radheef.info
ރަދީފު


އުޅުން
މ (1) ވުޖޫދުވެގެން (2) ދިރިހުރުން (3) މަސައްކަތް ކުރުން (4) ނ ގޮތްހުރިކަން
ފޮށުން
މ (1) ރުޅިއެރުވުމުގެ މަޤްޞަދުގައި ނުވަތަ ޖެއްސުމަށް މީހަކާއި ބެހިގަނެގެން އެއްޗެހި ކިޔާ އުޅުން (2) ނުރަނގަޅު ކަމެއް ކުރިމަތިވުން މިސާލު: ބަލިމަޑުކަމެއް ފެށުން
ފޮނި
ނ (1) މާމަލުގެ ކަރުގަނޑުގައި ހުންނަ އޮލަ ފެންފޮދު. (2) މާމުޔާއި ހަކުރު ފަދަ ތަކެތީގައި ދޭރަހަ. (3) މޭވާގައި ހުންނަ ހަކުރުގެ ރަހަ. (4) މަޖާޒު: ތިމާގެ މޮޅުކަމާއި ކުޅަދާނަކަން ދެއްކުމަށް ދައްކާ ވާހަކަ (5) ނއ ތިމާއާއި އެކަށީގެންވާ ވަރަށްވުރެ މައްޗަށް ބޮޑާވެގަނެގެން އުޅޭ އުޅުން (6) ދެވޭ ދޮން (7) އަރާމާއި ރާޙަތާއި އުފާ (8) ބަސްބަހުގައި ހުންނަ ބަލާޣަތްތެރިކަން
ފޮތަށްއުޅުން
މ ދީނުގައި އަންގަވައިފައިވާ މަގަށް އުޅުން
ދަހިފޫޅުހެދުން
މ މަޖާޒު: (1) އަބަދު ދަހިލަވައިގަނެގެން އުޅުން (2) އަބަދު ކާހިތްވެގެން އުޅުން
ދަންޖެހުން
މ (1) މަރުވުމުގެ ނިޔަތުގައި ކަރުގައި މަޅިއެއްބައްދައި އެމަޅިއަށް ބާރުވާގޮތަށް އެލިގަތުން (2) މަޖާޒު: ކަމަކާމާބޮޑަށް އެދުންވެރިވެގެން އުޅުން
ދާރަވެރި
ނއ (1) އުޅުންތެރި (2) ބޭނުމެއް ހިފިދާނެ ކޮންމެ އެއްޗެއް ފަހަށް ރައްކާކުރާ
ދާރަވެރިކަން
ނއނ (1) އުޅުންތެރިކަން (2) ބޭނުމެއްޖެހިދާނޭހެން ހީވާ ކޮންމެ އެއްޗެއް ފަހަށް ރައްކާ ކުރާކަން
ދާރަވެރިވުން
މ އުޅުންތެރިވުން
ދާރަވެރިޔާ
ނ (1) އުޅުންތެރިޔާ (2) ބޭނުމެއް ޖެހިދާނެހެން ހީވާ ކޮންމެ އެއްޗެއް ފަހަށް ރައްކާކުރާ މީހާ
ދާވާލުން
މ (1) ރިޔަލުގައި ދަތުރުކުރާ އުޅަނދު އަރިކޮށްލައިފައިދާ ދިއުމުގައި ދަށްކިބާ މަތިކަންމަތިން ފެންއެރުން މިސާލު: އެދޯނިއެދަނީ މަތިކަންދާވާލައިފައެވެ (2) ލަކުޑިގަނޑެއް ކީހަން ކީސް އަޅައިލުން (3) ސަމާސާ ގޮތުގައި އަނެކަކާ ދިމާކޮށްލުން (4) އަޅައިގަނެގެން އުޅުން
ދިރިއުޅުން
މ (1) ދުނިޔޭގައި އުޅުން (2) އުމުރު ވޭތިކުރުން (3) މަޖާޒު: ހަމަޖެހޭގޮތުގައި ދުނިޔެވޭތިކުރުން
ދިރިވޭނޑުން
ނ )ސ ( ދިރިއުޅުން
ދިރީވޭޑުން
މ )ޏ ( ދިރިއުޅުން
ދީންފާޅުކުރުން
ނ އެމީހަކު އުޅޭދީނެއް އެހެން މީހުންނަށް އެނގޭގޮތަށް އުޅުން
ދުނިޔެބަނަވުން
މ (1) އުޑުމަތީގައި ވިލާބޯވުން (2) މަޖާޒު: ދިރިއުޅުން ދަތިވުން
ދުނިޔެއުޅުން
މ ދިރުއުޅުން
ދުނިޔެވެރިކަންނެތުން
މ (1) ހޭބޯނާރައިއުޅުން (2) ބިރުވެރިކަން ހައްދު ފަހަނައި ދިއުން
ދުންކޫނޑި އެނބެރުން
މ )ޏ ( (1) ދުންކުނި އެނބުރުން (2) މަޖާޒު: ކަމަކާއިގެން މާބޮޑަށް އުޅުން
ދުރުހިލޭވެގަތުން
މ ގާތްތިމާގެކަން ނުބަހައްޓައި ދުރުވެ ގަނެގެން އުޅުން
ދުރުހެލިވުން
މ (1) އެއްކިބާވުން (2) ދޫކޮށްލުން މިސާލު: ސިނގިރެޓްބުއިމާ ދުރުހެލިވުން (3) ސަލާމަތްވުން (4) ވަކިވެގަނެގެން އުޅުން (5) ގުޅުން ކަނޑައިލުން