radheef.info
ރަދީފު


ޑާޓު
ނ (1) ނަންބަރު ޖަހައިފައިވާ ވަށް ބޯޑަކަށް ފަތްލީ ކުދިކުދި ތީރުތަކެއް ޖަހައިގެން ކުޅޭ ކުޅިވަރެއް (2) މި ކުޅިވަރުގައި ގެންގުޅޭ ކުދިކުދި ތީރު
ޑާޓުބޯޑު
ނ ޑާޓުކުޅޭއިރު ބޭނުންކުރާ ވަށްބޯޑެއް
ޑިނގާ
ނ ކުޅިކުޅީ ގައްޔާއި އޮއިދެމުން ކުޑަ ކިސަޑުގޮނިތަކުގައި އުޅޭ މަސްކާ އެއްޗެއް މި ވައްތަރުވާނީ ނައިޔާއެވެ
ޑިގު
ނ ތާސްބައިން ކުޅޭ ކުޅިވަރެއް. މި ކުޅިވަރު ކުޅޭގޮތަކީ ވަކި ހަމައެއްގެ މަތިން ތިންގަނޑު ތިންގަނޑުން ދެ އަތްބައި ހަމަކުރުމަށްފަހު ހަތަރުގަނޑުން ތިންވަނަ އަތްބައި ހަމަކޮށް އިތުރަށް އޮންނަގަނޑު ބަންޑުން ޖަހާނީއެވެ
ޑިގުކިޔުން
މ ޑިގު ކުޅޭއިރު އަތްބައި ހަމަވީމާ "ޑިގު" މިހެން ކިޔައި އިތުރަށް އޮންނަގަނޑު ބަންޑުން ޖެހުން
ޑިޕްލޮމޭޓު
ނ (1) ބައިނަލް އަޤްވާމީ ގުޅުންތަކާ ބެހޭ މަސައްކަތުގައި އުޅޭ މީހާ. (2) ބޭރު ޤައުމަކަށް ނުވަތަ ބޭރު ޤައުމަކުން ހުށަހަޅައިފައިވާ ސަފީރު (3) ޑިޕްލޮމެޓިކް އިމްތިޔާޒު ލިބިފައިވާ މީހާ
ޑުރަމުސެޓު
ނ ބޭންޑާއި މިޔުޒިކް ގްރޫޕްތަކުގައި ގެންގުޅޭ ބެރުގެ ތަފާތު ބޮޑުމިނުގެ ބެރުތައް
ޒަންބިޔާ
ނ ގެރިއާއި ޖަމަލުފަދަ ތަކެތި ކަތިލަން ގެންގުޅޭ ބޮޑެތިވަޅި
ޒައިލަފޯން
ނ ދަނޑިކޮޅަކުން އެކި އަޑުގައި ތެޅުމުން މިޔުޒިކްގެ ހަމަ ނެރެވޭ ގޮތަށް ހަދައިފައި ހުންނަ މިޔުޒިކް ކުޅޭ އެއްޗެއް މީގެ އަޑުތައް ހުންނަނީ އެކި ބޮޑުމިނަށް ބުރިކޮށްފައި ލަކުޑި ކޮޅުތަކަކުންނެވެ ބައެއް ފަހަރަށް މަޢުދަނަކުންވެސް ހަދައިފައިހުރެއެވެ
ޓުކުރި
ނ އެތެރެއަށް އެއްޗެހި އެޅޭގޮތަށް ވިޔެފައި ނުވަތަ ގަތައިފައި ހުންނަ ވަށިގަނޑުފާޑު އެއްޗެއް މިޒަމާނުގައި ވިޔެފައި ހުންނަ ގޮތަށް ރަބަރުން ނުވަނަ ޕްލާސްޓިކުންވެސް ހަދައިފައި ހުރެއެވެ
ޓުވަރިޒަމް
ނ ހިތްއުފާކުރުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާ މީހުންގެ ކަންތައް އިންތިޒާމްކޮށް ބެލެހެއްޓުމާއި އެކަމާގުޅޭ ގޮތުން ކޮށްފައި ހުންނަ ތައްޔާރުތައް
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޓެކްނިކަލް
ނއ (1) ވަކި ޚާއްޞަ ފަންނެއްގެ ނުވަތަ މަސައްކަތެއްގެ ޢިލްމާ ގުޅޭ (2) މަސައްކަތެއްގެ ފާޑުވެރިކަމާގުޅޭ
ޔަހޫދީ
ނއ (1) މޫސާގެފާނުގެ ޤައުމަށް ނިސްބަތްވާ (2) އިސްރާއީލަށް ނިސްބަތްވާ (3) މަކަރާއިހީލަތް ހަދައި އުޅޭމީހެއް
ޔާއިދަރޯސް
ގބ )ގ ޏ ( ކަނޑުދަތުރުކުރާ އުޅަނދުފަހަރު ގަދައިގައި ދަތުރު ކުރާއިރު ރާޅާ އަޅައިފައި ދުއްވައި ގަތުމުން ހުންގާނުގައި ހުންނަ މީހާއަށް ހުންގާނަށް ސަމާލުވުމަށް އެންގުމުގެ ގޮތުން ބުނެއުޅޭ ބަހެއް
ޔޯޔޯ
ނ ކުޑަކުދިން ކުޅޭއެއްޗެއް މިއީ ވަށްކޮށް ފަތާކޮށްހުންނަ އެއްޗެއްކެވެ މީގެ އަރިމަތީގައި ވަށައިގެން ކަނޑައިފައި ހުންނަތަނަށް އޮޅައިލެވޭގޮތަށް އެތާނގައި ރޮދިފަށެއް ހަރުކޮށްފައި ހުރެއެވެ
ޕަރީ
ނ (1) ޚިޔާލީ ވާހަކައިގައި އުޅޭ އަންހެން ޖިންނި (2) މަޖާޒު: އާދަޔާ ޚިލާފަށް ރީތި އަންހެންކުއްޖާ
ޕިންޕޮން
ނ މޭޒެއްގެމަތީގައި ހުރަހަށް ދާގަނޑެއް ދަމައިގެން ލުއި ޕުލާސްޓިކު ބޯޅައަކުން ކުޅޭ ކުޅިވަރެއް
ޕިޔާނާ
ނ މިޔުޒިކް ކުޅޭ އާލަތެއް މިހުންނަނީ ހަރުމުނިޔާ ވައްތަރަށް ފިތް ލައިފައެވެ
ޕިޔޯނު
ނ ފޮޅާސާފުކުރުމާއި ސިޓީ ބެހުންފަދަ މަސައްކަތުގައި އުޅޭމީހާ