radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ބަޑިދަނޑިއެޅުން
މ (1) ބަޑިދަނޑީން އެއްޗެއް އޮބެހެއްޓުން (2) މަޖާޒު: މީހަކު ނުވަތަ ބަޔަކުލައްވާ ގަދަކަމުން ކަމެއް ކުރުވުން
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބަޑިތެޅުން
މ (1) ބަޑިތަކެއްޖެހުން (2) ދިގުދަލަށް މަސްލެވުން ފަދަ ބޭނުމަކަށްޓަކައި ފެންގަނޑުގައި ދަނޑިން ނުވަތަ އަތުން ތެޅުން (3) ފޮތިގަނޑެއް އަޑުގޮވާ ގޮތަށް ވަޔާ ތެޅުން (4) ހިނގޭ ގޮތަކުން އަނދެގެން ހުންނަ އެއްޗަކުން އަޑު ގޮވުން (5) މަޖާޒު: މީހަކާ ދިމާޔަށް ވަރު އަރުވައިގަތުން
ބަޑިލުން
މ (1) ފިހިގެން ފޮޅުނެގުން (2) ތެލުލާ އެއްޗެހީގައި ބޮކި އުފެދުން (3) ލޭފެން ނުބައިވެގެން ހަށިގަނޑުގެ ހަމާ މަހާދެމެދަށް ފެން ނުވަތަ ދޮސް ފަދައެއްޗެއް އަރައި ފުއްޕުމަކާއެކު ތަންތަން އުފުލުން
ބަޑިގޮވުން
މ (1) އެތެރޭގައި ހޮއިހެދިފައިވާ އެއްޗެއް ނުވަތަ ވައިވަދެފައިވާ އެއްޗެއް ފަޅައިގެންގޮސް އަޑުއިވުން (2) މީހަކު ކުރިކަމަކާ ނުލައި ބަޑިޔެއްގޮވުން
ބަޑިޖެހުން
މ (1) ބަޑިގޮއްވުން (2) ބައެއްތަކެތި އަނދަމުންދާއިރު އަޑުގޮވުން (3) ފޮށާފަދަ ތަކެތި ފޮޅާލައިގެން އަޑުގޮއްވުން (4) ފަންތޮށިގަނޑުކުން ނުވަތަ އެހެންވެސް އެއްޗަކުން ތަނެއްގައި އަޑުގޮވާނޭ ހެން ޖެހުން (5) މަޖާޒު: ރުޅިއައިސްގެން އެއްޗެހި ގޮވައިގަތުން (6) ބައެއް އެއްޗެހި ތެލުލައި ހަނާކުރަމުންދާއިރު ފަޅައިގެން ދާއަޑު ގޮވުން
ބަޑީލާ
ނ ބަޑިޔަށް ބޭސްގަންނަވަން ގެންގުޅޭ ހިމަ ދަގަނޑެއް މިއޮންނާނީ އެއްކޮޅަށް ފަލަކޮށެވެ
ބަޑެވަރެ
ނ )ގ ( ބަނޑަވަރު
ބަޑެގިރި
ނ )ތ ( އެންމެ ޅަމެކުނަށްވުރެ ތަންކޮޅެއް ބޮޑެތިމެކުނު
ބަޑޮ
ނ )ޏ ( ކެޔޮގަހުގެ ގަސްގަނޑު
ބަޑޮރިހުން
މ )ޏ ( ބަނޑުގައި ރިހުން
ބަޒަބާޒު
ނ ތަކޫވަކުގެ ބޭރުގައި އޮންނަދާގަނޑު މިއީ މަތިކަރާބޭހުގެ ބާވަތެކެވެ
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބަޓޭލި
ނ ދަގަނޑު އައްޕަތް
ބަޔާހި
ނ 28 އައްޑިހަ ދޭއް
ބަޔާނާ ދިނުން
މ (1) ވިޔަފާރި ކަނޑައަޅައިފައިވާ އަގުން ބައެއްދިނުން (2) އިންނަމަތިން އަންހެނަކަށް އެއްޗެއްދިނުން
ބަޖިޔާ
ނ ތިނެސްކަން ހުންނަ ލޮނު ހެދިކާ އެއްޗެއް މިހަދަނީ ގޮދަން ފުށުން ރޮށިދަމައި ކުޑަކޮށް އަލިފާނުގެ ހޫނުން ހިއްކާލައި ރޮށިހަތަރު ބަޔަށްބައިކޮށް މިއިން ކޮންމެ ބަޔަކުން ތިންކަނަށް ވާގޮތަށް ގޮށްޓެއް ތައްޔާރުކޮށް އެގޮށްޓަށް ގިލެތުގައި ރޯފިލުވައިފައި ހުރިމަހުން މަސްއަޅައި ބަންދުކުރުމަށް ފަހު ތެލުލައިގެންނެވެ މިފިހެފައިވެސް ހުރެއެވެ
ބަޖެޓް
ނ ކަނޑައެޅޭ މުއްދަތެއްގެ ތެރޭގައި ލިބޭނެކަމަށް ލަފާކުރަ އާމްދަނީއާއި ހިނގާނެކަމަށް ލަފާކުރާ ޚަރަދުގެ ހިސާބު
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބަޙުރުކިޔެވެލި
ނ (1) ޚިޒުބުލް ބަޙުރު (2) ބަޙުރު ދުޢާ (3) ކަނޑަށް ފާލަން އަޅައިގެން ކިޔަވާ ކިޔެވެލި