radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަށިނަހަނާ
ނ ކަށިދަދާ ވައްތަރުގޮތަކަށް ނަގައިފައި ހުންނަ ބަލިކަމެއް
ކަށިނަރު
ނ ތަންތަން ކޮޅުގައި ތޫނު ކަށި ހުންނަ ގޮތަށް ހަދައިފައި ހުންނަ ނަރެއް މިނަރު ޢާންމުގޮތެއްގައި ހަދައިފައި ހުންނަނީ ދަގަނޑު ނަރުންނެވެ އެއް ފަށަށްވުރެ ގިނަފަށް އެއްކޮށް އަނބުރައި ދޭތެރެދޭތެރެއަށް ދެކޮޅު ފޭއްސި ނަރުކޮޅެއް ލައްވައިގެންނެވެ މި ނަރު އާއްމުކޮށް ބޭނުންކޮށް އުޅެނީ ވަދެނިކުމެނޫޅެވޭގޮތަށް ވަކި ސަރަހައްދެއް ބަންދުކުރުމަށެވެ
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިބުރޮޅި
ނ ބޭހަށް ބޭނުންކުރާ އެއްޗެއް މިއީ ހިކި އުނިއޮށެއް ހެން އޮންނަ އެއްޗެކެވެ މީގެ ބޭރުގައި ކަށިއުންތަކެއް ފަޅައިފައި ހުރެއެވެ
ކަށިބޮލި
ނ )ޏ ( ބޮލީގެ ބާވަތެއް: މިބޮލީގެ މަތީފަރާތުގައި ހުންނަނީ އުންތަކެއްހެން ކަށިތަކެއް ފަޅައިފައެވެ މިއީ މަޑުރަތްކުލައިގައި ކުރީކޮޅަށް ހިމަކޮށް އޮންނަ ބޮއްޔެކެވެ
ކަށިބޯ
ނ މޫދުގައި އުޅޭ ހިޔަމަ އާއިލާގެ ފައިގިނަ އެއްޗެއް މިއީ ފަސްއިނގިލީގެ ބާވަތެކެވެ މީގެ ފައިތަކުގައި ހުންނަކަށިތަކުގެ އަދަދު ގިނަވާނެއެވެ މިއީ ރޯގަލުގެ ދިރޭ ފަށަލަ ކާލާ އެއްޗެކެވެ އެހެންކަމުން ފަޅައިގެން ގޮސްފައި ހުންނަބައި ފެންނާނީ ކަޅު ކުލައިގައެވެ އޭގެ އަޑިން ފެންނަނީ ދަނބުކުލައެވެ މީގައި 8 ފަޔާއި 12 ފަޔާ ދެމެދުގެ ޢަދަދަކަށް ފައިހުރެއެވެ
ކަށިޅޭނބޫ
ނ މާގަނޑުގައި ކަށިހުންނަ މާޅޭނބޫ ފާޑަށްހެދޭ ބޭހަށް ގެންގުޅޭ ފަތްޕިލާ ވެއްޔެވެ
ކަށިކުންބަޅަ
ނ ކުންބަޅައިގެ ތެރޭގައި ހިމެނޭ ކަށިގިނަ ވައްތަރެއް މިވައްތަރުގެ ކުންބަޅައިގައި ހުޅުނބު ތަންކޮޅެއް ބޮޑެތިވާނެއެވެ
ކަށިކެޔޮ
ނ (1) ގޮފިތަކެއްލައިފައި ބޮނޑި އަކަށް ހެދޭ ބިޔަވާ ގަހެއް މިގަހުގެ ފަތް ހުންނަނީ ވަރަށް ދިގުކޮށް ދެފަރާތް އެއްވަރަށް މެދަށް އަޑިވެލާފައި ކޮޅަށް ތޫނުކޮށެވެ. ފަތުގެ ކައިރިފަށުގައްޔާއި މެދުގައި ތޫނުކަށިތަކެއް ހުރެއެވެ. ގަސްހަރުލާފައި ހުންނަނީ ފައިބާ ބިމަށް ހިފައިފައި ހުންނަ ވަރަށް ވަރުގަދަ އަޅޯތަކަކުންނެވެ. މިއީ ތިލަގައި މޫދުވާ ކަފި މޫތަކެއް ހުންނަ ގަހެކެވެ. (2) ކަށިކެޔޮގަހުގައި އަޅާ މޭވާ މިއީ ވަރުގަދަ ދަޅިގަނޑެއްގައި ވަކަކާޖެހިވަކެއް ފިތިބާރުކޮށްހުންނަ ވައްތަކަކުން އެކުލެވިފައި ހުންނަ އެއްޗެކެވެ
ކަށިކެޔޮލިޔާވަޅި
ނ ކަށިކެޔޮ ލިޔަން ޚާއްޞަކޮށް ހަދައިފައި ހުންނަ ވަޅި މީގެ ތިލައިގެ ދިގުމިނަކީ ގާތްގަނޑަކަށް ތިން އިންޗިއެވެ މުށްގަނޑުގައި ގާތްގަނޑަކަށް މުށެއް ހުރެއެވެ މިނޫންގޮތް ގޮތަށްވެސް މިވަޅިހަދައި ފައި ހުރެއެވެ
ކަށިކޮކާމަސް
ނ ކޮކާމަހުގެ ބާވަތެއް. މިއީ ކަރުތާފަތުގެ ތިރީބައިގައި ތޫނުކައްޓެއް ހުންނަ ކުޑަ މަހެކެވެ މަހުގެ ކުލައަކީ ކަޅުކުލައަކަށްދާ ގަދަމުށިކުލައެވެ މަހުގެ ހުރަހަށް ކަޅުކުލައިގެ ހިމަރޮނގުތަކެއް ހުރެއެވެ ކަރުތާފަތުގެ މަތީބައިގެ ފަހަތުގައި ކަޅުލަފެއް ހުރެއެވެ
ކަށިކޮތަ
ނ ރައިވެރިމަހުގެ ބާވަތެއް މިއީ ކަރުތާފަތްމަތީގައި ތޫނުކަށިތަކެއް ހުންނަމެހެކެވެ މިމަހުގެ ހުޅުނބުތައް ވަރަށް ތޫނުވާނެއެވެ މަހުގެ ކުލައަކީ ރަތްކުލައެވެ
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަށިއަރޮޅި
ނ ބޭހަށް ބޭނުންކުރާ އެއްޗެއް މިއީ އެތެރެ ބެދިފައި އޮންނަ ހަރު އޮށެއް ކަހަލަ އެއްޗެކެވެ މީގެ ކުލައަކީ ކަޅުކުލައެވެ މިއޮންނަނީ ހިކިފައިހުންނަ ބޮޑެތި މޭބިސްކަދުރާ ގާތް ސިފައެއްގައި ހިމަދިގުކޮށެނެވެ
ކަށިއޫރު
ނ ދޫނިފަތުގެ ތަނޑުކަހަލަ ކުރެހުންއެޅި ދިގު ތުނޑު ތޫނު ކަށިތަކެއް މުޅިގައިން ފަޅައިފައިވާ ކުޑަވަރެއްގެ ޖަނަވާރެއް. މީހެއްގެ އުނދަގުލެއް ފޯރައިފިނަމަ މި ފުއްޕާލައެވެ
ކަށިއެޅުން
މ (1) ރާޅުއެއްޗެއް ހަމުގައި ހޭކޭންފެށީމާ އެވާގޮތްވުން (2) ހަމުގައި ހިނިދައިގަތީމާ އެވާގޮތްވުން
ކަށިއޮޑާ
ނ )އ.( އެމުގެ ބާވަތެއް މިއީ ފަތިކޮށްހުންނަ ކަޅުދަނބުކުލައިގެ މަހެކެވެ މިމަހުގެ ބޮލުގައި މަޑިކައްޓަކާ ވައްތަރު ކައްޓެއްހުރެއެވެ
ކަށިވަތް
ނ (1) ބަނޑުއަޅާ ވިހާ އެއްޗެހީގެ ދަރިއުފެދޭ ގުނަވަން ހިމާޔަތްކޮށްދޭ ކަށިތަކުގެ އޮނިގަނޑު (2) އެތެރޭގައި އެއްޗެއް އުފެދޭގޮތަށް ހެދިފައިވާ ކަށީގެ އޮނިގަނޑު
ކަށިވާލި
ވާލީގެ ބާވަތެއް މިއީ ވާލީގެ ބާވަތްތަކަށް ވުރެ ދިގު ބުރިކަށިމަތީ ކޮތަރިބައިގައި އެއްވަރަކަށް ކަށިތަކެއް ހުންނަ މަހެކެވެ މަހުގެ ކުލައަކީ ރިހި އަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅުކުލައިގެ ލައްތަކެއް ހުރެއެވެ