radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ކޮޅުފަހުލަގޮނޑި
ނ މަސްއޮޑިފަހަރުގެ ކޮޅުފަހުގައި ތިލަގަނޑު ޖަހާން ނެރެފައި ހުންނަ ތަން
ކޮޅުފައި
ނ (1) ދަށްފައި (2) ފައިގެ ކުރީކޮޅު ]މިބަސް ކިޔައި އުޅެނީ ފައިގެ އެ ހިސާބުން ކުރާއަމަލަކާ ގުޅުވައިގެންނެވެ މިސާލު: )ހ( ކޮޅުފައިން ޖެހުން )ށ( ކޮޅުފައިލުން
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޮޅުފިލާގޮނޑި
ތެޔޮފޮށިގަނޑުގެ ކޮޅުބިތުގެ ތިންގަނޑުފިލައިން ޖަހައިއުޅުނު ގޮނޑި
ކޮޅުދޮށިންދިނުން
މ މަޖާޒު: މާބޮޑަށް އެއްޗެހި ގޮވުން
ކޮކާބުރުން
މ މަޖާޒު: އެނބުރުން އަރައިގެން ގޮސް ކުލަކުލައިގެ ކުދިކުދި އެތިކޮޅުތަކެއް މޫނު މަތީގައި އެނބުރޭގޮތަށް ލޮލަށް ފެންނަ ގޮތްވުން
ކޮއިރޮއްވި
ނ މަޖާޒު: ޅަދަރިމައިން އިރުއޮއްސޭއިރު އަޅައި އުޅުނު ދުންގަނޑު
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއިމަލާ
ނ ރާއްޖޭގެ ފުރަތަމަ އިސްލާންވެވަޑައިގަތް ކަމަށްބުނާ ރަސްގެފާނަށް އިސްލާންވެ ވަޑައިގަތުމުގެ ކުރީން ކިޔައި އުޅުނު ނަން
ކޮއްބޯވިލާ
ނ )މ.( ފަށަލަ ފަށަލައަށް ބޯކޮށް ހުންނަ ވިލާ މިކަހަލަ ވިލާތަކުގެ ކައިރިފަށް ހުދުވާނެއެވެ މިއީ ވިއްސާރައެއް ގާތްވެއްޖެކަމުގެ ނިޝާނެއް ކަމުގައި ބުނެއެވެ
ކޮއްމަސްބުރި
ނ (1) ހަތަރެސްފައި ނެތް އިންސާނާ (2) ޚިޔާލީ ފުރޭތައެއް މިއީ ހަތަރެސްފައި ކަނޑައިލައިފައި އޮތް ހަށިގަނޑެއްހެން އޮންނަ އެއްޗެއް ކަމަށް ބުނެއުޅެއެވެ (3) މަޖާޒު: މަސައްކަތްނުކުރާ ކަންނެތްމީހާ
ކޮއްތަކާއިހެދުމަކާލިބުން
)ގބ ( މަޖާޒު: (1) ދެރަމީހަކަށް ގެދޮރުހުރި މުއްސަނދި އަންހެނަކާ އިނދެވިގެން ބުނެ އުޅޭ ބަހެއް (2) އެއްކަމަކުން ދެބޭނުމެއް ފުދޭގޮތަށް ދިމާވާ ކަންތަކާ ބެހޭގޮތުން ބުނެއުޅޭ ބަހެއް
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮއްޔަ
ނ (1) )ޅ ( ފިޔަނުފަޅާ ޅަކާޅު (2) )ސ ( ކުއްޖާ
ކޮއްޔާ
ނ )ސ ( ކުއްޖާ
ކޮވެލި
ނ ކާޅާ ވައްތަރު ދޫންޏެއް މީގެ ތުން ކުރުވެފައި ލޯރަތްވާނެއެވެ މީތި ބިސްއަޅާނީ ކާޅު ހާއްޔަށެވެ މީގެ ފިރިހެން އެއްޗެހި ތިބޭނީ ކަޅުކޮންނެވެ އަންހެން އެއްޗެހި ތިބޭނީ ހުދު ތިއްތިއްޖަހާފައެވެ
ކޮމާ
ނ މިފާހަގަ މިއީ ޖުމްލައެއްގެ ތެރޭގައި ކުޑަކޮށް މަޑުކޮށްލަންޖެހޭ ތަންތަން ފާހަގަކުރުމަށް ޖަހާ ނިޝާނެކެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮމިޓީ
ނ ގިނަ ބައެއްގެ ތެރެއިން ވަކި ކަމަކަށް ޚާއްޞަކޮށް ހޮވާ މީހުންކޮޅެއް މިސާލު: ރައްޔިތުންގެ މަޖިލީހުން ބަޖެޓާމެދު ވިސްނާގޮތެއް ކަނޑައެޅުމަށް ކޮމިޓީއެއް ހޮވައިފިއެވެ
ކޮތަރިވިލާ
ނ ބައެއްމަހުގެ ހުޅުނބު ހުނަގޮތަށް ކުރެހުމަކަށް ވާނޭހެން އުޑުމަތީގައި ޖަހައިފައި ހުންނަ ވިލާ