radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ގަނޑޮވުން
މ )ޏ ( ގަނޑުވުން
ގަނޑޯގަނޑޯ
ނ ގަނޑުފިއްލާ ކުޅޭއިރު ގަނޑު ތައްޔާރުވީމާ އެކަން އަނެއްބައިމީހުނަށް އެންގުމަށް ގޮވާލާ ގޮތެއް
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަންޑަޅު
ނ )ގ ( ގަނޑުއަޅި
ގަންޑަޅެ
ނ )ގ ( ގަނޑުއަޅި
ގަންޑެޅި
ނ )ޏ ( (1) ގަނޑުއަޅި މަޖާޒު: (2) މޮޔަ (3) ވިސްނުންކޮށި
ގަރު
ނ (1) ބައެއްކަހަލަ އެއްޗެހި ކައްކާއިރު މައްޗަށް އަރާފޮނު (2) ހަނޑޫ ދޮވެފައިހުންނަ ފެންގަނޑު (3) މާކަނާހޮޑު
ގަރުދިޔަމަސް
ނ (1) ކައްކައިފައި ހުންނަ ގަރުދިޔަގަނޑުގެތެރޭގައި ހުންނަ މަސް (2) ދިލަނުޖައްސައި ހުންނަމަސް
ގަރެވަހަ
ނ )ގ ( ބޯނުދޮވެ ގިނަދުވަސްވުމުން އިސްތަށިގަނޑު ދާވެގެން ދުވާވަސް
ގަބަންމަހާ
ނ )ލ ( މޫދުގައި ހުންނަ ފޮޅޭ މާގަނޑު
ގައިހިއްކުން
މ ހަށިގަނޑު ތެމުމުން ހަށިގަނޑުގައި ހުންނަ ފެން ތުވާއްޔެއްފަދަ އެއްޗަކުން ހިއްކުން
ގައިހުރިބާރު
ނއ ހަށިގަނޑުގައި ހުރި ހުރިހާ ބާރެއް
ގައިހެދުން
މ (1) ދޫނިސޫފާސޫފި އޭގެ ފަތްގަނޑު ރީތިކުރުމަށްޓަކައި ފިޔަގަނޑު ތަޅުވައި ތުނބުން ގައިގެ ފަތްތައް އޮމާންކުރުން (2) މަޖާޒު: ހެދުމާއި އިސްތަށިގަނޑު ރީތިކުރުމަށް އިރުއިރުކޮޅާ އެކި ގޮތްގޮތްހަދައި ފަރިބަލައިހެދުން
ގައިބާރު
ނ (1) ގައިގައި ހުންނަ ހަކަތަ (2) ހަށިގަނޑުގައި ހުންނަވާގި
ގައިމޮޑުން
މ ހަށިގަނޑުގައި ރިހުންހުރިތަނެއްގައި ފިތަމުން ގެންދިއުން
ގައިދޮއްވުން
މ ބޮލަށް ފެންނާޅައި ކުޑަގޮތަކަށް ހަށިގަނޑު ދޮވެލުން
ގައުރަން
ނ )ސ ( ގަނޑުރަން
ގައުބޮލާ
ނ )ސ ( ފަރުމަހުގެ ބާވަތެއް މިއީ ތަންކޮޅެއް ބޯބޮޑެތިކޮށް މަސްގަނޑު ހިމަކޮށް ހުންނަ މަހެކެވެ ހުޅުނބުތައްވެސް ބޮޑެތިވާނެއެވެ މިމަހުގެ ކަރުތާފަތާއި ދިމާއިން ދެފަރާތުގައި ދެހިލަ އޮންނާނެއެވެ
ގައުކެވި
ނ )ސ ( ބޮޑެތި ގާގަލުގައި ހަރުލައިފައި ހުންނަ ގަލުގެ ބޯތޮށި ގަނޑެއްގެތެރޭ މަސްގަނޑު އޮންނަ ބޮލީގެ ބާވަތެއް
ގައްލާބަންދު
ނ (1) ފިނިމޫސުގައި ކަނދުރާމަތިން އޮޅައިލާކެހެރި ފޮތިގަނޑު (2) މަފުލަރު