radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ތަންމަހަ
ނ )ގ ޏ ( އޮރީގެ ބާވަތެއް މިމަހުގައި ތިންހަތަރު މިލިމީޓަރުގެ ފުޅާމިން ހުންނަވަރުގެ ކަޅުރޮނގުތަކެއް މަހުގެ ދިގަށް ހުންނާނެއެވެ މިމަސް އުޅެނީ ފަޅުމަތީގައްޔާއި ފަރުފަރުގައެވެ މިބާވަތުގެ މަހުގެ އަނގަ ކުޑަވާނެއެވެ
ތަންމަސް
ނ )ސ ( އޮރީގެ ބާވަތެއް މިމަހުގައި ތިންހަތަރު މިލިމީޓަރގެ ފުޅާމިން ހުންނަވަރުގެ ކަޅުރޮނގުތަކެއް މަހުގެ ދިގަށް ހުންނާނެއެވެ މިމަސް އުޅެނީ ފަޅުމަތީގައްޔާއި ފަރުމަތީގައެވެ މިބާވަތުގެ މަހުގެ އަނގަކުޑަވާނެއެވެ
ތަންފީޛުކުރުން
މ ޤާނޫނީ ނުވަތަ ޝަރުޢީ ޙުކުމެއްގެ މައްޗަށް ޢަމަލުކުރުން
ތަންޑު
ނ (1) ދޮރު ނުވަތަ ދޮރޯށި ލައްޕައި ބަންދުކުރުމަށް މަޢުދަނީ އެއްޗަކުން ނުވަތަ ލަކުޑީން ހަދައިފައިހުންނަ އެއްޗެއް. މި ތަފާތުގޮތް ގޮތަށްހުރެއެވެ (2) )ބދ ( ވިހަ (3) ތާޑީ
ތަރައްޕަން
ނ އުޅަނދު ބާލާއިރު މޫދަށްލާ ކަނދުތައް މިކަނދުތައް ހުންނާނީ ވަކިވަކިވެގެން ނުދާގޮތަށް ދެކޮޅުގައި ވަކަރު އަޅައި ބަނދެފައެވެ
ތަރަފާލު
ނ (1) ހާމަތަންތަނުގައި ހުންނަ އެއްޗެހިނިވާ ކުރުމަށް ފެންނުފޭދޭ ގޮތަށް ބޯފޮއްޗަކުން ހަދައިފައި ހުންނައެއްޗެއް (2) ތަޅުމުގައި އެޅުމަށްޓަކައި އެކިޑިޒައިނުގެ ކުރެހުން އަޅައިގެން ހަދައިފައި ހުންނައެއްޗެއް މިއީލިނޮކްސިން ކިޔާ އެއްޗަކުން ހަދައިފައި ހުންނަފެންނުފޭދޭ ކަހަލައެއްޗެކެވެ މިހުންނަނީ ފަތުރާލެވޭގޮތަށް ރޯލުރޯލަށެވެ (3) ރަބަރުފޮތި
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަރުމޯޒު
ނ ހޫނުފެން ނުވަތަ ފިނިކޮށްފައި ހުންނަފެން އަޅަން ހަދައިފައި ހުންނަފުޅިއެއް މިފުޅީގެ އެތެރޭގައި ހުންނާނީ ރަހަލާފައެވެ މިފުޅިރައްކާތެރި ކުރުމަށްޓަކައި ބޭރުގައި ޕުލާސްޓިކު ނުވަތަ މައުދަނީ ދޮށިގަނޑެއްހުރެއެވެ
ތަބުލާ
ނ މިޔުޒިކުކުޅޭއިރު ބެރުޖަހާގޮތަށް ޖަހަން ގެންގުޅޭ އެއްޗެއް މިޖަހާއިރު ގެންގުޅެނީ މީގެދޭއްޗެވެ މިހުންނަނީ ބޮޑު އުނބެއްގެ ސިފައިގައެވެ މަތީގައި ހަންއަޅައިފައެވެ ތަބުލާޖޯޑުގެ ދޭތީގެ ސިފަ ތަފާތެވެ
ތަޅާލުން
މ (1) ފުނޑުފުނޑުވާގޮތަށް މުގުރޭގޮތަށް ހުރިއެއްޗެއް ނުވަތަ ތަނެއްހަލާކުކޮށްލުން (2) މީހަކަށް ވަރަށް ބޮޑަށް ހާނީއްކަކުރުން (3) މަޖާޒު: އަންހެނަކާ ނަހަމަގޮތުން ޖިންސީގުޅުން ހިންގުން
ތަޅިނގު
ނ )ޏ ( ދަތުރު މަތީގައި ނަގާ އާދައަކަށް ކިޔާނަމެއް މިއާދަ ނަގަނީ ކާވެންޏެއް ކުރުމަށްފަހު ފުރަތަމަކުރާ ދަތުރުގައެވެ
ތަޅުމަޅުގަނޑު
ނ ކޮށާރުފަދަ ތަންތާގެ ދޮރުގައި އަޅައިފައިވާ މަޅުތަކުގެ ތެރެއިން އެމަޅުގަނޑެއް ނެގުމުން ފަހުން އަޅާ މަޅުގަނޑު ނެގޭގޮތަށް ހަދައިފައި ހުންނަ މަޅުގަނޑު މި ހަދައިފައި ހުންނަނީ އެލުވާތަޅެއް ހަރުކުރެވޭގޮތަށެވެ
ތަކަހޮޅި
ނ ގަނޑުވަރުތެރޭ އަންހެން ބޭފުޅުންގެ ފައިންޕުޅުގައި ތުރުކުރައްވާ ރަނުގެ ގަހަނާއެއް. މި ހަދައިފައި ހުންނަނީ ކުރެހުން އެޅި މޫނުމައްޗެއް ލައިފައި މަލެއްގެ ސިފައަށް ހަދައިފައި ހުންނައެއްޗިހިން ގަތައިފައެވެ
ތަކަރަލާ
ނ ބޭހަށް ބޭނުންކުރާ އެއްޗެއް މިހުންނަނީ ކުދިކުދި ދަނޑިކޮޅުތަކެއްހެންނެވެ
ތަކަފިލޯށި
ނ ބޮޑުބަޑީގެ ނިވާލިގަނޑު ނެރެންގެންގުޅޭ އެއްޗެއް މިހުންނާނީ ބަޑީގެ ތެރެއަށް ވައްދައި އެނބުރޭވަރުގެ ދޫކޮށް އޮންނަ ދަނޑިއެއްގެ ކޮޅުގައި އެނބުރިފައި އޮންނަ ނަރުގަނޑެއްލައިފައެވެ
ތައުބާލައިދިނުން
މ ތައުބާގެ އިބާރާތް އަޑުދަށުން ކިއުމަށްޓަކައި ކިޔައިދިނުން. މިކަންކުރަނީ މުރުތައްދުވުންފަދަ ބޮޑުފާފައެއްކުރުމުން ޝަރީޢަތުގެ ފަރާތުން އެކަމަށް ނަސޭހަތްތެރިވާ ހިނދުގައެވެ
ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ތައްކަށިރުއް
ނ ތައްކަށްޓަށް ނަގާރުއް. ރަށްރަށުގައި މީހުން އިންދައިފައި ހުންނަ ރުއްރުކުގައި ތައްޖަހައި ބަންޑާރަ ބަޔާއި އަމިއްލަބައި ވަކިކުރުމުގައި އެކެއްގެ ފަންސަވީސް ރުކުން އެއްރުއް ތައްކަށީގެ ނަމުގައި ބަންޑާރަޔަށް ނަގައެވެ މިރުކުގައި ހުންނާނީ ތިންތައްޖަހައިފައެވެ މިއީ ގޮއިފާލައްބައިގެ ތެރޭގައި ހިމެނޭ ވަކިން ވަރުވާކޮށް ލިއެދެއްވާ ބައެކެވެ
ތަވީދު
ނ (1) އެކިއެކި ބޭނުންތައް ފުދުން އެދި ފަންޑިތަހެދުމުގެ ގޮތުން ކަރުދާހާއި ފޮއްޗާއި ހަމާއި ތިމަރަފަތް ފަދަ ތަކެތީގައި އަޒީމަތަކެއް ނުވަތަ ގުރުއާނުގެ އާޔަތްތަކެއް ލިޔެގެން ބޭނުންކުރާ އެއްޗެއް (2) އިލެކްޓްރޯނިކް އެއްޗެހީގެ އެތެރޭގައި ހުންނަ އެއްޗެއް މިވައްތަރުވާނީ އަސްޖަހައިފައި އޮންނަ ތަވީދަކާއެވެ
ތަފާ
ނ (1) އާދަމުގެ ދަރިންނާއި ބައެއްކަހަލަ ޖަނަވާރުގެ ހަށިގަނޑުގައި އަތުން ޖަހާއެތިފަހަރު (2) މީހުންނާއި ކުދިން ބިންމައްޗަށ ްލައިފައިހުންނަ ސީ މިހުންނާނީ ދިޔާކޮށް ވަށްކޮށް ފެތުރިފައެވެ (3) ގެރިގުއިތަފާ