radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ތެދުވުން
މ (1) އެއްޗެއް ސީދާވުން (2) ޙަޤީޤަތަކަށްވުން (3) އިންތަނުން ނުވަތަ އޮތްތަނުން އުފުލި ހަށިގަނޑު ސީދާކޮށްލުން
ތެދުމަގުހޯދުން
މ އިސްލާމްދީނަށް އުޅޭނެ މަގު ދަސްކުރުން ނުވަތަ ލިބިގަތުން
ތެތްބާލާނެފަދަވެސްނެތުން
ގބ މަޖާޒު: ލައިގެންހުރި ހެދުން ނުވަތަ އަނދެގެން ހުރިއެތިގަނޑު ފިޔަވައި އެހެންފޭރާމެއްނެތުން
ތެތްބޮޑުވުން
މ ރާނަމުންދާއިރު ތިރީގައިހުންނަ އުވަފަށްތައް ނުވަތަ ސިމެންތިފަށްތައް ނުހިކި މާބޮޑަށް ތެތްވުން
ތެތްކަން
ނއނ (1) ފެނުގެ އަސަރުހުރިކަން (2) އަންހެނާގެ ފަރުޖުގައި ހުންނަ ލޮނދިކަން ނުވަތަ ދިޔާކަން (3) މަޖާޒު: ސިކުނޑީގައި ހުންނަތާޒާކަން
ތެތްވުން
މ (1) ފެނުގެ އަސަރު އުފެދުން ނުވަތަފާޅުވުން (2) އަންހެނާގެ ފަރުޖުގައި ތެތްކަންއުފެދުން
ތެތްފިނިކަން
ނ (1) ފެނުގެ އަސަރުހުރި ތަނަކުން ނުވަތަ އެއްޗަކުންވާ ފިނިކަން (2) ތެތްކަމާއި ފިނީގެ އަސަރު ހުރިކަން
ތެތްފޭލި
ނ ފެންވަރާއިރު އަނދެގެން ހުންނަ ފޮށާ ނުވަތަ މުންޑުފަދަ ތަކެތި
ތެލަނގަ
ނ އިލޮށިން ނުވަތަ އޮނުފަތިން ދުނިގަނޑު ހަދައި އޭގައި ކަރުދާސް ހިއްޕައި ނަގޫލައިގެން )މަޑިއާއިގުޑިފަދައިން( އެއްލާ އެއްޗެއް
ތެލިގިރާފު
ނ އެކިއެކި ހިސާބަށް ދަމައިފައިހުންނަ ނަރަށް އިލެކްޓްރިކު ފޮނުވައިގެން ދުރުގައި ހުރިމީހަކަށް ވަކިކަހަލަ ނިޝާން ތަކަކުން މެސެޖު ފޮނުވައިދޭ ވަސީލަތް ނުވަތަ އެކަންކުރަން ގެންގުޅޭ މެޝިން
ތެޔޮނާށިކާޅުގެންދިއުން
ގބ މިސާލުބަހެއް: (1) ހިތާވެގެންއުޅޭ އަންހެންކުއްޖާ އެހެންފިރިހެނަކު އަތުލައިގަތުން (2) ރައްޓެހިވެގެން ނުވަތަ ހިތާވެގެންއުޅޭ އަންހެންކުއްޖާއާއި އެހެންމީހަކު އިނުން
ތެޔޮވަޅު
ނ (1) ބިމުން ނުވަތަ ކަނޑުން ތެޔޮނެގުމަށްޓަކައި ތޮރުފާލޯވަޅު (2) ބިމުގެ ނުވަތަ ކަނޑުގެ އަޑީގައި ތެޔޮހުންނަތަން
ތެޔޮދެމުން
މ ފަރުވާއެއްގެ ގޮތުން ހަށިގަނޑުގައި ނުވަތަ ގުނަވަނެއްގައި ވަކިގޮތަކަށް ތެޔޮއުނގުޅުން
ތެޔޮދޯރި
ނ ތެޔޮއަޅަން ނުވަތަ ތެޔޮއަޅައިގެން ގެންގުޅޭދޯރި
ތެޔޮތާހަށްފެންޖެހުން
މ މަޖާޒު: ރުޅިއައިސްފައިހުރި މީހެއްގެ ރުޅިގަދަވާނެ ކަހަލަ ކަމެއްކުރުން ނުވަތަ އެފަދަ އެއްޗެކޭ ބުނުން
ތޭރި
ނ (1) ކުޑަދޮރުގެ ދެއޮޅި ދޭތެރޭގައި ލަކުޑިން ނުވަތަ ދަގަނޑުން ޖަހައިފައި ހުންނަ އެއްޗެހި. (2) ލަކުޑިން ހަދައިފައި ހުންނަ ބައެއް ތަކެތީގެ ދެފައިކޮޅު ދޭތެރެއަށް ލައްވައިފައި ހުންނަ ހިމަދިގު އެއްޗެހި. މި ވަށްކޮށާއި ހަތަރު އަރިއަށާއި ދިގުހަރު އަޅައިގެން ލިޔެފައިވެސް ހުރެއެވެ މިސާލު: )ހ( އަދަރާދަގޮނޑީގެ ތޭރި )ށ( އުނދޯލީގެ ފަޑީގައި ހުންނަތޭރި (3) ފަހާފޮށީގެ ބަރަނި އޮޅަން ހަދައިފައި ހުންނަ އެއްޗެއް (4) ސަރަކައިގެ ރޮދިއޮޅަން ހުންނަ ފޯލި (5) ފޭރާން ވިޔާއިރު އޮޅަން ހުންނައެތި
ތޮރުފިގަތުން
މ ތަނަކަށް ނުވަތަ ކަމެއްގެ ތެރެއަށް ވަދެގަތުމަށް ހުތުރުކޮށް ބުނާގޮތް
ތޮޅުން
މ (1) ދެކޮޅުވުން (2) އަރާރުންވުން (3) ހަނގުރާމަކުރުން (4) ހަށިގަނޑުގެ އެކިތަންތަން އަމިއްލައަށް ތެޅިލުން (5) ކުޑަކުދިން އެއްކުއްޖަކު އަނެއްކުއްޖަކާ ދެކޮޅުވުން ނުވަތަ ސަމާސާއަށް ގޮތްގޮތްހެދުން (6) ބަނޑުގައިވާ ދަރިފުޅު ޙަރަކާތްކުރުން
ތޮއް
ނ (1) މަސްމަހާމެހީގެދޮޅި (2) ތަނަކަށް މީހުން ނުވަތަ އެއްޗެއް ގިނަވެގެންވާ ބާރު
ތޮފި
ނ ބޯނިވާކުރުމަށް އަޅާއެއްޗެއް އާންމުގޮތެއްގައި މިހަދައިފައިހުންނަނީ ވަށައި ނިތްގަނޑެއް ނުވަތަ އަރިމަތީ ނިތްގަނޑެއް ހުންނަގޮތަށެވެ