radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކައްޓެޅި
ނ ފަރުމަހުގެ ބާވަތެއް މިއީ ދިގުކޮށް ފަތިކޮށް ހުންނަ މަހެކެވެ އަނގައާއި ލޯބޮޑެވެ މަހުގެ ދަތްތައް ކޮޅަށް އޫވެފައި ވަރުގަދައެވެ މަހުގެ ކުލައަކީ ގަދަމުށިކުލައެވެ މުޅި މަހުގައި ވައިލެޓު ކުލައިގެ އޮފެއް ހުރެއެވެ
ކައްޓެލަކަލިޔާ
ނ )ގ ( ކައްޓަލަފެނުކައްކައި މޮޑެގެން ހަކުރާ އެއްކޮށް ހިލައިފައި ހުންނަ އެއްޗެއް ކައްޓަލައިން ތައްޔާރުކުރާ ފޮނިކާއެއްޗެއް
ކައްޕިތާނު
ނ ވައިގެތެރޭގައި ނުވަތަ ކަނޑުގައި ދަތުރުކުރާ އުޅަނދުފަހަރުގައި ދަތުރާބެހޭގޮތުން ހުންނަ އެންމެ އިސްމީހާ
)ގިނަބަހެއް( ނުބައިގޮތަކަށް ފެށިއްޖެކަމެއް ކިތަންމެ ބޮޑުވެގެންދިޔައަސް އެކަމެއް އޮންނާނީ ނުބައިކޮށްކަން ދޭހަކޮށްދިނުމަށް ބުނެއުޅޭ ބަހެއް ކައްޗަށް އެޅި ބިންގަލެއް ކެއްޗާއި ހަމައަށް ނެގިއަސް ހުންނާނީ ކައްޗަށެވެ
ކައްޗަރު
ނ ތަފާތު ދެނަސްލެއް ގުޅިގެން ލިބޭދަރި މިސާލު: ޔޫރަޕް މީހުން އެތެރެ ވަރީގެ މީހުންނާ އިނދެގެން ލިބޭދަރި
ކައްޗާއެޅުން
މ (1) އެއްލައިފައި އޮންނަ ގުޑިއާއި މަޑިފަދަ ތަކެތި ކައްޗާދުވާން އަރިވުން (2) މަޖާޒު: މީހާ ހުންނަގޮތަށް ނުހުރެ އެކި އަތްއަތަށް ދިއުން
ކައްޗާދުވުން
މ އެއްލައިފައި ހުންނަ ގުޑިއާއި މަޑިފަދަ ތަކެތި ދެއަތް ދެއަތަށް ދިއުން
ކައްޗޭބޯ
ނ ކައްޗޭއޮޅަން ލަކުޑިން ލިޔެފައި ހުންނަ އެއްޗެއް މީގެ މަތީކޮޅު ހުންނާނީ ވަށްކޮށެވެ މިހުންނާނީ ތަންތާނގައި ބެހެއްޓޭ ގޮތަށެވެ
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވައްކެނޑުން
މ ފޮނުވަތުން ތޮރުފާއިރު ވައްކޮށް ރީތިކޮށް ލޯވަޅު ހުންނާނޭހެން ފޫދުއްވައިލުން
ކަވާބު
ނ (1) މަސްކަހައިގެން ހަވާދުލައި މޮޑެގެން ތެލުލައިފައި ހުންނަ ލައިގެންކާއެއްޗެއް (2) މަހާއި ފުށާއި އެއްކޮށްގެން ހަދާ ހެދިކާ އެއްޗެއް މިމުގުންނާއި މިނޫންވެސް މިފަދަ އެއްޗެހިން ހަދައި އުޅެއެވެ
ކަވާބުކުރުން
މ އެއްގަމުމަސް ހަވާދުލައިގެން އުލަށް ޖަހައިގެން ފިހުން
ކަވާޖެހުން
މ ކުރަފަތަކުން ޖަހައި ލޭކޮށައިލުމަށްފަހު އެތާނގެ ހަންގަނޑުގައި ކަވާފުޅި ހިއްޕައި ފުޅީގައި ހުންނަ ލޯވަޅުގައި އަނގަޖަހައި ނުބައިވެފައި ހުންނަ ލެޔާއި ނުބައި މާއްދާތައް ދަމައިގަތުން
ކަމަންދު
ނ ޙަމަލާގައި ތިބޭ މީހުން އެކަކު އަނެކަކުގެ ކަރުގައި އަޅުވައިފައި ދަމައިގަންނާން ގެންގުޅުނު މަޅިއެއް މިއީ ކަނޑި ހަނގުރާމައިގެ ތެރޭގައި ކޮށް އުޅުނު ކަމެކެވެ
ކަމަރާ
ނ (1) ފުރާދުއްވާ އެއްޗެހީގެ ކޮޅުފަސްކޮޅުގައި ފުރާޅު ހަމަޔަށް ހަދައިފައި ހުންނަގެ (2) އޮޑިދޯނި ފަހަރުގައި މީހުން ނިދުމަށާއި ހިޔާވުމަށް ހަތަރެސްކަން ފޮށިގަނޑެއްހެން ހަދައިފައި ހުންނަހިޔާ (3) )ބދ ( އުޅުނބު
ކަމަރު
ނ (1) އުނަގަނޑުގައި އަޅާން ގެންގުޅޭ ބަކަލުގައި އެކި ވަރުވަރަށް ހަމަޖެއްސޭގޮތަށް ހަދައިފައި ހުންނަ ބަންދު (2) އެކިއެކި ބޭނުމަށްޓަކައި މޫނުމަތި އަޅުވައި ނެއްޓޭނޭހެން ހަދައިފައި ހުންނަ ބަންދު މިސާލު: )ހ( އަތުކުރީގަޑީކަމަރު )ށ( ތަންމަތިބަންނަކަމަރު
ކަމީރު
ނ (1) ކުދި ތައްޓަށް އަޅައިގެން ފެނުގެއާވިން ކައްކާ ފޮނިކާއެއްޗެއް. މިހުންނަނީ ހަލުވިދާހެން ބެދިފައެވެ. މިހަދަނީ ހަނޑުލު ފުށާއި ބޯކިރާއި ހަކުރުންނެވެ (2) ބައެއް އެއްޗެހި ހަދާން ތައްޔާރުކުރާ ފުށްގަނޑަށް ރުކުރާ ނުވަތަ ކާށިފެން ފަދަ އެއްޗެހި އަޅައިގެން ކުރާ ރާމާ
ކަމުވޮށި
ނއ (1) މީހުންގެ މެދުގައި ޤަދަރުހުރި (2) ޢިއްޒަތްތެރި
ކަމުވޮށިނުވޮށި
ނ މީހުންގެ މޮޅު ދެރަ
ކަމުވޮށިވުން
މ (1) މީހުންގެ މެދުގައި ޤަދަރުހުރުން (2) ޢިއްޒަތްތެރިވުން