radheef.info
ރަދީފު


ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ސަމާސާ
ނ (1) ލާނެއް ނއ (2) ހިނިއަންނަ ޒާތުގެ (3) މުނިފޫހިފިލުވާ
ސޯޅި
ނ )ބދ ( ފޫޅު
ފަޅޯބަޑި
ނ ކުދިންކުޅެން އޮނުން ހަދާއެއްޗެއް. މިހަދައިފައި އޮންނަނީ ގާތްގަނޑަކަށް ފޫޓެއްވަރުގެ އޮނުބަދައެއްގެ ލޯވަޅުން ހިނގާވަރުގެ މުށްލީ ދަނޑިކޮޅެއްލައިފައެވެ. މިބަޑީގެ އުންޑައަކީ އޮނުކޮޅުގެ ދެކޮޅަށް ލައްވާ ގިތި ދެ ފަޅޯކޮޅެވެ މިބަޑި މަގޫ ދަނޑިންވެސް ހަދައެވެ
ފައިދޮށުލުން
މ މަޖާޒު: ނުފޫޒާއި ރޭވުމުން މީހަކު ތިމާގެ ބާރުގެ ދަށަށް ގެނައުން
ފަތްކޮޅުކުރުން
މ އެކިއެކި އެއްޗިއްސަށް މޮހޮރުޖެހީމާ ފޫ އަޅައިފައި އަނެއް ފަރާތަށް ނުކުންނަތަން ލަނބައި ތަޅައި އޮއްބުން
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފާފަފުއްސެވުން
ނ (1) ޢަފޫ ކުރެއްވުން (2) ދީނާ ޚިލާފަށް ކުރެވޭކުށް ﷲ މާފު ކުރެއްވުން
ފޮސްވުން
މ )ޏ ސ ( (1) ހަށިގަނޑު ފަލަވެގެންގޮސް ބަރުހެލިވުން (2) އެއްޗަކަށް ފެންވަދެގެން ފޫދުން (3) ފޮއްސިވުން
ތޮނގި
ނ ފުޅަފުގައި ފުޅަލި ހަރުކުރަން ހުންނަދަނޑި މިދަނޑިހުންނާނީ ފުޅަލީގެ އެހެން ދަނޑިތަކަށްވުރެ ތަންކޮޅެއް ދިގުކޮންނެވެ މިދަނޑީގެ ތިރީކޮޅު ހުންނަނީ ފުޅިއެއްގެފޫ ނުވަތަ ނާއްޓެއް ފަދަ އެއްޗެއްގައި ޖައްސައިފައެވެ މަތީ ކޮޅުގައި ފުޅަފުގެ މުޑިޔާއެއްކޮށް ކުސަގަނޑެއ ފުރައިފައެވެ
ފާޓާ
ނ ފޫއަޅައިފައި ހުންނަ ކުދިވަރުގެ ވަށްތާނގީ
ފީތާ
ނ (1) ތެޔޮއަޅައިގެން ބޭނުންކުރުމަށް ހަދައިފައިވާ ބައްތި ދިއްލުމަށާއި އުނދުން ރޯކުރުމަށް ރޮދި ނުވަތަ އުއި ބޭނުންކޮށްގެން ވަށްކޮށް ނުވަތަ ފަތިކޮށް ދިގުކޮށް ތައްޔާރު ކޮށްފައި ހުންނައެތި. (2) ފިލްމުރޯލު. (3) މިންއެޅުމަށްޓަކައި ފޫޓުން ނުވަތަ މީޓަރުން މިންއަންގައިދިނުމަށް ހަދައިފައިވާ ފަތިކޮށް ދިގުކޮށް އޮންނަ އެއްޗެއް (4) ފީތާފޮށީގެ އެތެރޭގައި ދަގަނޑު ނަރުން ކައިރި ކައިރީގައި ބަންދު އަޅައިފައިވާ ދިއުޅި
ފުހުލެ
ނ )ގ ( ފުފޫ
ފުހުޖެހުން
މ ފޫޖެހުން
ފުކުރޮދި
ނ )ޏ ސ ( ފޫޅު ދަނޑި
ފުކުރޮދިގަނޑަ
ނ )ސ ( ފޫޅު ދަނޑި
ފުއްލާ
ނ (1) ހަތަރެސް ފައިޖެހި ވަރަށް ލުއި ހިމަތޮޅި ޖަނަވާރެއް މީގެ މަސްކެއުމަށް ބޭނުން ކުރެއެވެ އަދި ހަމުގެ ދަށް ފަރާތުގައި ހުންނަ ދުލި ނަގައި ދިބާޣުކޮށްގެން ކަރުދާސް ފަދައިން ލިއުމަށް ބޭނުންކުރެއެވެ މީގެ ތަފާތު ވައްތަރު ހުރެއެވެ (2) )ސ ( ފޫ އެނބުރި
ފުއްސެވުން
މ (1) "ފުހުން" މިބަހުގެ މާތްގޮތާއި އެންމެ މާތްގޮތް (2) މާތްރަސްކަލާނގެ އެކަލާނގެ އަޅެއްގެ ކުށް އަފޫ ކުރެއްވުން
ފުފުލެ
ނ )ގ ( ފުފޫ
ފުފުލް
ނ )ޏ ( ފުފޫ
ފުފޫވެޔޮ
ނ ފުފޫ އަޅާ ވެޔޮ