radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ހިނބޫ
ނ )ސ ( މެދުފަޅާއި ފަރާއިގުޅޭ ފަޅުމަތީގައި އުޅޭ ގަދަމުށި ކުލަިއގެ ކުރެހުމެއްހުންނަ އަދި ކަރުތާ ފަތްގަނޑުގެ ފަހަތުބައިގެ ތިރީކައިރީގައި ދެކަށިހުންނަމަހެއް މިމަހުގެ ސިފަ ލަނޑައާއި ވައްތަރު ވެފައި ހުޅުނބު ހުންނާނެއެވެ
ހިނބެ
ނ )ގ.( މެދުފަރު މަތީގައްޔާއި ވިލުގައި އުޅޭ ލަނޑަޔާ ވައްތަރު ކަށިޖަހާ ވިހަމަހެއް
ހިނދުން
މ (1) ކެކިކެކިފެން ހުސްވުން (2) ދިޔަވަރު އަޑިވުން (3) އޮއްވަޅު ކުޅޭއިރު ހުސްވަޅަކަށް އަތްހުސްވުން މަޖާޒު: ކަމެއް ކުރަމުންގޮސް ގަސްތުކުރި ގޮތަށް ނުވެވި އެކަމެއް ހުއްޓުން (4) ކަނޑުގައި ހިފާވަރަށް ވައިރޯޅި ނެތުން (5) ފުފިފައި ހުރި އެއްޗެއް ހައިވުން (6) ރޮމުން ރޮމުން ނުވަތަ ހެމުން ގޮސް ނޭވާނުލެވޭ ވަރުވުން (7) ދިޔާއެއްޗެހި އާތްވަށް އަރާހުސްވުން
ހިނދޫ
ނ )ބ ( (1) އާރުނުލާވަރުގެ ލަކުޑި (2) ގަސްގަހުގައި ގަންނަޅަވަކި (3) )ޅ ( ޅަނދޮޅު މިސާލު: މިގަހުގެ އެންމެ ހިނދޫ ކުރި
ހިނގައިލުން
މ (1) ވައިޖައްސައިލާން ނުވަތަ ހިތްފަސޭހަކޮށްލަން ގެއިން ބޭރު ކޮންމެވެސް ތަނެއްގައި ހިނގުން (2) ކަމަކަށް ތާޢީދު ކުރުމުގެ ގޮތުން ނުވަތަ ކަމަކާ ދެކޮޅު ހެދުމުގެ ގޮތުން ގިނަބަޔަކު އެކުގައި ހިނގުން
ހިނގާލަންދިއުން
މ ވައިޖައްސައިލަން ނުވަތަ ހިތްފަސޭކޮށްލަން ކޮންމެވެސް ހިސާބަކަށް ދިއުން
ހިނގާޞަލަވާތް
ނ އިހުގައި ސަރުކާރުގެ ފަރާތުން ޒިޔާރަތް ޒިޔާރަތްދޮށުގައި ކިޔެވި ޞަލަވާތް. މިޞަލަވާތް ކިޔަވައި އުޅުނީ ކޮންމެ ދުވަހަކު ޒިޔާރަތެއް ދޮށުގައެވެ. މާލޭގައި ހުރިހާ ޒިޔާރަތްވަށާ ޖެހުނީމައި އަނެއްކާ ފަށަނީއެވެ މިކަމަށް ގެންދާ ކޭން ކައްކަނީ ކަބާފާނު ގަނޑުވަރުގައެވެ
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
މިސާލު: ކަލެއަށް ހިނިކު! ހިނިކު
އ )ސ.( ތިޔަކަމެއް ނުވާނޭ ނުވަތަ ނުކޮށްދޭނަމޭ ފޫހީގެގޮތުން ބުނާ މާނައިގައި ބުނާ ބަހެއް
ހިނިވަރުނަ
ނ އެންމެ މާތް މީހުން ހޭ ހިނި މިބަސް މިހާރު ބޭނުންކުރަނީ ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަކުރެއްވުން
މ އެންމެ މާތް މީހުން ހޭ ހުނުން މިބަސް މިހާރު ބޭނުންކުރަނީ ޚާއްސަކޮށް ރަސޫލުﷲ ސައްލަﷲ ޢަލައިހިވަޞައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަވުން
މ އެންމެ މާތް މީހުންގެ ހެވުން މިބަސް މިހާރު ބޭނުންކުރަނީ ޚާއްޞަކޮށް ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވެސް ފަރުބަދަ ކަނޑައެވެ
(މުސްކުޅިބަހެއް) ކިތަންމެ އުނދަގޫކަމެއްވެސް އެކަމަކާ ގަދައަޅައި މަސައްކަތް ކުރުމުން ފުރިހަމަ ކުރެވިދާނެކަން އެންގުމަށް ބުނެއުޅޭބަހެއް
ހިންމަންތެރި
ނއ (1) ސާބިތުވެހުރުމާއެކު ހިތްވަރުކުރާ (2) ގަސްތުކުޅަ ކަމެއްގައި ކެތްތެރިކަމާއެކު މަސައްކަތްކުރާ (3) ގަދައަށް ހިތްވަރުކުރާ
ހިންމަތްތެރިކަން
ނއނ (1) ސާބިތުވެހުރުމާއެކު ހިތްވަރު ކުރާކަން (2) ގަސްތުކުޅަކަމެއްގައި ކެތްތެރިކަމާއެކު މަސައްކަތް ކުރާކަން (3) ގަދަޔަށް ހިތްވަރު ކުރާކަން
ހިންމިކޭމާ
ނ )ސ.( ޤުރްއާން ފުރަތަމަ ފަހަރު ހަތިމު ކުރުމުން އެދުރުގެއަށްދޭ ކޭމެއް މިއީ ޤުރްއާން ކިޔަވައިދިނުމުގެ އާދަކާދައިގެތެރޭޭ ހިމެނޭކަމެކެވެ
ހިންމެވުން
މ (1) ފުއްދެވުން (2) އިލާހީ ބާރުދެއްވުން (3) އެދޭކަމެއް ޙާޞިލުކޮށް ދެއްވުން
ހިންގުން
މ (1) ކަމެއް ނުވަތަ އެއްޗެއް ހުއްޓުނަނުދީ ގެންދިއުން މިސާލު: އިންޖީނުގެ ސޯބުތައް އެނބުރުވުން (2) ކަމެއްކުރުވުން (3) ތަނެއްގެ ކަންތައްތައް އިންތިޒާމުކޮށް ބެލެހެއްޓުވުން (4) ހިންގުވުން
ހިންގުންތެރި
ނއ (1) ކަމެއް ނުވަތަ އެއްޗެއް ހިމޭން ވިއަނުދީ ޙަރަކާތްތެރި ކުރުވުމުގެ ސިފަ ލިބިހުރި (2) ގިނަކަންތައްތަކެއް ފުރިހަމައަށް ކުރިޔަށް ގެންދިއުމުގެ ކުޅަދާނަކަށް ލިބިހުރި
ހިންގުންތެރިން
ނ (1) ކަމެއް ނުވަތަ އެއްޗެއް ހިމޭންވިއަނުދީ ޙަރަކާތް ތެރިކުރުމުގެ ސިފަލިބިފައިވާ މީހުން (2) ގިނަކަންތައްތަކެއް ފުރިހަމައަށް ކުރިޔަށް ގެންދިޔުމުގެ ކުޅަދާނަކަށް ލިބިފައިވާ މީހުން