radheef.info
ރަދީފު


ބަ
އ އައްބަ
ބެޓެރީ
ނ އިލެކްޓްރިކް ބާރުން ދިއްލާ ބައެއް އެއްޗިއްސާއި އިލެކްޓްރިކް ބާރުން ހިނގާބައެއް އެއްޗެއްސަށްލައްވަން ނުވަތަ ބޭނުންކުރަން ހަދައިފައި ހުންނަ އެއްޗެއް. މިހުންނަނީ ކަރަންޓް އުފައްދައިދޭ ބާވަތްތަކާއި ނުވަތަ އެބާރު ހިފަހައްޓައިދޭ ބާވަތްތައް އެތެރެއަށް އަޅައިފައެވެ މީގެ ތަފާތު ވައްތަރުތައް ހުރެއެވެ
ބެޔަސް ނުބެޔަސް ނަންވާނީ ހައިވަކަރުއޮޑިއެވެ
(މުސްކުޅިބަހެއް) އެހެން މީހަކު ކުރިކަމެއް އެރޮނގަކުން މަޝްހޫރުވެފައިވާ މީހަކަށް ނިސްބަތް ކުރުމުން (ނިސްބަތްވުމުން) ބުނެއުޅޭ ބަހެއް.
ބެޖު
ނ ބައެއް ޖަމާޢަތް ވަކިވެ އެނގުމަށްޓަކައި ހެދުމުގައި ޖަހާ ނިޝާން
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭނުން
ނ (1) މުހުތާދު (2) މަޤުޞަދު (3) މަޠުލަބު (4) ހާޖަތް (5) އެދޭއެދުން (6) ހިތްކިޔާކިޔުން މ (7) އެއްޗެއްގެ ތެރެއަށް އަނެކައްޗެއް ވެއްދުން ނުވަތަ ކޮއްޕުން (8) ބުޅީގައި ގަނުވައިގެން މަސްހިފުން (9) ކުރުނބާ ކިހައް ފަދަ ތަކެތި އިހާ އޮތްގޮތަށް ވާޖަހައިގެން ރުކުން ބޭލުން )01( ކަމެއްގެ ތެރެއަށް މަތިންބައިން ޖެހިގެން ވަނުން
ބޭން
ނ (1) ފުމޭ ތަކެތިންނާއި ޖަހާބެރުން ވަކިރާގަކަށް ހަމަކޮށްގެން ގޮއްވާ އަޑުތަކެއް. (2) ބޭންޕާޓީ. (3) އެކަކަށްވުރެ ގިނަދަރިން. މިސާލު: ދެބޭން ތިންބޭން. (4) ބޭނުން- ތިމާއަށް ނިސްބަތްވާގޮތަށް އޮންނަ މިބަހުގެ ނިމިނިމުނުކަން. މިސާލު: އަހަރެން މަސްބޭން. (5) ގާތްތިމާގެ މީހުން. )އެކަކަށްވުރެގިނަ( ދެބެންގެ ދެދަރިދެބޭން ތިންބޭން އަޚުން އުޚުތުން ބޭބޭންގެދަރިން
ބޭންދުން
މ (1) އިށީނުން މިބަސް ކުރުވުމުގެ މާނައިގައި ބުނާގޮތް )އިށީނދުވުން( (2) ޚިތާނުކުރުން (3) ވަކިތަނަކުން ނުނިކުމެވޭގޮތަށް މީހަކު ތަނެއްގައި ވަގުތީ ގޮތުން ހިފެހެއްޓުން
ބޭންޑު
ނ (1) މިޔުޒިކްކުޅޭ ސާމާނާ އެކުގައިވާ މިޔުޒިކް ގުރޫޕް (2) ބޮލުގައި އަޅަން ހަދައިފައި ހުންނަ ބަންދު (3) ބޮލުގައި ނުވަތަ ހެދުމުގެ ތަނެއްގައި އަޅާފޮތިފަށް
ބޭރަށް ހިންގުން
ނ އާދަޔާ ޚިލާފަށް ގިނައިން ބޮޑުކަމުދާންވާ ބައްޔެއް
ބޭރު
ނ (1) އެތެރެޔަށް ނުވާތަން. މިސާލު: ގެއިންބޭރު. ބޭރުމަތި. (2) ވަތްހޭލާ ހިސާބު. (3) ގަނޑުވަރުތެރޭ ބޭފުޅުން ތިއްބަވާ ތަންތާނގައި ބޭރުން އަންނަ ޚާއްޞަ ރައްޓެހިފުޅު މީހުންނަށް ކައްކާބަތް. (4) ނއ. އެކަމެއްގެ އެތަނެއްގެ އެއްޗެއްގެ އެބައެއްގެ ތެރޭގައި ނުހިމެނޭ
ބޭރުންދާ އޮޑިޔަކަށް ނިވަލެއް ނޯންނާނެ
(މުސްކުޅިބަހެއް) ގެއަށް ނުވަދެ ބޭރުގާ ހުންނަ މީހަކަށް ގެއިންދެވޭ ޚިދުމަތެއް ނުދެވޭނެޔޭ ބުނުމަށް ބުނެއުޅޭ ބަހެއް
ބޭރުންދާ އޮޑިޔަކަށް ނިވައެއް ނޯންނާނެއެވެ
(މުސްކުޅިބަހެއް) ބޭރުންދާ އޮޑިއަކަށް ނިމަލެއް ނޯންނާނެ
ބޭރުބަނޑަހަ
ނ އިހުޒަމާނުގައި ހަވަރުގެ ތެރޭން ބޮޑުމުސްކުޅި ބޭކަލަކު ނެތްވަރެއްނަމަ އެވަރަކަށް ކައްކާ ކެއްކުން ތަކުގެ ކަންތަކާއި ސިލޭހަބަތް ކެއްކުމާއި ކުދި ބޭކަލުންގެ ކޮއްތުގެ ކަންތައް ބަލަހައްޓައި މިކަންކަމުގެ ތަކެތި ރައްކާކުރާން ގަނޑުވަރު ތެރޭގައި ހުންނަ ބަނޑަހަ
ބޭރުބަނޑޭރި
ނ (1) އިހުގައި ގަނޑުވަރު ތެރޭގައި ބާޒާރާ ބެހޭކަންތައް ބަލަހައްޓާ އުޅޭ މީހާ (2) ގެއެއްގެ ބާޒާރު ކުރުމާއި ބެހޭ ކަންތައްތައް ބަލަހައްޓާމީހާ
ބޭރުބަންޑާރަ
ނ އިހުގައި ސަރުކާރުގެ ނާފަހަރުން ބަންގާޅަށް ފޮނުވައިދޭ އަމިއްލަ ފަރާތްތަކުގެ ކާށްޓާއި ކުފުރާ
ބޭރުބައްތި
ނ (1) ނާފަހަރު ބަންގާޅަށް ދަތުރުކުރި ދުވަސްވަރު ބަންގާޅު ކޯރަށް ވަންނަންދާއިރު އެންމެބޭރަށް ހުންނަ ބައްތި. (2) ކަނޑުއޮޅިތަކާއި ބޭރުދުނީގެ ފަރުފަރާއި މުލިފަދަ ތަންތަން ފާހަގަކުރުމަށް ޖަހައިފައި ހުންނަބައްތި
ބޭރުބަސް
ނ (1) ރާއްޖޭގެ ބަސްނޫން އެހެން ބަސްބަސް (2) ދިވެހިބަސް ނޫން އެހެން ބަސްބަސް
ބޭރުމަތި
ނ (1) ތޮށީބޭރުން ވަތްހޭލާ ހިސާބު (2) އެއްބައްރެއްގައި ހިމެނޭ ވަކިވަކި ރަށްރަށުގެ އާބާދީއާ ދުރުހިސާބު
ބޭރުމީހާ
ނ އެތަނެއްގެ އެބައެއްގެ ނުވަތަ އެކަމެއްގެ ތެރޭގައި ނުހިމެނޭ މީހާ
ބޭރުމެށުން
މ އޮޑިވަޑާމުގެ ބަހުރުވައިގައި އުޅަނދެއް ބަނދެ ނިމިގެން އޭގެ ބޭރުމަށާއި ބައްޓަން ރީތިކުރުން