radheef.info
ރަދީފު


މާނު
ނ )ބދ ( މީހާ
ތޫރިކޮޅު
ނ (1) ކަތިރިޔާ ފަރުމާނުގައި އަޅައިފައި ހުންނައިރު އެންމެ މައްޗަށްހުންނަ ކޮޅު (2) އެއްކޮޅަށް ހިމަކޮށް ހުންނަ ބައެއް އެއްޗެހީގެ އެންމެ ކުރި މިސާލު: ދުންމާރީގެ ތޫރިކޮޅު
ތެޔޮބައްތި
ނ އިހުޒަމާނުގައި ކެޔޮދޮންކުރާ ވަޅުގަނޑުގައި ޖަހާބައްތި މިބައްތި ހުންނާނީ އިލޮށިބުރިއެއްގައި ހަނިފޮތިފަށެއް އޮޅައި ކާށިތެލުން ތެންމައިފައެވެ
ލިޔާގަލަންދާން
ނ ލިއުމުގެ ސާމާނުލާން ހަދައިފައި ހުންނަ ފޮށި
ލެބޯޓަރީ
ނ (1) އެކިކަންކަމާއި އެކި އެއްޗެއްސާއި އެކިއެކި ބައްޔާ ބެހޭ ތަޙުލީލުތައް ކުރާތަން. (2) އެފަދަ ތަޙުލީލުތައް ކުރެވޭގޮތަށް އެކަންކަމަށް ބޭނުންވާ ސާމާނުލައި ތައްޔާރުކޮށްފައި ހުންނަ ތަންތަން
ގަހުރަބާނު
ނ )ސ ( ގަހުރަމާނު
ގަންގޮވުން
ނ ކުރީޒަމާނުގައި ރައްޔިތުންނަށް ގޮވާގޮވުމަށް ކިޔާނަމެއް
ގަދަހާލަކު ފިނދެއް ނުހުންނާނެ
)މުސްކުޅިބަހެއް( ކަމަކަށްމޮޅު މީހެއްގެ އަތުގައި އެކަމެއްގެ ސާމާނުނެތަސް އެއީ އޭނާގެ ދެރަކަމެއް ނޫންކަން އެންގުމަށް ބުނެއުޅޭ ބަހެއް
ގަލުއާރޮސް
ނ ގަލެއްގެ ބަރުދަން ހުންނަ އާރޮސް މިއީ އިހުޒަމާނުގައި ރާވެރިންގެ އަތުން ވާރަށް ނަގާ އެއްޗެކެވެ
ގާރޫނު
ނ މޫސާގެފާނުގެ ޒަމާނުގައި މިސުރުގައި އުޅުނު ވަރަށް މުއްސަނދި ކާފަރެއް
ގާއޮޑިލަވަ
ނ އިހުޒަމާނުގައި މާލޭގެ ތޮށިލައިނިމިގެން އެމަސައްކަތުގައި އުޅުނު މީހުން ޖަމާޢަތް ހަދައިގެން އެކިބާވަތުގެ ލަވަކިޔަމުން ބެރުޖަހަމުން ކުޅިހަދަމުން ކުޅެއުޅުނު ކުޅިވަރެއް މިހާރުވެސް އެކިއެކި މުނާސަބަތުތަކުގައި މިކުޅިވަރު ކުޅެއުޅެއެވެ
ގޮނުއެޅުން
މ އިހުޒަމާނުގައި މަސްވެރިން މަހަށްދާއިރު ކާތަކެތި ގެންދިއުމަށް ފަނުން ވިޔެފައި ހުންނަ ވަޑިގޮނަށް މަހަށްދާއިރު ގެންދާ ކާތަކެތި އެޅުން
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޯސީތަރުނޭލު
ނ ގޯސީ ނަގަން ފަރުމާނުގެ ކުރީގައި ބައްދައިފައި ހުންނަވާގަނޑު
ސަޕުލައި
ނ (1) ގެއަކަށް ނުވަތަ ތަނަކަށް ކަރަންޓް ދިނުމަށް ދަމައިފައިވާ ފަލަނަރު (2) ބޭނުންވާ ހުރިހާ ސާމާނު މިސާލު: ރިސޯޓުގެ ސަޕުލައި
ސީނުތަށި
ނ އިހުޒަމާނުގައި ޗައިނާއިން ގެންނަތައްޓެއް މީގެ އެކިމިނުގެ އެކި ވައްތަރުގެ ތަށިހުރެއެވެ
ޒަމާނީ
ނއ (1) ޒަމާނަށް ނިސްބަތްވާ (2) ޒަމާނުގެ ގޮތްހުރި (3) މިހާރުގެ
ޒީރު
ނ (1) އިހުޒަމާނުގައި މަތިން ދަތުރުކުރި އުޅަނދެއްކަމަށް ފުލޯކު ވާހަކައިގައި ކިޔާއެއްޗެއް (2) މަކަރު (3) ހިންތާ (4) ހަދާ ހިކުމަތް
ޓުކުރި
ނ އެތެރެއަށް އެއްޗެހި އެޅޭގޮތަށް ވިޔެފައި ނުވަތަ ގަތައިފައި ހުންނަ ވަށިގަނޑުފާޑު އެއްޗެއް މިޒަމާނުގައި ވިޔެފައި ހުންނަ ގޮތަށް ރަބަރުން ނުވަނަ ޕްލާސްޓިކުންވެސް ހަދައިފައި ހުރެއެވެ
ޝަރަފުވެރިމެހުމާނު
ނ އިއްޒަތްތެރި މެހެމާނު