radheef.info
ރަދީފު


ބަ
އ އައްބަ
ބޮނދު
ނ (1) ރާޒުވާކުޅިބައިގެވެރިކުޅި. (2) ކަނޑުމަތީގައި އުޅޭ ކުޑަވަރެއްގެ ދޫންޏެއް. މިދޫނީގެ ފިޔަހުންނާނީ ހަނިކޮށެވެ. ވަރަފަތް ތައް ހުންނަނީ ތޫރިކޮށެވެ. (3) މަޖާޒު: ރަނގަޅަށް ބޮޑުނުވެ ހުންނަމީހާ. (4) )ގ.( ލަނޑާ
ބޮނގަރަ
ނ ފަލޯ ބަނބުކެޔޮ ފަދަ ތަކެތީގައި މަދު ހަވާދުކޮޅެއް ލައިގެން ކައްކާ ލައިގެން ކާއެއްޗެއް
ބޮނގޮބޮނގޮ
ނ ބަނޑިޔާފަދަ ތަކެތި އަރިކުރެވޭ ގޮތަކުން އޭގައި ހުންނަފެން ހިފެހެއްޓެމުން ފައިބާއިރު އިވޭއަޑު
ބޮނގޮބޮނގޮ އެޅުން
މ ބަނޑިޔާފަދަ ތަކެތި އަރިކުރެވޭ ގޮތަކުން އޭގައި ހުންނަ ފެން ހިފެހެއްޓުމުން ފައިބާއިރު އިވޭ އަޑުއިވުން
ބޮނޑަނަ
ގޮނޑުދޮށު ދޫނީގެ ބާވެތެއް. މިއީ ހަށިގަނޑު ބޮނޑިމަސް ތުންކުރު ދޫންޏެކެވެ. މިދޫނީގެ ދެފިޔައިގެ މަތީ ފަރާތާއި ބުރިކަށިމައްޗާއި ބޮލުތަލަމަތީ ގައި ހުންނަނީ އަޅިކުލައެވެ ކަރު ދަށުން ފެށިގެން ބަނޑުދަށާއި ފިނދުފަތް ހުންނަނީ ހުދުކުލައެއްގައެވެ ތުންހުންނަނީ ކަޅުއަޅި ކުލައިގައެވެ
ބޮނޑަންއިލޮލި
ނ ގޮނޑު ދޮށު ދޫނީގެ ބާވަތެއް. މިއީ ބޮނޑަނައާއި ވައްތަރު ދޫންޏެކެވެ. މީގެ ތުން ދިގުވެފައި ތުނބުގެކުރީކޮޅު ހުންނަނީ ތިރިއަށް ލެނބި ލައިފައެވެ. ތުނބުގެކުލައަކީ ކަޅުދަނބުކުލައެވެ ދޫނީގެ ބުރަކަށިމަތީގައި ހުންނަނީ އަޅި މުށި ކުލައެވެ ބަނޑުދޮށް ހުންނަނީ ހުދުކުލައެއްގައެވެ ފިޔައިގެ ކުރުފަތްބައިގެމަތީ ކައިރި ހުންނަނީ ހުދުކުލައިގައެވެ
ބޮނޑަލޯގަނޑަ
ނ )ސ.( ކުޑަކުދިންގެ ބަހުރުވައިގައި ލޯފިނދު
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮނޑިބަނުން
މ (1) އެއްޗެހިތަކެއް އެއްކޮށް ބަނުން (2) މަޖާޒު: ތަނެއްގައި އުޅެމުން އެތަނުގެ އެއްޗެހި ތިމާގެ އަމިއްލަ ފައިދާއަށްޓަކައި ސިއްރުން އެއްކޮށް ޖަމާކުރުން
ބޮނޑިބަންދަނޑި
ނ ލޮންސީން ޖަހާން ފަރިތަކުރާން ކޮޅުގައި ފޮތިން ބޮނޑިއެއް ބަނދެގެން ގެންގުޅުނު ދަނޑިއެއް
ބޮނޑިބަރަނި
ނ (1) ކަރުދާހު ސިއްކައެއް ކޮޅަށްލައި ވަށްކޮށް އޮޅައިފައި އޮންނަ ކުޑަ ބަރަންޏެއް (2) ކަޅުސިއްކަބަރަނި
ބޮނޑިބަތް
ނ ހަނޑުލާއި ގޮދަނާއި ސާގާއި ބަނބުކެޔޮ ފަދަ ތަކެތިން ކައްކާ ފޮނިކާއެއްޗެއް ބަނބުކޭލުގައި ކައްކަނީ ކުދިކޮށް ކޮށައިގެންނެވެ ގޮވާމުގެ ބާވަތްތަކުގައި ކައްކަނީ ހުރިގޮތަށެވެ މިކެކުނީމާ ހުންނާނީ ތަތްކޮންނެވެ
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮނޑިބަތްގަނޑު
ނ ކަނަމަދާ ހިކިމޭބިސްކަދުރާ އަންނާރު އޮށުން ކުރަހައިފައި ހުންނަ ބޮޑެތި ބޮނޑިބަތްތަށި
ބޮނޑިބަތްޖެހުން
މ (1) ތަތްވެލި ނާއްޓަކަށް އަޅައި އެ ބަންޑުން ޖަހައިފައި ނާށީގެ ސިފައިގައި ވެލިތައް ހުންނާނޭހެން ނާށި ނެގުން މީ ކުޑަކުދިން ކުޅޭއިރު ކުރާ ކަމެކެވެ (2) ތަތް ބޮނޑިބަތް ފަތުގައި ޖެހުން
ބޮނޑިބޯ
ނ ތާސްބައިން ކުޅޭކުޅިވަރެއް
ބޮނޑިކަނދޮޅު
ނ ކަނދޮޅުގެ ބާވަތެއް މި ގަހުގެ ފަތް ހިމަދިގުވެފައި ފެހިކުލަ ގަދަވާނެއެވެ ގަސް ވައްތަރުވާނީ ލިލީ ގަހާއެވެ ލިލީއަށްވުރެ ކުދިވާނެއެވެ މާ ހުންނާނީ ތިރީބައި ތާޅަފިލިމާ ހުންނަ ގޮތަށެވެ މަތީބައި ހުންނާނީ ލިލީމަލާ އެއްގޮތަށެވެ މަލުގެ ކުލަޔަކީ ހުދު ކުލައެވެ މިއީ ބޮޑު ފިޔާގެ ސިފައިގައި އޮންނަ ގޮނޑިއެއް އޮންނަ ކަނދޮޅެކެވެ
ބޮނޑިކުޅުން
މ އެތެރޭގައި ހޮއި ނޯންނަގޮތަށް ރަބަރުން ހަދައިފައި އޮންނަ ބޯޅަޔަކުން ކުޅޭ ކުޅިވަރެއް ކުޅުން. މިކުޅިވަރުކުޅޭނީ މީހުން ދެބަޔަށް ބަހާލައިގެންނެވެ. ކުޅޭނީ ބިންމަތީގައި ބޯޅަޖަހައިގެން މައްޗަށް އެރީމާ އަތުން ކަނދު ހުރަސްކޮށް ޖަހައިގެންނެވެ. މީގައި ސައްޕު ޖަހާނީ ފައިންނެވެ. އަތްމަތި ފޯލީގައި އަތް ޖެހިއްޖެނަމަ ނުބައިވެފައިތިބި މީހުން ދިރޭނެއެވެ
ބޮނޑިމަސް
ނ (1) ނއ ފަތިހަށިކަމުގެ އިދިކޮޅު (2) ހަށިގަނޑު މެދުމިނަށްވުރެ ބޯ (3) ގަނޑުވަރުތެރޭގެ ބަހުރުވައިގައި ކަނޑުކުކުޅު
ބޮނޑިމަސްކާށި
ނ ރޯދަޔަށް ހަނދުބަލާރޭ ފައިންޕުޅު ހިފައި ނިމޭއިރަށް ދާލަބޮޑުއަށި ކައިރީގައި ހަނގުބޭކަލުންނަށް ތައްޔާރުކޮށްފައި ހުންނަ މާހެފުން މީގައި ހުންނާނީ ބޮނޑިއާއި އާރޮހާއި މަހާއި ކާއްޓެވެ