radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ކޮތަރުކާވިނަ
ނ ވިނައިގެބާވަތެއް މިއީ ފަތް ހިމަކޮށްހެދޭ ހުދުމަލެއް އަޅާ ވަރަށް ފުނަށް މޫހުންނަ ކައިވަތެއްވަރުގެ ވިނައެކެވެ އެއްޗެހީގައި ކުލަޖައްސާން މީގެ މޫ ބޭނުންކުރެއެވެ
ކޮތަޅުކެނޑުން
މ މަޖާޒު: އަވަސްއަވަހަށް ބޮޑުބަޑިޖަހާއިރު ވަޒަނާއި ބަޑިބޭސްއަޅައިފައި ހުންނަ ކޮތަޅު ބަޑިޔަށްލައިފައި ބަޑިޖެހުން
ކޮތުވާލު
(1) ފުލުހުމީހާ. (2) މަގުމަތި ބަލަހައްޓާ މީހާ. (3) ރޭގަނޑަށް ރަށުތެރެ ބަލަހައްޓާ މީހާ. (4) ރާއްޖޭގެ ރަށްރަށުގައި ރުކުއަޅަންދާ މީހާއާއެކު ވެރިންގެ ފަރާތުން ފޮނުވާ މީހާ
ކޮލަވާދެމުން
މ )ޏ ( (1) ލާނދާ އެއްލައިގެން މަސްހިފާއިރު ދާއެއްލާމީހާ ފަހަތުން މަސްފަތި ހިފައިގެން ހިންގުން (2) މަޖާޒު: ތެތްފޮށާ އުފުލުން
ކޮލިލުން
މ އިހުގައި ރަސްމީ ބައެއް ލަޤަބާއި ރަސްމީ ބައެއް ޚާއްޞަ ކަންތައްތައް އިޢުލާން ކުރުން. މިކަންކުރާގޮތަކީ މިކަމަށް ޚާއްޞަވެފައިވާ މީހަކު ފުޅިދޮށުއަށީގެ ލޯގަނޑު ހިފައިގެން ކޮލިކިޔަން ކަނޑައެޅިފައިވާ ތަންތަނަށް ހުއްޓި ކޮލީގެ ޢިބާރާތްކިޔައި ޤަވާޢިދެއްގެ މަތިން ލޯގަނޑުގައި ޖަހަމުން ކޮލި ހިނގާމަގު ވަށައި ހިނގަނީއެވެ މިކަންކުރަނީ ކޮލިކަލޭގެއެވެ
ކޮލިލޯގަނޑު
ނ ކޮލިލާއިރުގައި ކޮލިކަލޭގެ ޖަހަން ބޭނުންކުރާ ލޯގަނޑު މިއީ ބޯ ލޮއިން ވަށްކޮށް ފަތިކޮށް ހަދައިފައި އޮންނަ އެއްޗެކެވެ
ކޮލުދަތް
ނ (1) ފޭރާދަތާ ޖެހިގެން ހިރުގަނޑުގެ ކަނާ ހަމަޔަށް ހުންނަ ދަތްތައް (2) ފުށުން ހަދައިފައި ތެލުލައި ހަކުރުލައިފައި ހުންނަ ފޮނި ހެދިކާއެއްޗެއް މިހަދައިފައި ހުންނަނީ ކޮލުދަތާ ވައްތަރު ގޮތަކަށެވެ
ކޮސް
ނ (1) ތާކުންތާކުނުޖެހޭ މީހާ (2) ތާކުންތާކުނުޖެހޭ ވާހަކަ (3) ތާކުންތާކުނުޖެހޭ ކަންތައް (4) އޮޅުފަށް ފާވެފައި ހުންނަ އެއްވެސް ކަމަކަށް ކަމުނުދާ ލަކުޑިގަނޑު
ކޮސްކަން
ނއނ ތާކުންތާކުނުޖެހޭ ކަން
ކޮސްވުން
މ (1) ތާކުންތާކުނުޖެހޭ ގޮތްވުން (2) ވިސްނުން ހަމަނުޖެހުން
ކޮސްތެޅުން
މ ތާކުންތާކުނުޖެހޭ ވިޔާނުވާ އަނގަތެޅުން
ކޮޑި
ނ (1) ރޮންދާގެ ތިލަޖަހާން ހަދައިފައި އޮންނަ ލަކުޑިގަނޑު. (2) އޮޑިފަހަރުގެ ތުންމަތީރިޔަލުގެ މައްޗަށްނަގާ ކަތިރިޔާ. މީގެ މޯރާކޮޅު އޮންނާނީ ތޫނުކޮންނެވެ. (3) ދިގުމިނާއި ފުޅާމިނާއި އުސްމިން ބޭނުންކޮށްގެން އަޅާމިނެއް. (4) ދިގުމިނާއި ފުޅާމިނާއި އުސްމިން އެއްވަރު
ކޮޑޮހާޖަތް
ނ )ސ ( ކުޑަޙާޖިވެރިކަން
ކޯނަރު
ނ ހޮކީ އާއި ފުޓްބޯޅައިގައި ދަނޑުގެ ކަނުން ޖަހަން ޖެހޭ ހިލޭޖެހުން. މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަ ބޭރުވުމުންނެވެ
ކޯނަރުނެގުން
މ ހޮކީއާއި ފުޓުބޯޅައިގައި ދަނޑުގެކަނުން ޖެހުން މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަބޭރުވުންނެވެ
ކޯނިޖުމްލަ
ނ އިސްބަޔާއި ޚަބަރުގެ އިތުރަށް އެހެނިހެން ޢިބާރާތް ހިމެނޭ ޖުމްލަ
ކޯރިގަތުން
މ (1) ދިޔާއެއްޗެއް ފައިބައިގަތުން (2) ގިނަ މީހުންތަކެއް ނުވަތަ ޖަނަވާރުތަކެއް އެއްމަގަކުން ބޮނޑިބޮނޑިއަށް ގިނައިން އައުން
ކޯޅިފަނި
ނ ދެކޮޅުޖައްސައިފައި މެދުނަގަމުން ދުވާފަންޏެއް މިފެންނަނީ ގަސްގަހުންނެވެ
ކޯޅިތަށި
ނ އަނގަމަތީގައި ކޯޅިއެއް ހުންނަ ވަރުގެ ތައްޓެއް މިތަށި ޖޯޑު ވަތުތައްޓަކަށް ވުރެ ގޮނިވާނެއެވެ
ކޯޅުން
މ (1) ބުޅާ ކޯޅުން. (2) މަޖާޒު: ދެމީހަކު ނުވަތަ ދެމަފިރިއަކު އެކަކު އަނެކަކަށް އެއްޗިހިކިޔައި ޒުވާބުކޮށް ހެދުން