radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ލޯމުޑުދާސް
ނ މުޑުދާހުގެ ބާވަތެއް މިހުންނާނީ ލޯ ކުލައިގައެވެ
ލޯފެޅުން
މ (1) ޅަބުޅަލާއި މީދާފަދަ ތަކެތި ލޯހުޅުވި ފެންނަވަރުވުން (2) ލޯ އޮޕަރޭޝަން ކުރުން
ލޯދަމަދަމާއިނުން
މ މަޖާޒު: ނިދި އައިސްގެން ނުނިދާ ހިތްވަރުކޮށްފައި އިނުން
ގަހުވަ
ނ (1) ބުންމުގުރައިގެން ހަދާ އެއްޗެއް (2) ކޮފީ
ގަނބައިގަތުން
މ (1) ކިސަޑު ހުންނަ ތަނެއްގައި ނުވަތަ ފަސްމަޑު ތަނެއްގައި ފައި އެޅުމުން އަޑިޔަށްދާގޮތްވުން (2) ފަސްމަޑު ތަނެއްގައި ހުންނަ އިމާރާތެއް ނުވަތަ މަޑުތަނެއްގެ މަތީގައި ބަރުއެއްޗެއް ބޭއްވުމުން އަޑިއަށްދާގޮތްވުން
ގަނބާތަން
ނ (1) އެތަނަކަށް އެރުމުން އަޑިޔަށްދާތަންތަން މިސާލު: ކަނޑޫފާ (2) އެއްގަމުގައި ނުވަތަ މޫދުގައިވިޔަސް ބޮޑަށް ކިސަޑު ހެދިފައި ހުންނަ ތަންތަން
ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ގަނޑުކޮށްނެގުން
މ ވިޔަފާރި މުދާ އެއްފަހަރާ ގިނަ އަދަދަކަށް ގަތުން
ގަނޑުކޮށްވިއްކުން
މ ވިޔަފާރި މުދާތަކެއް އެއްފަހަރާ ގިނަ އަދަދަކަށް ވިއްކުން
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ގަނޑުދޮށުލުން
މ ގަނޑުފިއްލާ ކުޅޭއިރު ގަނޑަށް ހަދާ މީހާގެ ގައިމަތީގައި ބާލީސް ފަދަ ތަކެތި ބަހައްޓައި ފޮތިގަނޑެއް ފަދައެއްޗަކުން ނިވާ ކުރުން
ގަނޑުގަތުން
މ (1) ދިޔާ އެއްޗެއް ގަނޑުވުން މަޖާޒު: (2) ކަމަކަށް ނުވާ ކަހަލަ ކަންތައް ކުރުން (3) އަގެއް ނުހުންނަ ގޮތަށް މަސައްކަތެއް ކުރުން (4) ވިޔާ ނުދާ ކަންތައް ކުރުން
ގަނެވިއްކުން
މ (1) ވިޔަފާރި ކުރުން (2) ތަކެތި ގަނެފައި ފައިދާ ލައިފައި އަނެއް ފަރާތަކަށް ދޫކުރުން
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަންނާކުރައްވާ
ކއ ބިރާއި ލަދާއި މިދެމަޢުނަވީ ސިފަބޮޑުކަން ދެއްކުމުގެ ގޮތުން ބުނެއުޅޭގޮތެއް މިސާލު: ގަންނާ ކުރައްވާ ލަދުން
ގަންދައިލުން
މ ގުންދާލުން މިއީ ދަށްބަހުރުވައިގައި ބޭނުންކުރާ ބަހެކެވެ
ގަރަހިތަހަނދާން
ނ މަޖާޒު: (1) ކުއްލިއަކަށް ކަމެއް ހަނދާން ނެތިއްޖޭ ބުނުމުން ބުނެއުޅޭބަހެއް (2) ހަނދާން ބަލިމީހުންގެ ހަނދާނާމެދު ބުނެއުޅޭ ބަހެއް
ގަރަނބުހުކުރަށްދާހެން
ގބ )މިސާލުބަހެއް( ދާންއުޅޭތާކަށް މާކުރިންދާން ނިކުތުމުން ބުނެއުޅޭ ބަހެއް
ގަރަންމަސާލަ
ނ ރިހަކައްކާއިރު ނުވަތަ ބައެއް އެހެން ތަކެތި ހަދާއިރު މީރުކުރަން އަޅާ ހަވާދެއް
ގަރަޑަމާ
ނ (1) ނުބައިވަހެއްދުވާ ކިލާކުލައިގައި ކިސުޑިގޮތަށް ހުންނަ މަލެއް އާއްމުގޮތެއްގައި މީގެގަސް ހުންނަނީ ރަށްރަށުގެ ވަލުތެރޭގައެވެ (2) މަޖާޒު: މީހަކު ނުވަތަ އެއްޗެއް ކަމުނުދާކަން ދެއްކުމަށް ނުވަތަ ދެރަކޮށްލުމަށް ބުނެއުޅޭބަހެއް މިސާލު: ހައްތާވެސް ގަރަޑަމަލެވެ