގެންގުޅޭ އެއްޗެކެވެ (2) މުށްގަނޑުލައިފައި ހުންނަ ގުނގުރު
ގުންބަރަ
ނ )ގ ( ފިހިގަނޑު ބުމަރު
ގުންތުރަ
ނ ހަނޑަސްގެ ކޮޅުގައި ހުންނަ ދަގަނޑު
ގުންޑޮޅި
ނ (1) ވަޅުގަނޑެއްގެ ނުވަތަ ފެންގަނޑެއްގެ އަރިމަތީ ފަސްގަނޑު. (2) ރާޅުޖަހައިގެން ގިރަމުންދާ ތަނެއްގެ ކައިރިފަށުގައި އުސްކޮށް އޮންނަ ފަސްގަނޑު (3) މަޖާޒު: އިސްމަތީގެ ކަށިގަނޑު
ގުންޑޮޅިކެނޑުން
މ (1) ކޮނެފައިވާ ނުވަތަ ކޮންނަމުންދާ ވަޅެއްގެ އަރިމަތީފަސް ގަނޑު ކަނޑައިގެންވެއްޓުން (2) ރާޅުޖަހައިގެން ގިރަމުންދާ ރަށެއްގެ ގޮނޑުދޮށުގައި އުސްކޮށް އޮންނަ ފަސްގަނޑު ކަނޑައިގެންވެއްޓުން
ގުރާ
ނ ދޫނީގެ ބާވަތެއް. މީގެ އެންމެ ޚާއްޞަ ސިފައަކީ ތުންގަނޑު ގުދުކޮށް ހުންނަކަމެވެ. މީގެ ބޮޑެތި އެއްޗެއްސާއި ކުދި އެއްޗެހި އުޅެއެވެ. މިއީ ވަރަށް ރީތި ދޫންޏެކެވެ
ގުރުބާކަށިގަނޑު
ނ ނާބަންނަކަށިގަނޑު