radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ދެފަށްލާޖެހުން
މ ލިޔެ ލާޖެހުމުގައި ލާފަށެއްގެ މައްޗަށް އެހެން ކުލައެއްގެ ލާފަށެއް ދުއްވައިލުން މިހެން ހަދަނީ ކުރެހުމަށްޓަކައެވެ
ދެފިކުރުމަތީގައި ހުރުން
ގބ ކަމެއްކުރާނީ ބާވައޭ ނުވަތަ ނުކުރާނީ ބާވައޭ ހީވެ ހީވެ ހުރުން
ދެލިނިވުން
މ ދަރާއި ނާއްޓާއި ބޮނބިފަދަ ތަކެތި ރޯކޮށްގެން ރަނގަޅަށް އެންދުމަށްފަހު ހުލިވެ އަޅިޔަށް ނުވަނީސް ފެންޖަހައި ނުވަތަ ވެލިއަޅައި ނިވުން
ދެލިފިހިޖެހުން
މ ދޯނީގައި އިރުވަރުން ދެލިލާން ފެށުން
ދެލޯދުރުމި
ނ ދުރުމީގެ ވައްތަރެއް މިދުރުމި ހުނަނަނީ ދެލޮލުން ބެލޭގޮތަށެވެ
ދެޔޯމާރިދު
ނ ޖިންނީންގެ ތެރޭގައި އުޅޭކަމަށް ބުނާ ބައެއް
)ހަރުބަހެއް( ތިމާއަށް މީހަކު އެއްޗެހިތަކެއް ދިންކަމުގައިވިޔަސް އެލިބިގަންނަންވާނީ އެކަށީގެންވާ މިންވަރަކަށްކަން އަންގައި ދިނުމުގެ ގޮތުން ބުނެއުޅޭ ބަހެއް ދޭމީހާދިނަސް ކާމީހާވާނީ ބަލައިގެންކާށެވެ
ދޭފަތްދޫނި
ނ ތުންގަނޑު އަށްއިންޗިވަރަށް ދިގުކޮށް ތުނިކޮށް ފަތިކޮށް ކޮޅުވަށްކޮށް ހުންނަ ގޮނޑުދޮށު ދޫންޏެއް މިއީ އިރުވާހުދާ ވައްތަރު އެއަށްވުރެ ބޮޑު ދޫންޏެކެވެ މިދޫނީގެ ސިފަ ވައްތަރުވާނީ އިރުވާ ހުދާއެވެ
ދޭތިންއެކައްޗަށްހިފުން
ގބ ކަމެއް ޙާޞިލްކުރުމަށް ނުވަތަ ކާމިޔާބު ކުރުމަށްކުރާ ގަދަ ހިތްވަރަށް ބުނެއުޅޭ ބަހެއް )ކާމިޔާބެވެ ނޫނީ މަރެވެ ބުނާހެން ބުނެއުޅޭ ބަހެއް
ދޮށިބޮނޑި
ނ (1) މަސްބާނަން ގެންގުޅޭ އެކިވަރުގެ ދޮށި އެއްކޮށްބަނދެފައި އޮންނައިރު އެތަކެއްޗަށް ބުނާގޮތް )ދޮށިބޮނޑި އޮންނާނީ ބުޅިއާއި ކަންވާރާ ލައިތައްޔާރުކޮށްފައެވެ ( (2) އެއްކޮށް ބަނދެފައިވާ ދޮށިތައް
ދޮނަޅަ
ނ ފަތްދިގު އެއްތަނޑަށް ހެދޭގަހެއްގައި އަންނަ ކުރާގަނޑެއްގައި ހުންނަ ފުއްތަކެއް މީގެފުއްތައް ހުންނާނީ ބޮޑު ސާގުފުކެއް ވަރަށެވެ މިއީ ގޮވާމުގެ ބާވަތެކެވެ
ދޮން
ނ (1) ކުލައެއްގެނަން )މަޑުރީނދޫކުލަ( (2) ބައެއްކަހަލަ މޭވާ ދޮންވީމާ ހުންނަ ކުލަ (3) މީހުންނަށް ނިސްބަތް ކުރާއިރު ކަޅުގެ އިދިކޮޅު (4) މީހުންގެ މޫނުގައިދޭ ބޮސް (5) ބައެއް މޭވާ ހަރުވެގެންވާ ފައްކާ (6) މަޢުދަނީ ތަކެތި މާބޮޑަށް ވާހޫނު
ދޮންހުނި
ނ ކާށިހުނީގެ ތެރެއަށް ރީނދޫލައިގެން ފުނޑައިފައި ހުންނަހުނި
ދޮންނޫމަސް
ނ ފަޅުފަޅާއި ފަރުފަރުގެ ބޭރުގައި ދިރިއުޅޭ ވަރަށް ރީތިކުލައެއް ހުންނަ ވެހިމަހެއް މިމަސް ވައްތަރުވާނީ ފަރުނޫ މަހާ އެވެ
ދޮންރީނދޫމަސް
ނ (1) ރީނދޫމަސް (2) އަރިމަތީގައި ނޫކުލައިގެ ހަތަރު ރޮނގުފާޅުކޮށް ހުންނަ ކޮތަރިބައި ރީނދޫ ކުލައިގައި ހުންނަ މަހެއް މިމަސް އުޅެނީ ތިލަވިލުގައްޔާއި ފަރުފަރުގެ ބޭރުގައެވެ
ދޮންބިސް
ނ (1) އަންހެންމަހުގެ ބަނޑުގައި ރީނދޫކުލައިގައި އޮންނަ އެއްޗެއް މިއޮންނަނީ ދެބަޔަށެވެ މީގެތެރޭގައި ހުންނަނީ ކުދިކުދި ފުއްތަކެކެވެ މިއިން ކޮންމެ ފުކެއްވާނީ މަހަކަށެވެ (2) ކިރުބިސް ނޫންބިސް
ދޮންބުރެކި
ނ ދިރޭއެމުގެ ގޮތުގައި މަސްބޭނުމަށް ބޭނުންކޮށްއުޅޭ މަހެއް މިއީ ރަށްރަށާއި ފަރުފަރުގެ ބޭރުމަތީގެ މުރަކަތަކުގެ ކައިރީގައި ކުދިއައިން ހަދައިގެން ބައިބަޔަށްއުޅޭ މަހެކެވެ މިމަހުގެ ނަގޫފަތް ހުންނަނީ ވަރަށްބޮޑަށް ދެކަފިވެފައެވެ މަހުގެ މަތީބައިގެ ކުލައަކީ ފިޔާތޮށިކުލައެވެ އަރިމައްޗާއި ބަނޑުދޮށުގެ ކުލައަކީ ރީނދޫކުލައެވެ
ދޮންބޭސް
ނ ދިވެހިބޭހުގެ ތެރޭގައި ހިމެނޭ މުފުރަދު ބޭހެއް މިހުންނާނީ ރީނދޫ ކުލައިގައެވެ
ދޮންއޮޅުފާނަ
ނ ފާނައިގެ ބާވަތެއް މިއީ ރަތްމުށިކުލައިގެ މަހެކެވެ ކުދިކުދި ނޫތިކިތަކެއް ހުންނަ މަހެކެވެ ނިގޫފަތުގެ ކައިރިފަށް ހުންނާނީ ހުދުކުލައިގައެވެ
ދޮންވުން
މ (1) ގަސްގަހުގައި އަޅާތަކެތި ފައްކާވުން (2) ބައެއްމޭވާއާއި ގަސްގަހުގެފަތް ހަރުވެގެންގޮސް ރީނދޫ ކުލައައުން (3) މައުދަނީ ތަކެތި އަލިފާނުގެ ހޫނުން ރަތްވުން (4) ތަނެއްނުވަތަ އެއްޗެއް އަވިން މާބޮޑަށް ހޫނުވުން (5) އޮށާޅައިގެ ގޮނޑިނުކުންނަވަރުވުން (6) މަޖާޒު: ކުޑަކުދީންގެ ބަހުރުވައިގައި ނަލަވުން (7) ހަމުގެ ކުލަ އަލިވުން (8) އިރުއެރުމުގެ އަލިކަން ފާއްދައިލުން މިސާލު: އިރަށް ދޮންވުން