radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ތަރަތަރަލުން
މ (1) ކެކިއެރުން (2) އަލީގެސަބަބުން ނުވަތަ ދަޅައެޅިފައި ހުރުމުގެ ސަބަބުން ލޮލަށް އުނދަގޫވުން (3) ރުޅިއައިސްގެން ހަޅޭއްފަޅޭއްލުން
ތަރާވީސް
ނ (1) ރަމަޟާންމަހުގެ ޢިޝާނަމާދުގެ ފަހުގައި ކުރަންއޮންނަ ސުންނަތް ނަމާދެއް (2) ތަރާވީސް ދަމުގައި ކާކެއުމެއް ނުވަތަ ބޯ ބުއިމެއް
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަރިއޮއްސުން
މ (1) ގިނިހިލައިގައި ރޯވެގެންގޮސް ހުލިވުން (2) ތަރިނިވުން މަޖާޒު: (3) ކަމަކަށް މަޝްހޫރުމީހަކު މަރުވުން (4) މަޝްހޫރުކަން ދިއުން ނުވަތަ ލިބިލިބިހުރި ރަނގަޅެއް ހުއްޓުމަކަށް އައުން (5) ނަސީބުދަށަށް ދިއުން
ތަރުބިޔަތު
ނ (1) ރަނގަޅު ގޮތްތަކަށް ހާނުވައި ބޮޑުކުރާ ބޮޑުކުރުން (2) އަށަގެންފައިވާ ރީތި އަޚްލާޤާއި މާތްސިފަތައް (3) ގެންގުޅެ ބޮޑުކުރާގޮތް
ތަރުބިޔަތުކުރުން
މ (1) ގެންގުޅެ ބޮޑުކުރުން (2) ރަނގަޅުގޮތް ތަކަށް ހާނުވައި ބޮޑުކުރުން (3) ރީތިއަޚުލާޤާއި މާތް ސިފަތައް އަށަގެންނެވުން
ތަރުކާރީތެޔޮ
ނ ގަސްގަހުގެ ބައިތަކުން ނުވަތަ ގަހުން ލިބޭ ބާވަތްތަކުން އުފައްދާ ތެޔޮ
ތަރުމޯޒު
ނ ހޫނުފެން ނުވަތަ ފިނިކޮށްފައި ހުންނަފެން އަޅަން ހަދައިފައި ހުންނަފުޅިއެއް މިފުޅީގެ އެތެރޭގައި ހުންނާނީ ރަހަލާފައެވެ މިފުޅިރައްކާތެރި ކުރުމަށްޓަކައި ބޭރުގައި ޕުލާސްޓިކު ނުވަތަ މައުދަނީ ދޮށިގަނޑެއްހުރެއެވެ
ތަރުތީބުވުން
މ ވަކިޤަވާޢިދަކަށް ނުވަތަ ވަކިހަމައަކަށް އިންތިޒާމުވުން
ތަރުޖަމާ
ނ އެއްބަހަކުން ލިޔެފައި އޮންނަ އެއްޗެއް ނުވަތަ ދައްކާ ވާހަކައެއް އަނެއް ބަހަކަށް ކުރާ ބަދަލު
ތަރުޖަމާނު
ނ (1) ތަރުޖަމާކުރާމީހާ (2) ރަސްމީ ދާއިރާއަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްސީލު ދޭން ހުންނަމީހާ
ތަރުޖަމާނުން
މ (1) އެއްބަހަކުން ލިޔެފައި ހުންނަ އެއްޗެއް އަނެއް ބަހަކަށް ބަދަލުކުރާ މީހުންނާއި އެއްބަހަކުން ދައްކާ ވާހަކަ އަނެއް ބަހަކަށް ބަދަލު ކުރާމީހުން (2) ރަސްމީދާއިރާ އަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްޞީލުދޭން ތިބޭމީހުން
ތަރުޖަމާކުރުން
މ އެއްބަހަކުން ލިއެފައި ހުންނަ އެއްޗެހި ނުވަތަ ދައްކާ ވާހަކަ އަނެއްބަހަކަށް ބަދަލުކުރުން
ތަޅަ
ނ (1) )ލ ސ ( ތަޅު (2) )ހ ( ލޯވަޅު ނުވަތަ ގޮޅިހުންނަ ގޮތަށް ވިޔެފައިހުންނަ ތަކެތީގައި ހުންނަ ލޯވަޅު ނުވަތަގޮޅި
ތަޅައިބުރުއްސުން
މ (1) ކުކުޅުހާފަދަ ތަކެތިގޭދޮށަށް ނާންނަގޮތަށް ފައްސައި ދުރަށްލުން (2) މަޖާޒު: ވަކިހަމައެއްނެތި ބޭކާރުގޮތުއި ފައިސާ ނުވަތަ މުދާ ހޭދަކުރަމުން ގެންދިއުން (3) އެއްވެފައިވާ މީހުންތަކެއް ވިއްސިވިހާލިކުރުން
ތަޅައިފިސްކުރުން
މ )ހ ( އެއްޗެއް ފުނޑުފުނޑު ވާންދެން ނުވަތަ ކުދިކުދިވާންދެން ތެޅުން
ތަޅައިފޮޅުން
މ ރުޅިއައިސްގެން އެކަކު އަނެކެއްގެ ނުވަތަ އެއްބަޔަކު އަނެއްބައެއްގެ ގަޔަށް އަތްލުން
ތަޅައިގެންދިއުން
މ މުށި ނުވަތަ ބިއްލޫރިން ހަދައިފައިވާ ތަކެތި ކުދިކުދިވުން ގަދަކުރުމަށް ބުނާގޮތް
ތަޅާލުން
މ (1) ފުނޑުފުނޑުވާގޮތަށް މުގުރޭގޮތަށް ހުރިއެއްޗެއް ނުވަތަ ތަނެއްހަލާކުކޮށްލުން (2) މީހަކަށް ވަރަށް ބޮޑަށް ހާނީއްކަކުރުން (3) މަޖާޒު: އަންހެނަކާ ނަހަމަގޮތުން ޖިންސީގުޅުން ހިންގުން
ތަޅު
ނ (1) ނަންބަރު ދިމާކޮށްގެން ނުވަގަ ތަޅުދަނޑިފަދަ އެއްޗަކުން ހުޅުވޭގޮތަށް ދޮރާއި ފޮށިފަދަ އެއްޗެހީގައި ހަރުކޮށްފައި ނުވަތަ ލައިފައި ހުންނަ އެއްޗެއް (2) ލަކުޑިފަދަ އެއްޗެހީގައި މަކުޑިކަނޑައިގެން ތަޅުލެވޭގޮތަށް ތައްޔާރުކުރާ ތައްޔާރުކުރުން