radheef.info
ރަދީފު


ގަން
ނ (1) ރަށް (2) ރާއްޖޭގެ ބައެއް ރަށްރަށަށް ކިޔާނަމެއް މިސާލު: ހުވަދު އަތޮޅުގަން
ފެންޕަމްޕު
ނ އެއްޗަކުން ފެންނަގަން ނުވަތަ އެކަތިން އަނެކައްޗަށް ފެން ބަދަލުކުރުމަށް ބޭނުންކުރާ އާލަތެއް
ފޭރޭމީހާ
ނ ހަމައެއް އިންސާފެއް ނުވަތަ ޙައްޤެއްނެތި އަނެކެއްގެ މުދަލެއް ނުވަތަ އެއްޗެއް އަތުލައި ގަންނަ މީހާ
ފޮނުކެނޑުން
މ (1) ރާތަރާފަތް ކެކިގަންނައިރު އަރާފޮނުގަނޑު ރާފޮންޏަށްވާން ފެށުމުން މައިތިރިވެ އެފޮނިގަނޑު ހިނދުން (2) ފޮނުހިނދުން
ފޮނުފޮޅުވުން
މ ބައެއްކަހަލަ އެއްޗެއް ފަހުން ކެއްކުމަށް ބަހައްޓާއިރު ނުބައި ނުވާ ވަރަށް ކައްކާލުމަށްޓަކައި ކެކިގަންނަވަރަށް ކައްކައިލުން
ފޮޅިދަނޑިގަނޑު
ނ ފޮޅި ފިހާއިރު ފޮޅިނަގަން ގެންގުޅޭ އެއްޗެއް މި އޮންނާނީ ދޭފަތާ ވައްތަރު ގޮތަކަށް ތަންކޮޅެއް ފުޅާކޮށެވެ މީގެ ކުރީ ކޮޅު ހުންނާނީ ލެބޭ ވަރަށް ތުނިކޮށެވެ
ފޮޓޯފޮށި
ނ ފޮޓޯ ނަގަން ބޭނުންކުރާ ކެމެރާ
)އެކަތި( ފޯއްކިބަ
ނ ފޯއް ގަންނަ ރުކުގެ ވަކެއް
ދަނޑިފައި
ނ ދަނޑިއެއްގައި ހުރަހަށް ދަނޑިކޮޅެއް ބަނދެގެން ކުޅިވަރަށް ހިނގަން ބޭނުންކުރާ އެއްޗެއް. މީގައި ހިނގާއިރު ބޭނުންކުރަނީ ދެފަޔަށް ދެދަނޑިއެވެ. މިހުންނާނީ ފައިގެ ބޮޑުވާ އިނގިއްޔާއި ޝަހާދަތް އިނގިއްޔާ ދޭތެރެއަށްލައްވައިފައެވެ މިއެކި އުސްމިނުގައި ހިނގޭގޮތަށް ހަދައެވެ
ދަނޑިޔާދިއުން
މ އަތޮޅު އަތޮޅަށް ވާރުބޮލިނަގަން ދިއުން. މިކަމަށް ދަނޑިޔާދިއުމޭ ކިޔަނީ ސަރުކާރުން މިކަމަށް ފޮނުއްވާ ބަންޑާރަވެރިންނަށް ލާޖަހައިފައި އޮންނަ ދަނޑިޔެއް ދެއްވައިފައި ފޮނުއްވާތީއެވެ
ދަބަރުބަލި
ނ ގަސްގަހަށްޖެހޭ ބައްޔެއް. އާއްމުގޮތެއްގައި މިބަލި ޖެހެނީ ލުނބޯގަހަށާއި ލުނބޯ އާއިލާގެ ގަސްގަހަށެވެ މިބަލިޖެހެނީ ގަހުގެމޭވާއާއި ގަހުގެ ފަތްތަކަށާއި ގަސްގަނޑަށެވެ މިބަލިހުންނަގޮތަކީ ކުޑަކޮށް އުފުލިފައި ދަބަރުކުލައިގައެވެ އަތް ހާކާލީމާ އަޅައި ގަންނަގޮތަށެވެ މިއީ ފިލުވަން ވަރަށް އުނދަގޫ ބައްޔެކެވެ
ދަތުވާ
ނ ލޮތާރި ނުވަތަ ނަގިލިނަގަން ފަސޭހަކުރުމަށް އެތަކެތީގެ ދަތުގައިޖަހާވާ ދަތުވާ ޖަހާނީ ގާހުންނަ ތަންތަނަށް ލޮތާރި ނުވަތަ ނަގިލިލާއިރުއެވެ މިކަންކުރާ ގޮތަކީ ވަލެއްގެ އެއްކޮޅު ލޮތާރި ނުވަތަ ނަގިލީގެ ދަތުގައި ބައްދައިފައި އަނެއްކޮޅުގައި ފެންމައްޗަށް އަރާކަހަލަ ލަކުޑިގަނޑެއް ނުވަތަ ބޮޔެއް ހަރުކޮށްފައި ދޫކޮށްލަނީއެވެ
ދަސްކުރުވުން
މ (1) އުނގަންނައިދިނުން (2) އަންގައިދިނުން
ދަސްކޮށްދިނުން
މ އުނގަންނައިދިނުން
ދާންމަތީވަޅުކޮޅު
ނ ހަދިޙަސަން ރަސްގެފާނުގެ ގައިކޮޅުން ދިލަކޮޅުނަގަން ފެށީމާފެން އަޅަން ބެހެއްޓިކަމަށް ބުނެވޭވަޅު މިވަޅުހުންނަނީ ގަނޑުވަރުތެރޭގައި ހުންނަ ފާރަވެރިންގެ ދޮރޯށީން އެތެރެއަށް ވަންނަ އިރު ވާތްފަރާތުގައި ކިޔެވެނި ބޭކަލުންގެ އަށީގެ ކުރިމަތީގައެވެ
ދާންމަތީވެޔޮކޮޅު
ނ ހަދިޙަސަން ރަސްގެފާނުގެ ގައިކޮޅުން ދިލަކޮޅު ނަގަން ފެށީމާފެން އަޅަން ކޮނުނުކަމަށް ބުނާވެޔޮ މިވެޔޮއޮންނަނީ ދާންމަތީވަޅުކޮޅުގެ ދެކުނުން އެވަޅުކޮޅާ ވަރަށް ކައިރީގައެވެ
ދާވަނި
ނ (1) ހެދުމުގެ ފުރަގަހުގެ ފަސްބައި (2) ހެދުމުގެ ފުރަގަހުން ހަރުކޮށްފައި އޮންނަ ދިގު ފޮތިގަނޑު (3) ބޮޑެތިމަސްމަސް އޮޑިޔަށް ނަގަން އަޅުވާ ބުޅިގަނޑު
ދާވަނިކޮޅުހިފުން
މ ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ތުރުކުރައްވާ ހެދުންކޮޅުގެ ދާވަނިކޮޅުގައި ހިފައިގެން އަރިހުގައި ދިއުން
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިރުނބާކޮޅުވާހަކަ
މ މަޖާޒު: ބައެއްގެ ތެރޭގައި ވަކިބަޔަކު ދައްކާ އެހެން މީހުންނަށް އަންގަން ބޭނުންނުވާ ވާހަކަ
ދިވެހިރުއް
ނ (1) އެއްތަނޑިއަށްހެދޭ ފެންފޯއް ރުކަށްވުރެ ފަލަ ކުރީގައި ފަނާއި އިހާ އަންނަ ގަހެއް މިގަހުގެ އިހަލުގައި ގަންނަ ވައް އެކިވަރަށް ހަރުވުމުން އެއަށް ދިވެހިން އެކިނަންނަން ކިޔައެވެ އޭގެ ތެރޭގައި )ހ( ގޮބޮޅި )ށ( މިރި )ނ( ކިހައް )ރ( ކުރުނބާ )ބ( ގަބުޅި )ޅ( ކާށި )ކ( ކުރޮޅި ހިމެނެއެވެ މިގަހުގެ ހުރިހާ ބައެއްވެސް ދިވެހިންގެ ދިރިއުޅުމަށް ބޭނުންކުރެއެވެ (2) ދިވެހިންގެ ޤައުމީ ގަސް