radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ރެވިއޮށްޓަރެއްގެ މިންވަރުވެސްނެތުން
މަޖާޒު: އަތްމަތީގައި އެއްވެސް އެއްޗެއް ނެތުން
ރެފުރީ
ނ ފުޓްބޯޅައާއި ރަގްބީއާއި އަދިވެސް މިފަދަ ބައެއް ކުޅިވަރުގައި އިންސާފު ކުރަން ހުންނަ މީހާ
ރޭނުން
މ (1) އުވަޔާއި ވެއްޔާ އެއްކޮށް ގަށައިގެން ގާ ބަހައްޓަމުން އެ އަޅަމުން ތަނެއް ހަދަމުން މައްޗަށް ނެގުން ސިމެންތި ލައިގެންވެސް ރާނައެވެ ބައެއް ފަހަރަށް ހުސް ގަލުންވެސް ރާނައެވެ (2) ސިލުނބު ތަވާ ފަދަ ތަކެތި ބޭނުން ހިފުމުގެ ކުރީގައި އަލިފާނުން ހޫނުކޮށްލުން
ރޯނުއެދުރު
ނ ކަންތައްކުރާން ރަނގަޅަށް ނޭނގިހުރެ ކޮންމެ ކަމެއްވެސް ދަންނަކަމަށް ހެދިގެން އެކަމެއްކޮށް އުޅޭމީހާ
ރޯބަރަހަނާ
ކއ ގައިގައި އެއްވެސް ފޭރާމެއްނެތި
ރޯދަމަހުދިއްގާ ގަހަށް ހެދުން
މ މިސާލު: މީހަކަށް ނަމަވެސް އެއްޗަކަށް ނަމަވެސް ތިމާ ބޭނުންވީމާ ކަމޭ ހިތައިގެން އުޅެފައި ބޭނުން ފުދުނީމާ އަޅާނުލުމުން ބުނެއުޅޭ ބަހެއް
ބަނގުއާވި
ނ އަލިފާން ހިފާ ކުލައެއްނެތް ސާފު ދިޔާ އެއްޗެއް. މޭވާދިޔައާއި ގޮވާންފަދަ އެއްޗެހި ކަމީރުކޮށްގެންވެސް މިނަގައެވެ. ބަނގުރާއާއި ސެންޓާއި ބައެއްކަހަލަ ދިޔާބޭސް ބޭނުންކުރުމުގައި މި ބޭނުން ކުރެއެވެ
ބަނގުފިލާ
ނ (1) ގަންޖާ (2) މަރުވާނާ މީގެ ގަސްހެދެނީ 4 ފޫޓާއި 6 ފޫޓަށެވެ ބައެއް ގަސް މިއަށްވުރެ ދިގުކޮށްވެސް ހެދިފައި ހުރެއެވެ ފަތް ހުންނާނީ ދަނޑި އަލުވިފަތްހެން 6 ބަޔަށެވެ
ބަނޑިވުން
މ ވިރިކެކޭ މައުދަނަކުން ނުވަތަ ޕްލާސްޓިކު ފަދަ އެއްޗަކުން ހަދައިފައި ހުންނަ އެއްޗިހީގައި އެއްޗަކުން ޖެހިގެން ނުވަތަ އެނޫންވެސް ގޮތަކުން އަޑިގުޑަންވުން
ބަނޑިޔާޖެހުން
މ (1) ކިޔާލަވަޔަށް ހަމަވާގޮތަށް ލޯބަނޑިޔަލުގައި ޖަހަމުންކުޅޭ ކުޅިވަރެއް ބަނޑިޔަލުގައި ޖަހާއިރު ޖަހާނީ އަތުގައިވާ އަނގޮޓި ބަނޑިޔަލުގައި ޖެހޭގޮތަށެވެ އެއްބަނޑިޔާ ބޭނުން ކޮށްގެންވެސް އަދި ދެބަނޑިޔާ ބޭނުން ކޮށްގެންވެސް މިކުޅިވަރު ކުޅެއެވެ (2) ބަނޑިޔާ ލަނގިރި
ބަނޑޭރިބޭކަލުން
ނ މާބަނޑޭރި ބޮޑުބަނޑޭރި މާކޮށާރުބަނޑޭރި ބޮޑުކިބާބަނޑޭރި ކުޑަކިބާބަނޑޭރި މިފަސްބޭކަލުން. ބައެއްކަންތަކުގައި ދެނގަޑުވަރު ބަނޑޭރިންނާ ދެބަނޑަހަލުގެ ބަނޑޭރިންވެސް ބަނޑޭރިބޭކަލުންގެ ތެރޭގައި ހިމެނެއެވެ
ބަންޑާރަކޮށި
ނ ކަނޑި އައްޑަނައިން ކުޅިޖަހައި އުޅުނު އެންމެ އިސްކޮށި މިކޮށިން ބަޑިޖަހައި ހަވާ ހަދައިވެސް އުޅުނެވެ މިއީ އިހުގައި މާލޭގައި ހުރި ކޮށިތަކުގެ ތެރެއިން ކޮށްޓެކެވެ
ބަރަބޯ
ނ ތަރުކާރީގެ ބާވަތެއް. ބަރަބޮލަކީ ސިފަޔާއި ބޮޑުމިނާއި ކުލަ ތަފާތުކޮށް ހުންނަ ތަރުކާރީއެކެވެ. ވަށްކޮށް ފަތާކޮށާއި އަދި ވަށްކޮށް ދިގުކޮށްވެސް ހުރެއެވެ. ބަރަބޯ ހުންނަނީ އެކި ބޮޑުމިނުގައެވެ. ބަރަބޮލުގެ ތެރޭގައި ފެހިކުލައިގެ ބަރަބޮލާއި މުށިކުލައިގެ ބަރަބޯހުރެއެވެ. ލައްލައް ޖަހައިފައި ފެހިކުލައިގައި ހުންނަ ބަރަބޮލާއި މަޑުމުށި ކުލައެއްގައި ހުންނަ ބަރަބޯވެސް ހުރެއެވެ. ބަރަބޯވެލަކީ ވަރުގަދަކޮށް ފެތުރިހެދޭ ފަތް ބޮޑެތިކޮށް ވެޔޮގަނޑުގައި ހަރުކެހެރިއެއް ހުންނަ އަދި އިސްފިރޭނުތަކެއްހެން އޮޅިފައި ހުންނަ ނަރުވާތަކެއް ހުންނަ ވެލެކެވެ
ބަރުފޯސް
ނ ސިމެންތިޖެހުމުގައާއި ވަޑާންކުރުމުގެ މަސައްކަތުގައި މަތީދާރައިގައި ބޭރަށް ފުއްޕުން ލައިފައި ނެރެފައިހުންނަބައި )މިގޮތަށް އެންމެ ތިރީގައި ދޮރުތަކުގެ ވަށައިގެންނާއި ފަންގިފިލާނިމޭ ހިސާބު ފާހަގަ ކުރުމަށް ނެރެފައި ހުންނަ ބަޔަށްވެސް މިހެން ކިޔައެވެ
ބަބުރުހަނދި
ނ ފަނިހަނދީގެ ބާވަތެއް މިއީ މުޑަހަންޖާ ވައްތަރު ގަދައަޅިކުލައިގެ މަހެކެވެ މިމަހުގެ އަނގައިގެ މަތީ ތަލީގައި ދެބަރިއަކަށް ދަތްހުރެއެވެ އެއީ ކޮޅަށް އޫކޮށް ވަރުގަދައަށް އުފެދިފައި ހުންނަ ދަތްބަރިއަކާއި އޭގެ އެތެރޭން ހުންނަ ކުދި ދަތްބަރިއެކެވެ ތިރީބައިގައި ހުންނަނީ ގަދަފަދަ ދަތްބަރިއެއް އެކަންޏެވެ މިމަހަށް "ކަޅަހަނދި" ވެސް ކިޔާއުޅެއެވެ
ބަބުރުކަލޯ
ނ އިހުގައި ކިޔާ އުޅޭ ޚިޔާލީ ފުރޭތައެއް މިއީ ކިއްސަށްދެތްވާ އެއްބަޑު އެއްބަފާ އެއްޗެއް ކަމަށްވެސް ބުނެއުޅެއެވެ
ބަބުރުއަނބު
ނ އަނބުގެ ބާވަތެއް. މިއީ ނަރުހިމަ ދޮންވީމާވެސް ބޭރު ގަދަފެހި ކުލައިގައި ހުންނަ އަނބެކެވެ
ބައިކޯޓު
ނ ކޮންމެވެސް ސަބަބަކާއި ހުރެ ނުރުހިގެން ބަޔަކަށް ދަތިކުރުމުގެ ގޮތުން އެބަޔަކާއި ހުރި ގުޅުންތައް ވަގުތީ ގޮތުން ކަނޑައިލާ ކަނޑައިލުން
ބައިކޯޓް ކުރުން
މ ކޮންމެވެސް ސަބަބަކާއި ހުރެ ނުރުހިގެން ބަޔަކަށް ދަތިކުރާން އެބަޔަކާ ހުރި ގުޅުންތައް ވަގުތީ ގޮތުން ކަނޑައިލުން
ބައްދާވައްގަނޑު
މ އޮޑިދޯނިފަހަރުގައި އެން ދިރުވާން ޖަހާ ފިލާ ހަރުކުރާ ވައް މިގޮތުން ކޮޅުފަސްކޮޅާއި ދިރުނބާކޮޅުން ވެސް ބައްދައެވެ