radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ދިޔެ
ނ (1) އަންހެން ދަރިންނަށް ކިޔާނަމެއް (2) އކ އަންހެހުންގެ ނަމުގެ ފަހަތަށް އިތުރުކުރާ އަކުރެއް މިސާލު: އާމިންދިޔެ
ދިޔޯގެރައިވަރު
ނ ޚިޔާލީ އަންހެނެއްގެ މައްޗަށް ހަދައިފައިވާ ވާހަކަ ރައިވަރުތަކެއް މިރައިވަރުތައް ހެއްދެވީ ބަނޑޭރި ޙަސަންމަނިކުފާނެވެ
ދިޔޯގެކުޅި
ނ ދެޖިންސު ބައިވެރިވެގެން ލަވަކިޔައި ނެށުމުގައި ޢައްޔާޝީގޮތްތައް ދައްކާ ކުޅިވަރު
ދީނާރު
ނ (1) ބައެއްޤައުމުތަކުގެ ފައިސާއަށް ކިޔާނަމެއް (2) ޒީނާރު
ދީންވެރިޔާ
ނ އަޅުވެރިޔާ
ދީވާލުޕާ
ނ (1) ކުޑަކުދިން މީހުނާއި ތަތްވެގެން ވަކިނުވެ އުޅެންފެށީމާ ބުނެއުޅޭ ބަހެއް މިސާލު: މީނާއެކޭ ދީވާލުޕާއެކޭ އެއްގޮތެވެ (2) އިންސާނެއްގެ ސިފައިގައި އޮންނަކަމަށް ބުނާ ޚިޔާލީ އެއްޗެއް މީގެ ތިރީބުރި އޮންނަކަމަށް ބުނެވެނީ ވާވެފައެވެ
ދީދި
ނ (1) ބޭފުޅުންގެ ދެވަނަ ދަރަޖަ. މިއީ ފިރިހެން ދަރިކޮޅުން ރަސްކަލަކަށް މުނިކާފާފުޅު ވިދާޅުވާ ބޭފުޅުންގެ ބޭފުޅުންނެވެ. )ރަސްކަލަކަށް ހޫރު ކާފާފުޅު ވިދާޅުވާ ބޭފުޅުން.( (2) އަންހެން ދަރިކޮޅުންނަމަ ރަސްކަލެއްގެ ފިރިހެން ބޭފުޅެއްގެ އަންހެން ބޭފުޅަކަށް ނުވަތަ ރަސްކަލެއްގެ އަންހެން ބޭފުޅަކަށް މާމާފުޅު ވިދާޅުވާ ބޭފުޅުން (3) ދީދީކިޔާ ބޭފުޅުންގެ ބޭފުޅުން
ދުނބުރި
ނ (1) އަނބާވައްތަރުގެ ވަކެއްއަޅާ ފަތްބޮޑު ގަހެއް. މިއީ ގެދޮރު އަޅާއިރު މުޑީގެ ގޮތުގައްޔާއި ބިތްގެތުމަށާއި ފުރާޅު ބަނުމަށް ދަނޑިޔަށް ބޭނުންކުރާ އެއްޗެކެވެ މިއީ ވަރަށް އަވަހަށް ހެދޭ ގަހެކެވެ (2) މިގަހުގައި އަޅާވައް (3) މިގަހުގެ ލަކުޑި
ދުނގެތިވާ
ނ އިހުޒަމާނުގައި ލޮނުޒިޔާރަތް ކޮޅުގައި ދުގެނތި ގަސްތައް ހެދިފައި އޮންނަތަނެއްގެނަން
ދުނި
ނ (1) ހެވިކަމުގެ ގޮތުންނާއި ހަނގުރާމައިގެ ތެރޭގައްޔާއި އެއްގަމު ކެޔޮޅުކަމުގައި ދުނިދަނޑީގެ ބާރުން ފޮނުވާތީރު (2) އައިނުގެ އޮނިގަނޑު ނުވަތަ ފައިކަށި (3) ކުޑައިގެ ފޮތިގަނޑު ހަރުކުރާދުނި ގަނޑުން އެކަތި (4) އަތޮޅުގެ ރަށްތައް އެތުރިފައި ހުންނަ ބޭރުބުރު (5) ވޮއްޑުންޏެއްހެން އޮންނަ ބުރުފަޅި (6) ދެއެއްޗެއްއޭގެ އަމިއްލަޒާތުގައި ކައިރިވިޔަނުދިނުމަށް ނުވަތަ ދުރުވިޔަނުދިނުމަށް ހަރުކޮށްފައި ހުންނަ ނަރުކޮޅު ނުވަތަ އެތިކޮޅު (7) ގުޑީގެ އޮނިގަނޑުން ބައެއް
ދުނިރުވުން
މ (1) ދުނިދަނޑީގެ ވަރައިގައި ދުނިއެޅުން (2) ދުނިފޮނުވައިލުމަށް ތައްޔާރުކުރުން
ދުނިބައި
ނ (1) ކާރު ލޮރީފަދަ ތަކެތީގެ ފުރޮޅު ހަރުކޮށްފައި ހުންނަބަޔާއި މައިގަނޑާދެމެދުގެ ހެލުން ކޮންޓްރޯލް ކުރުމަށް ދަގަނޑުން ހަދައިފައި ހުންނަ ފޮތިބައި (2) ކުޑައިގެ ފޮތިގަނޑު ހަރުކުރަން ހުންނަ ދުނިތައް
ދުނިދަނޑި
ނ ޝިކާރަކުރުމަށާއި ހަނގުރާމަ ކުރުމަށް ބޭނުންކުރާ ހަތިޔާރެއް
ދުނިގަނޑު
ނ (1) ގުޑި ނުވަތަ ތެލަނގަ ފަދަތަކެތި ހެދުމުގައި ތައްޔާރު ކުރެވޭ އޮނިގަނޑު (2) އައިނުގެ ފުރޭމު (3) ދުނިކީހުގެ ތިލަ ހަރުކޮށްފައި ހުންނަބައި (4) ކުޑައިގެ ދުނިބައި
ދުނިޔެ
ނ (1) އިންސާނުންނާއި އެންމެހާ ދިރޭތަކެތި އުޅޭ ބިމާއިކަނޑާއި ވައި ހިމެނޭތަން މަޖާޒު: (2) އެކަމެއްގެ ޙަރަކާތްތަކާއި މަސައްކަތްތައް ހިނގާ ދާއިރާ ނުވަތަ ހިސާބު މިސާލު: ޅެންވެރިންގެ ދުނިޔެ (3) ޚިޔާލުކުރާ ނުވަތަ އުއްމީދުކުރާ ކަމެއްގެ ދާއިރާ މިސާލު: އޭނާއުޅެނީ ޚިޔާލީ ދުނިޔެއެއްގައެވެ
)މުސްކުޅިބަހެއް( ދިރިއުޅުމުގައި ދިމާވާނީ އުފާލައި ހިތާމަޔާ ނުވަތަ ތަނަވަސްކަމާއި ފަގީރުކަން ކަންބަޔާންކުރުމުގެ ގޮތުން ބުނެއުޅޭ ބަހެއް ދުނިޔެހިނގަނީއެއްވަތުދަށުން އަނެއްވަތުމަތިންނެވެ
ދުނިޔެނިމުން
މ (1) ދުނިޔެ ނެތިދިއުން (2) ދުނިޔެ ޤިޔާމަތްވުން
ދުނިޔެދޫކުރުން
މ މަރުވުން މިބަހަށް ރީތިބަހުން ކިޔާގޮތް
ދުނިޔެތަނަވަސްވުން
މ މަޖާޒު: އަތްމަތިތިޔާގިވުން (2) މުދާގިނަވުން
ދުނިޔޭގެ ހަތަރުބިތް
ނ ދުނިޔޭގެ އުތުރާއި ދެކުނާއި އިރުމައްޗާއި ހުޅަނގާއި މިހަތަރު ފަރާތަށް ކިޔާގޮތް