radheef.info
ރަދީފު


ދަނޑި
ނ (1) ގަސްގަހުގައި ލަކުޑިޔަށްވުރެ ހިމަކޮށް ދިގުކޮށް ހެދިފައި ހުންނަ ގޮފި (2) އެއްތަނޑިޔަށް ހެދިފައި ހުންނަ ވަކިފަލަމިނެއްގެ ގަހެއްގެ މައިގަނޑަށް ބިމުން ވަކިކޮށްލީމާ ކިޔާގޮތް (3) ލަކުޑިން ވައްކޮށް ހިމަދިގުކޮށް މަށައިފައި ހުންނަ އެއްޗެހި (4) އިރު ހިނގާ މަގު މިސާލު: އުތުރުދަނޑި (5) މަޖާޒު: ހިމަދިގުކޮށް ހަރުކޮށް ހުންނަ އެއްޗެހި
އޮބިއެޅުން
މ (1) ތެޔޮފެލާއިރު އޮބީން ފިއްތުން (2) ފަންޖަހާ ބިތުގެފަންތައްއޮއްބައި ހިފަހައްޓާން ފަތިގަނޑެއް ނުވަތަ ދަނޑިގަނޑެއްއެޅުން
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުން
މ (1) އެއްޗެއްގެ އަސްލުނޭގޭ ގޮތްވުން. (2) ކަމެއްނުފިލާގޮތްވުން. (3) ނަނު ބަރަނިފަދަ ތަކެތި ލާމެހިގެންގޮސް ފިލުވަން އުނދަގޫވާގޮތްވުން. (4) ފިރޯއްޓަށް ބަރަނިއުއި ފަދަތެކެތިވެށުން. (5) ދަނޑިފަނޑަކަށް ނަނު ވެށުން. (6) ބުއްދި ޙައިރާންވުން. (7) ކަންކުރާންވީގޮތް ނޫން އެހެން ގޮތަކަށް ނޭނގިގެން ކުރެވުން
އޮޅުދަނޑި
ނ އޮޅުއަނބުރާން ގެންގުޅޭ ދަނޑިގަނޑު
އޮއިއަސްދަނޑި
(1) ކަނޑުއޮޅީ އޮޔާއި ކަނޑުގެ އޮޔާ ބެދުނުތާނގައި ކުދިރާޅު ހެދިފައި އޮންނަ އަސްދަނޑި (2) ކަނޑުއަޑީގައި ހުންނަ އުސް ގައުގަލަށ އޮއިވަރު ހިފީމާ އެމައްޗަށް އަރާ ދަމާލާފައި އޮންނަ ފަށް މިފަށް އޮންނާނީ އޮމާންކޮށެވެ
އޮއިދަނޑި
ނ އަސްދަނޑި
އޮފިޖެހުން
މ ގަހަކުން ނުވަތަ ދަނޑިޔަކުން އޮފިތައް ކެނޑުން
އޮލަނބުދަނޑި
ނ ތަނެއްރާނާއިރު އޮލަނބަށް ތެދުކޮށް ރޭނުމަށްޓަކައި ރޯނުދަމާން ޖަހާ ދަނޑި
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
ވަހުތާން
ނ ފޮތީގައި ލިޔެ ގިއުގަނޑެއްގައި ފަހައި ވަޔާ އެނބުރޭގޮތަށް ދަނޑިއަކަށްޖަހައި އުސް ތަންތަނަށް ނަގައިފައި ހުންނަ ތަވީދު. )ގޭގޭގެ ތެރޭގައިވެސް ވަހުތާން ހަރުކޮށް އުޅެއެވެ. ބައެއް ފަހަރަށް ރަންރިހިންނާއި އެކިކަހަލަ މަޢުދަނީ އެއްޗިހިން ތުނިކޮށް ތަޅައިފައި ހުންނަ ފަތްގަނޑުގަނޑުގައިވެސް މި ތަވީދު ލިޔެއެވެ
ވަހުތާންޖެހުން
މ ވަހުތާންލައިފައި ހުންނަ ދަނޑި ރުކެއްގައި ނުވަތަ ތަނެއްގައި އެއްސުން ނުވަތަ ބިމަށް ޖެހުން
ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ވަކަމަހިކުރުން
މ ވަކަނަގާ ގަސްގަހުގެ ރޯދަނޑި މިލުވައި ނުވަތަ މޫދުއަޅައިގެން ނަގައި އޭގެ ވަކަތައް ވަކިކުރުން
ވަކަދަނޑި
ނ (1) އެކިވަރުގެ ނަނު ނުވަތަ ވާ އަޅާން ވަކަނަގަން ގަސްގަހުން ކަނޑާދަނޑި. މިކަމަށް ބޮޑަށް ބޭނުންކުރާނީ ދިއްގާގަހުގެ ދަނޑިއެވެ. (2) މުރަނަކަންނެތް ގޮތްގޮތަށް ލަބާ ހަދަން ފަސޭހަ ރޯދަނޑި
ވައުއައްސާދަނޑިގަނޑު
ނ ހުރަސްފިލާ ކައިރީގައި ބަޅުކޮށް ވައުއައްސާން އަޅައިފައި އޮންނަ ދަނޑިގަނޑެއް
ވަވެލިދަޑި
ނ )ގ ( އުދުހޭ ވާ ހިފަން ކޮޅުގައި ބުޅިގަޑެއް ހަރުކޮށްގެން ގެންގުޅޭ ދަނޑިއެއް
ވަގުތީ
ނއ (1) ހިނދުކޮޅެއްގެ. (2) ދަނޑިވަޅެއްގެ. (3) ދާއިމީ ނުވަތަ ދެމިހުރި މިބަހުގެ އިދިކޮޅު
ވަގުތު
ނ (1) ހިނދު (2) ކަނޑައެޅިފައިވާ ގަޑިއެއް (3) ހިގަމުންދާ މުއްދަތު (4) ދަން (5) ޒަމާން (6) ކަނޑައެޅިފައިވާ ދުވަސްވަރު (7) ތަންވަޅު (8) ދަނޑިވަޅު (9) މޫސުން
ވަގުތުވުން
މ (1) ކަމަކަށް ދަނޑިވަޅު ލިބުން (2) ކަނޑައެޅިގެންވާ ވަގުތެއް އައިސްޖެހުން (3) ތަންވަޅުވުން
ވަގުތުޖެހުން
މ ކަމަކަށް ކަނޑައެޅިފައިވާ ދަނޑިވަޅު އައުން