radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ތޯޑުވުން
މ ދެގަނޑުފޮތި އެއްކުރުމުގައި ނުވަތަ ފެހުމުގައި ދެރަގޮތަކަށްފެހުން
ލަނޑު
ނ (1) ބައެއް ކުޅިވަރުތަކުގައި ޖަހާ ގޯލު ނުވަތަ ހޯދާ ޕޮއިންޓު (2) މަޖާޒު: ލިބޭ ކެހި
ލަންކި
ނ އުނަގަނޑުގައި ބަނދެލައިފައި އޮންނަ ފޮތިގަނޑެއް ނުވަތަ ތުވާއްޔެއް
ލަބުޑި
ނ )ސ ( މުގޫ ހަރުކުރުމަށް ޖަހައިފައި ހުންނަމުޑި ނުވަތަ މުންޑާމު
ލަކިބޭލުން
މ ތެލަނގަ ލަކިޖެހޭއިރު ނަގުލުން ބަނޑިބަނޑި ނުވަތަ ގުދުގުދު ބޭލުން
ލަކިޖެހުން
މ (1) ތެލަނގަ އެއްލައިފައި ހުންނައިރު ވައިގެ ސަބަބުން ދެފަރާތަށް ހެލޭހެލުން. (2) ލަނބުރާން ނުވަތަ އޮޑިދޯނިފަހަރު އަޅައިފައި ހުންނައިރު އެތަކެއްޗަށް ވަމުންދާ ޙަރަކާތުން އެވަލަށް ދޫވެފައި ބާރުވާއިރު ވާގޮތްވުން (3) ރުޅިއައިސްގެން ބާރަށް އެއްޗެހި ގޮވުން
ލަކިޖެއްސުން
މ (1) ތެލަނގައާއި ގުޑިފަދަ އެއްޗެހި އެއްލައިފައި ހުންނަ އިރު އޭގައި ޖަހައިފައި ހުންނަވަލަށް ނުވަތަ ނަނަށް ހަދާގޮތަކުން އެއަށް ލަކިޖެހޭގޮތްވުން (2) ކުއްލިކުއްލިއަށް އެއްޗަކަށް ދެމުން
ލަކުނު ކެހުން
މ ލޮލުގައި ހުންނަ ލަކުނެއް ނުވަތަ މަސްކޮޅެއް ބޭހެއްޖަހައިގެން ފިލުވައިލުން
ލަކުނުކަޅުކުރާބޭސް
ނ ގައިގެ ހަމުގައި ހުންނަ ލަކުނު ކަޅުކުރަން ނުވަތަ ގައިގެ ހަމާ އެއްގޮތްކުރަން ހަދައިފައި ހުންނަބޭސް
ލަކުނުލުން
މ (1) ފާރުކޮޅެއް ނުވަތަ ކެނޑިފައި ހުރިތަނެއް ފަސޭހަވާއިރު އެތަން ފާހަގަ ވެފައި ހުރުން (2) އެއްޗަކުން ޖެހޭތަން އެނގެން ހުރުން (3) މަޖާޒު: ނުފިލާގޮތަށް ހިތުގައި ކަމެއްގެ އަސަރު ބިންވަޅު ނެގުން
ލަކުވައިގަތުން
މ ތަޅުވައިގަތުން ނުވަތަ ހަލުވައިގަތުން
ލަކުޑިގަނޑު
ނ ބުރިކޮށްލައިފައި ނުވަތަ ވަކިކޮށްލައިފައި އޮންނަ ލަކުޑީގެ ބުރިވަރެއް ނުވަތަ ފަޅިވަރެއް
ލައިނޫފަރު
ނ ލޮޓަސްމާ އަޅާ ގަސް ނުވަތަ ވެޔޮ މިހެދެނީ ފެނުގައެވެ
ލައިބެދުން
މ )ހ ބ ( (1) ދެގަހެއް ނުވަތަ ދެގޮފިގަނޑެއް ޖެހި ފިތިބާރުވެ ތޮށި އެރުން (2) ގުޅަފަދަ އެއްޗެހި ބައްދާއިރު ފުށްގަނޑު ރީތިކޮށް ބެދިފައި ހުރުން
ލައިދިނުން
މ (1) އެއްޗެއް ކިޔަމުން ނުވަތަ ކިޔަވަމުން ދާއިރު ކުށެއް ކިއުނީމާ ނުވަތަ ބައެއް ދޫކޮށްލެވުނީމާ ރަނގަޅުގޮތް ބުނެދިނުން. (2) އަނެކަކު އަޑުދަށުން ކިޔުމަށް ނުވަތަ އިޤްރާރު ކުރުމަށްޓަކައި އެއްޗެއް ކިޔަވައިދިނުން މިސާލު: )ހ( ޝަހާދަތް ލައިދިނުން )ށ( ހުވާ ލައިދިނުން
ލައިދެމުން
މ (1) އޮޑިފަހަރު އޮޑިކޮޅަށް ކުރިޔަށް ނުގެންދެވިގެން ދުރަށް ނަގިއްޔެއްގެ ބާލައި އެނަގިލީގެ ވަލުގައި ހިފައި ދަމައިފައި އޮޑި ކުރިޔަށް ގެންދިޔުން (2) މީހަކު ނުވަތަ ކުއްޖަކު ވަކިތަނެއްގައި ހަމަ ނުޖެހިގެން އެއްތަނުން އަނެއްތަނަށް ގެންދިއުން
ލައިގަތުން
މ (1) ކަމެއް ދިމާވުން (2) ނޭނގިގޮސް އެއްޗެއްގައި ޖެހުން (3) ވަލެއްފަދަ އެއްޗެއްގެ ކޮޅު އެއްޗަކަށް ނުވަތަ ތަނަކަށް އޮޅައިލައި ހިފެހެއްޓުން (4) އަހަރާއި މަހާއި ނަކަތްފެށުން
ލައިގެންކާއެއްޗެހި
ނ ކެއުމަށް ބޭނުންކުރާ މައިގަނޑު އެއްޗަކާއެކު ބޭނުންކުރާ ރިހަ ނުވަތަ ރިހާކުރު ނުވަތަ ދިޔަފަދަ ތަކެތި
ލައިސަން
ނ ކަމެއް ކުރުމުގެ ނުވަތަ އެއްޗެއް ގެންގުޅުމުގެ ހުއްދަ
ލައިޓަރު
ނ ގޭސް ނުވަތަ ޕެޓްރޯލުފަދަ އެއްޗެއް އަޅައިގެން އަލިފާން ކެނޑުމުން ދިއްލޭ ގޮތަށް ހަދައިފައި ހުންނަ އެއްޗެއް މިއީ ޢާންމުކޮށް ބިޑި ސުއްޓާ ސިގިރެޓްފަދަ ތަކެތި ބޯމީހުން ގެންގުޅޭ އެއްޗެކެވެ