radheef.info
ރަދީފު


އޮ
އ (1) "އޯ" ގެ ބަދަލުގައި ބުނެއުޅޭ އަކުރެއް (2) ސިހިގެންގޮސް ނުވަތަ އަނެކަކަށް އެކަމެއް ދިމާވާ ވަގުތު ކުއްލިއަކަށް ބުނެވޭ އަކުރެއް
ހުޅުވުން
މ (1) ލެއްޕިފައިހުރި އެއްޗެއްގެތެރެ ހާމަކޮށްލުން (2) ފޮށިފަދަ ތަކެތީގެ ހުޅުލައި ހަރުކޮށްފައި ހުންނަ މަތި ހާކުރުން (3) ޖެހިފިތިފައި ހުންނަ ދެއެއްޗެއް ފޭކޮށްލުން މިސާލު: )ހ( ކަތުރު ހުޅުވުން )ށ( ޗާކުފިޔޮހި ހުޅުވުން (4) ފިހާރަ މަދުރަސާ މަޢުރަޟް ފަދަތަންތަން ހަދާ ނިމިގެން އެތަންތަން ހިންގާން ފެށުން (5) އޮފީސް ފަދަ ތަންތާގެ މަސައްކަތް ހިނގާން ފެށުން
ހުއިވަނި
ނ (1) މޫދުގައިއުޅޭ ދިރޭއެއްޗެއް މިއޮންނަނީ ބިޗުލެއްގެ ސިފައިގައެވެ (2) ނ އަތޮޅުގެ ފަޅުރަށެއްގެ ނަން (3) ހުވަނި
ހުއިވަކި
ނ (1) މޫދުގެ ހުއިގަހުގައި އަޅާއޮށް (2) )ހ ( ބަތާވިގާ
ހުއިފަތުމަސް
ނ ފަރުމަހުގެބާވަތެއް މިބާވަތުގެ ބޮޑެތިމަސް ދިރިއުޅެނީ މާކަނޑުގައެވެ ފަޅުތެރެއަށްވަދެއުޅޭ މީގެކުދިމަސް ދުވެއުޅެނީ އަރިއަށް ތިބެގެން ވަރަށް މަޑުމަޑުންނެވެ މިގޮތަށް މިމަސްދުވާއިރު ހީވަނީ މަރުވެފައިވާ ހުއިފަތް ކޮޅެއް އޮޔާ ދާހެނެވެ މަހުގެ ކުލައަކީ ގަދަމުށިކުލައެވެ މަހުގެ ނިގޫފަތް ހުންނަނީ ވަށްކޮށެވެ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުއްޓެކުން ފަތާވަތާ
ނ )ގ ( ކުނބުގެ ދިރުނބަލުން އޮންނަވަތް
ހުވަނދުބޭސް
ނ މީރުވަސްދުވާ ބޭހުގެ ބާވަތްތަކެއް. އެއީ ކެލާ ބޮކަރު ކަޅަނގާރި ލާދަން ފޮތި ހުވަނދު މަހުލަނބޯއޮށް ކޮއްޗޭފަތް ހުއިސުން ކުމުންޒާނި މިއެވެ
ހުވަފެން
ނ )ބދ ( (1) ނިދައިފައި އޮންނައިރު ފެންނަ އެކިބާވަތުގެ ކަންތައް (2) )ސ ( ތުނިޔައާ ވައްތަރު އެޔަށްވުރެ ކުދި އެއްޗެއް (3) މަޖާޒު: ފޮނިއުންމީދު
ހުފެނާ ނޮޅިޔާ
ނ )ގ ( އުނދުނަށް ފުމޭ އޮނުގަނޑު
ހުދުހިމެރި
ނ (1) އޮށްހުދުކޮށް ހުންނަ ހިމެރި (2) ބޮނޑު ބިސް ހިމެރި
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުއުނޓުނި
ނ )ގ ( ހުދުއޮށަނި
ހުދުއޮށަނި
ނ އޮށަނީގެ ހުދުވައްތަރު
ހުދެހިރާ
ނ )ގ ( ބޯވަޅުއެޅިލިބާހުގެ ރޮދިގަނޑުގެ މައްޗާއި ތިރީގައި އޮންނަހިރު
ހުލި
ނ (1) ގަސްގަހުގައިއަޅާ އާދައާއި ޚިލާފަށްކުދިވެ ބޭނުންނުހިފޭގޮތްވެފައި ހުންނަވައް. (2) މަދުނުހުންނައޮށް. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށްލިބޭންވީ ސިފަ އުނިވެފައިވާ ބާވަތް. (4) އެނދުމުގެ ސަބަބުން ނެތިގެންދާ ދިއުން. (5) ހުދުކާފޫރާއި ކަރުބޮލަކު ފަދަތަކެތި އާތްވަށްވެގެންދާ ދިއުން. (6) ލޮނުމެދު ކާފޫރުތޮޅި ފަދަތަކެތި ހިކެމުން ކުޑަވަމުންދާ ދިއުން. (7) މަޖާޒު: ވިޔަފާރީގައި ގެއްލުންވަމުންދާ ދިއުން. (8) ނއ. ހިމަ ކަމީނާ ކުޑަ މިބަސްބޭނުންކުރަނީ ފުރާނަހުރި ތަކެއްޗާ މެދުގައެވެ
ހުލިވުން
މ (1) ގަސްގަހުގައިއަޅާ މޭވާ ފަދަ ތަކެތި އާދަޔާ ޚިލާފަށް ކުދިވެ ބޭނުން ހިފޭގޮތް ނުވުން. (2) މަދުހުންނަ އޮށުގައި މަދުނެތުން. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށް ލިބޭންވީ ސިފަ އުނިވެފައިވުން. (4) އެނދުމުގެ ސަބަބުން ނެތިގެން ދިއުން. (5) ހުދުކާފޫރާއި ކަރުބޮލަކުފަދަ ތަކެތި އާތްވަށް ވެގެން ދިއުން. (6) ލޮނުމެދު ކާފޫރުތޮޅިފަދަ ތަކެތި ކުޑަވަމުން ދިއުން. މަޖާޒު: (7) ވިޔަފާރީގައި ގެއްލުންވަމުން ދިއުން. (8) ނއ. ހިމަ ކަމީނާ ކުޑަ މިބަސްބޭނުން ކުރަނީ ފުރާނަހުރި ތަކެއްޗާ މެދުގައެވެ
ހުސެންދަރި
ނ (1) އޮޑިދޯނިފަހަރުގެ ހުރަސްފިލާގެ ދެކޮޅުގައި ވާއައްސާން ލަކުޑިން ޖަހާފާ ހުންނަ ދެމޫޓު (2) )ޒ ސ ( އޮޑިދޯނިފަހަރުގެ ދިރުނބާކޮޅުގައި ވާއައްސާން ހުންނަ ދެމޫޓުގެ ތެރެއިން ކުޑަވަނި ފަރާތުގައި ހުންނަ މޫޓު
ހުސްފުށަތުންލުން
މ ފަސްކޮށް ކުޅޭއިރު ކުރާކަމެއް. މިކަންކުރާގޮތަކީ ފަސްއޮށްބައި މައްޗަށް އެއްލައި އަތުގެ ފުށަށް ދިމާކޮށް ފުށަތަށް އެޅުނުއޮށްތައް ފުށަތުން މައްޗަށް އެއްލައި ހިފުމެވެ
ހޫ
ނ )ޏ ސ ( (1) ލޯލި (2) އުއްދަނޑިފަތާއި އޮނުފަތް ފަދަ ފަތްފަތުގައި ހުންނަ ތޫނު ކެހެރި (3) )ލ ( ހުއި
ހޫނުވުން
މ (1) ހޫނުގެ އަސަރުކުރުން (2) މަޖާޒު: ރުޅިގަދަވުން މިސާލު: އޭނާ ހުރީ ވަރަށް ހޫނުވެފައެވެ (3) ކަމެއްގެ ފޯރި ގަދަވުން މިސާލު: އެމެޗު ވަރަށް ހޫނުވެއްޖެއެވެ (4) ކަމެއްގެ ތަޙްޤީޤު ފަދަ ކަމެއް މާބޮޑަށް ހޫނުވުން މިސާލު: އެމައްސަލަ މިހާރު އޮތީ ވަރަށް ހޫނުވެފައެވެ