radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ދުރޯ
ނ (1) ހަނގުބޭކަލުންނާ ހަމައިންފެށިގެން މަތީފެންވަރުގެ މީހެއްގެ އަބުރާ ބެހުމުންނަގައި އުޅުނުލާރި މިގޮތަށް ނަގާނީ ދުއިސައްތަ އައްޑިހަލާރިއެވެ (2) ދެދޮރާށި ދޭތެރޭ ނުވަތަ ގުޅަކުޅޭ ފަސްގަނޑުގައި ފައިދޮށް ޖައްސަވައިގެން ހަނގުބޭކަލުން އެއްޗެއް ބައްސަވަން ތިއްބަވާ އިރު ކަމާނުބެހޭ މީހަކު އެއިން ތަނަކަށް ވަދެއްޖެނަމަ ދޭންޖެހޭއާދަ މިގޮތަށް ނަގައި އުޅުނީ އަށްލާރިއެވެ
ދުކުން
ނ ގޮވާމުގެ ބާވަތެއް މީގެ ކުރާތައް ހުންނާނީ ރަތްވައްތަރެއްގެ ކުލައެއްގައެވެ
ދުއްލިސާ
ނ އިހުގައި ގެންގުޅުނު ތެޔޮއަޅައިފައި ފުއްލައިގެން ދިއްލަން ހަދައިފައި ހުންނަބައްތިއެއް މިބައްތީގެ ދިއްލާބައި ހަދައިފައި ހުންނަނީ އުސްކޮށް ތިރިކޮށް ހެދޭގޮތަށެވެ
ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ދުވަނިތެޔޮ
ނ ދުވަނީގެ ފަރުވާއަކަށް ހަދައިފައި ހުންނަ ތެޔޮ
ދުވަސްދުއްވާލުން
މ މަޖާޒު: (1) މީހަކަށް އާދަޔާ ޚިލާފަށް ހާނީއްކަ ކުރުން (2) މީހެއްގެ ދިރިއުޅުން ގެއްލޭ ފަދަ ކެއްސެއް ދިނުން (3) ބޭނުންނުކުރެވޭ ވަރަށް ހަލާކުކޮށްލުން
ދޫހިމެރި
ނ ވެލަށްދުވާ ފިލާވެއްޔެއް މީގެފަތް ހުންނާނީ އެއްތަނޑުގައި ތިންފަތް ހުންނަގޮތަށެވެ
ދޫހިމޭންކުރުން
މ (1) އަނގަ ހިމޭނުންލައިގެން އިނުން (2) ކޮންމެހެން ބުނަންޖެހޭ ބަހެއްނޫނީ ނުބުނުން
ދޫނިފަތް
ނ (1) ވެވުގެ އެތެރޭގައި ފެނާހަމައިގައި ވަށައިގެން އޮންނަގާ (2) ދޫނީގެ ފަތް
ދޫނިފުށް
ނ (1) ދޫނީގައި ހުންނަ ފުށްފަތް (2) ދޫނީގައި ހުންނަމަޑުމަޑު އޮމާން ފަތް (3) ފުށްގުޑި
ދޫނިސޫފާސޫފި
ނ ދޫނީގެ ހުރިހާ ބާވަތެއް
ދޫކަމެއްނުޖެހޭނެ
މަޖާޒު: (1) އެއްކަމަކަށްވުރެ ބޮޑު އަނެއްކަމެއް ޖެހުނީމާ ބުނެއުޅޭ ބަހެއް (2) އުނދަގޫކަމަކާ ކުރިމަތިލާންޖެހުނީމާ ބުނެއުޅޭ ބަހެއް
ދޫކުރުން
މ (1) ބަންދެއްގައިވާ މީހަކު މިނިވަންކުރުން (2) ވީއްލުން މިސާލު: ވީއްލުން (3) ކަމަކުން އެއްކިބާވުން މިސާލު: ދުންފަތުގެ އިސްތިޢުމާލު ކުރުން ހުއްޓާލުން (4) ދިނުން މިސާލު: ޕާސްޕޯޓް ދޫކުރުން (5) އަތުގެ ތެރެއިން ފިރުއްކުން މިސާލު: ނަނު ދޫކުރުން (6) ލުޔެއްދިނުން (7) ވާންކަން ކަނޑުވައިލުން (8) ހިފެހެއްޓުމުގެ އިދިކޮޅު (9) ދެކޮޅު ނެހެދުން މިސާލު: ކަލޭ ޖެހޭނީ ބޮޑެތި މީހުންނަށް ދޫކުރާށެވެ
ދެށަ
ނ )ސ.( ދޫނިހިފަން ގެންގުޅޭ އެއްޗެއް. މިއޮންނަނީ މަސްބާނާ ދޮށިކަހަލަ އެއަށްވުރެ ކުރު ދަނޑިގަނޑެއްގެ ކޮޅުގައި ވާފަށެއްޖަހައި އެވާފަށުގެ ކޮޅުގައި ކުޑަލަކުޑިކޮޅެއް އައްސައިފައެވެ
ދެބަރުއުފުލުން
މ ބޮޑުބުރައެއް އުފުލަންޖެހިފައި އޮއްވައި އެފަދަ އެހެން ބުރައެއް އުފުލަން ޖެހުން މިހެން ބުނެއުޅެނީ ތިމާގެ ކުޑަކުއްޖަކު އޮއްވައި އެހެން މީހެއްގެ ކުޑަކުއްޖަކު ބަލަން ޖެހުމުންނެވެ
ދެކުނުފަރާތްހުހަށްއޮތުން
މަޖާޒު: ފިރިހެނަކު މީހަކާ ނީނދެ ހުސްހަށިބަޔަށް ހުރުން
ދެކޮޅުނުޖެހުން
މ (1) ލިބޭ އާމްދަނީއަކުން ހަމަނުޖެހުން (2) ބުނާއެއްޗިއްސާ ކުރާކަންތަކާ ދިމާނުވުން
ދެކޮޅުނުޖެހޭކަން
ނއނ (1) ލިބޭ އާމްދަނީއަކުން ހަމަނުޖެހޭކަން (2) އުޅުމުގައި ގޮތެއްނެތްކަން (3) ބުނާއެއްޗިއްސާއި ކުރާކަންތަކާ ދިމާނުވާކަން
ދެވުން
މ (1) ކައިވެނިކުރުވުން ނުވަތަ ކޮށްދިނުން (2) އަލިފާނުގެ ހޫނުން ހަނާކުރުން (3) ދިއުން މިބަސް އިޚްތިޔާރަކާނުލައި ކުރެވުނީމާ ބުނާގޮތް (4) ގާ ނުވަތަ އަކިރި އަންދައި އުވަޔަށް ހެދުން
ދެފަށްހުޅި
ނ ހުޅިޖަހާއިރު އިސްތަށިގަނޑު އޮޅައިލުމަށް ފޮތިން ހަދައިފައި އޮންނަ އެއްޗެއް މިއީ ގާތްގަނޑަކަށް ހަތަރު އިންޗި ފުޅާމިނުގެ ހަނިދިގު ފޮތިކޮޅެއް ބާރަށް އޮޅައިލައިގެން ހަދައިފައި އޮންނަ އެއްޗެކެވެ މިގޮތަށް ހުޅިޖަހަނީ އިސްތަށިގަނޑު ކުރުވީމައެވެ