radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ބަނޑުދިނުން
މ ހަވަރަށް އުޖޫރައެއްގެ ގޮތުން ދައުލަތުން ދެއްވާ ހަނޑޫ އެމީހުންގެ ގޭގެޔަށް ބެހުން އެއީ ފޯޔަކު 21 ނާޅިހަނޑުލެވެ
ބަނޑުދެފޮއި
ނ ކަލާސީމީހާ ތިމާ ބަނޑުދޭން ހިނގަންޖެހޭ ދުވަސްވަރަށް ކިޔާގޮތް
ބަނޑުގޮއްވާކަށި
ނ މިޔަރުގެ މައިކަށީން ވަކިވެ ކުނިފިލާފައިވާ ބަދައެއް މިއީ ކުޑަކުދިން ކުޅިވަރަކަށް ބަނޑުގައި އޮއްބައި ނަގައި މިގޮތަށް ބަނޑުން އަޑު ގޮއްވަން ބޭނުންކުރާ އެއްޗެކެވެ
ބަނަފުސާ
ނ މަޑު މީރުވަހެއްދުވާ މަލެއް މިއީ ބޭހަށް ބޭނުންކުރާމަލެކެވެ މިމަލުގެ ދެތިން ކުލައެއް ހުރެއެވެ އެއީ ހުދުކުލަޔާއި ރީނދޫ ކުލަޔާއި ދަނބުކުލައެވެ މިއީ ވަރަށް ރީތި މަލެކެވެ
ބަންޑުން ކުރުން
މ (1) ބަނޑުފުށް ވަތަށްޖެހުން (2) އަނގަވަތަށް ޖެހުން (3) އެއްޗެއްގައި ހުރި އެއްޗެއް ވަރައިލުން
ބަރާ
ނ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެންވާ ބަރާ. (2) ފުރާ ދުއްވާ ތަކެތި ދުއްވަން ހެޔޮވަރަށް ކުރާ ބަރު. (3) ރިޔާ ނެގީމާ ތެދަށް ނުހުރެވޭ ވަރުގެ ހިމަދިގު ދޯނިފަހަރު ތެދަށް ބެހެއްޓުމަށްޓަކައި އެދޯނިފަހަރުގެ މަތި ކިބަފަރާތަށް ދުއްވައިފައި އޮންނަ ދަނޑިއެއްގައި ލައިފައި އޮންނަ ކަނދު
ބަރާކުރުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެން ބަރުކުރުން (2) ފުރާދުއްވާ ތަކެތި ދުއްވަން ހެޔޮވަރުވާ ވަރަށް ބަރު ކުރުން
ބަރާވުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އެރުވުން (2) ފުރާ ދުއްވާ ތަކެތި ދުއްވަން ހެޔޮވަރަށް ބަރުކުރުން
ބަރުކުރުން
މ (1) ވަޒަނުން އިތުރުކުރުން (2) ފުރާދުއްވާ ތަކެއްޗާއި ތަކެތި އަރުވާ ބަރާކުރުން (3) މީހަކަށް ނުއުފުލޭވަރަށް ގިނަ މަސައްކަތް ޖެއްސުން (4) ކިޔުމުގައި ބާރުލުން ބޮޑުކުރުން
ބަރުވުން
މ (1) ވަޒަން އިތުރުވުން (2) ބަރުދަން އިތުރުވުން (3) ބުރަހެލިވުން (4) ކުޅަދާނަ ނުވާވަރަށް މަސައްކަތް ގިނަވުން
ބަބުރުފަޅޯ
ނ ދޮންވީމާ ވަރަށް ފަނޑު ރިއްސެޔޮކަމެއް ނޫނީ ފާޅުނުވާ ވަރަށް ގަދަކަޅު ފެހިކުލައެއްގެ ފަޅޮލެއް ފަޅޮލުގެ ސިފަ ހުންނާނީ ދިގުކޮށް ހުރެފައި ފޫވަށްކޮންނެވެ
ބައިބަތް
ނ ބަޔަކު މީހުން އެއްޗެގެން ކުޅިވަރަށް ކައްކާލާ ކެއްކުން
ބަދަބަދަވެޔޮ
ނ ތަނޑުގަނޑު ހަތަރުއަރިއަށް ބަދަބަދައަށް ހުންނަވެލެއް މީގެ ކޮންމެ ބަދައަކުން ކުޑަފަތެއް ފަޅަމުން ހެދެއެވެ މިހެދެނީ ވެލަނބުލިވެޔޮ ފާޑަށެވެ މިވެލުގެ ތަނޑުގަނޑު ވަރަށް މަޑުވާނެއެވެ
ބަސަޅު
ނ ވަޅު ކުރަތްޕެއްގެ ސިފައިގައި ކުޑަކޮށްތިބޭ ފެހިކުލައިގެ ދިރޭ އެއްޗެއް މީގައި ވަރަށް ގަދަ ނުބައި ވަހެއް ދުވާނެއެވެ މިގިނައިން އުދުހެނީ އިރުއޮއްސޭ އިރުއެވެ
ބަސްބުނިހިނދު
ކއ (1) އެސާހިތު (2) ވަރަށް އަވަހަށް (3) ހަމަ އެވަގުތު
ބަޑިފަޅައިގެންދިޔުން
މ މަޖާޒު: ހިތުގައި ޖެހިގެން ކުއްލިއަކަށް އަޑުއިވޭ ވަރަށް ރޮއިގަނެވުން
ބާރީޖެހުން
މ ބާރީ ފެނުޖެހޭވަރަށް ބަރާވުން
ބާރުކުރުން
މ (1) ވާންކުރުން. (2) ހަލުއިކުރުން. (3) ހެދުންފަދަ ތަކެތި ގަޔަށް ބާރުވާ ވަރަށް ޖެހުން. (4) އެއްޗެއްގެ ތެރެއަށް އެއްޗެއް ވައްދާތާށިކުރުން. (5) އަޑު ގަދަކުރުން. (6) އިންޖީނުފަދަ ތަކެތީގެ ހިނގުން މަތިކުރުން. (7) އިސްކުރު ބޯލްޓު ފަދަ އެއްޗެހި ޖަހައި ހިމުންކުރުން. (8) މަތިގަނޑު އުނގުރި ފަދަ އެއްޗެހި ޖަހައި ހަރުކުރުން
ބާމިޔާ
ނ އަރި އަރިޔަށްހުންނަ ދަވަގިނަ ތޮޅިޔެއްއަޅާ ގަހެއް މީގެ ތޮޅިޔަކީ ވަރަށްމޮޅު ތަރުކާރީއެކެވެ
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ