radheef.info
ރަދީފު


އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
ދަރު
ނ (1) އަންދަން ބޭނުންކުރާ ލަކުޑިފަދަ ތަކެތި (2) ހަމަރިޔަލާއި ފޭލި ކޮށިކޮށްލުމުގެ ގޮތުން އޮޅައިލާބައި (3) އަރިޔަންލިޔުމާއި ދިގުހަރު ލިޔުމުގައި ބޭނުންކުރާ ކަށިފަދަތަކެތީގެ ކޮޅުފަތިކޮށްލައި އެއްފަރާތަކަށް ލަނބައި މިޔައަޅައިފައި ހުންނަބައި (4) ފޮނުމަތުގެ ކަށީގެ ކޮޅުގައި ދެފަރާތަށް އަޅައިފައި ހުންނަ މިޔަ (5) ބދ ކުދި ދަގަނޑުކޮޅު
ދަރުޖެހުން
މ (1) ފޮނުވަތުގެ ކައްޓާއި އަރިޔަންހަރާއި ދިގުހަރު ލިޔާކަށިފަދަ ތަކެތީގެ ދަރުހެދުން (2) ފަރުތޮޅިއާއި މާތޮޅިފަދަ އެއްޗެހި ފެނުން ކެނޑިގެން ފުމެމުން ފުމެމުން ދިއުން (3) އުވަވަޅުގައި ވަކިގޮތަކަށް ދަރުއެތުރުން
ދަރުޖެއްސުން
މ (1) އުނދުން އަންދާއިރު އުނދުނަށް ދަރުލުން (2) މީހަކުލައްވައި ފޮނުވަތުގެ ނުވަތަ ދިގުހަރު ލިޔާކަށީގެ ނުވަތަ އަރިޔަން ހަރުލިޔާކަށީގެ ދަރުހެއްދުން
ދަޅި
ނ (1) ފަތްކެޔޮގަހުގެ އެންމެ އެތެރޭބައި (2) ކެޔޮގަނޑުގެ ކެޔޮއަރިތައް ގުޅިފައި ހުންނަބައި (3) ފަތްކެޔޮގަހުގެ ފަތުގެ ތަނޑު (4) )ޏ ސ ( ބައެއްކަހަލަފަތުގެ ތަނޑު (5) )ސ ( ފާނާގާ
ދަޅިދަގަނޑު
ނ ކެޔޮގަނޑުގެ އަރިތައް ނުކުމެފައި ހުންނަ އެތި
ދާރަ
ނ (1) ކައިރިފަށް (2) ދެއަރިމަތިގުޅޭތަން
ދާރަޖެހުން
މ އެއްޗެއްގެ ނުވަތަ ތަނެއްގެ ދެއަރިމަތި ގުޅޭތަނުން ވަކިގޮތަކަށް ބައެއްކޮށައި ނުވަތަ މަށައިނެގުން
ދާވަނިކޮޅުހިފުން
މ ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ތުރުކުރައްވާ ހެދުންކޮޅުގެ ދާވަނިކޮޅުގައި ހިފައިގެން އަރިހުގައި ދިއުން
ދާވާލުން
މ (1) ރިޔަލުގައި ދަތުރުކުރާ އުޅަނދު އަރިކޮށްލައިފައިދާ ދިއުމުގައި ދަށްކިބާ މަތިކަންމަތިން ފެންއެރުން މިސާލު: އެދޯނިއެދަނީ މަތިކަންދާވާލައިފައެވެ (2) ލަކުޑިގަނޑެއް ކީހަން ކީސް އަޅައިލުން (3) ސަމާސާ ގޮތުގައި އަނެކަކާ ދިމާކޮށްލުން (4) އަޅައިގަނެގެން އުޅުން
ދިއްޖެ
ނ ރައީސުންނާއި ރަސްރަސްކަލުންގެ އަނބިއަނބި ކަނބަލުންނާއި ދަރިދަރިކަނބަލުންގެ ޚިދުމަތުގައި އެންމެ އަރިހުގައި ހުންނަވާ އަންހެން ސާހިބާ
ދިވެހިކަސްތޫރި
ނ ކާމަރަނގަ ހުންނަހެން އަރިއަރިއަށް ހުންނަ ތޮޅިއެއްއަޅާ ގަހެއް. މިއީ ގާތްގަނޑަކަށް އިސްކޮޅާ ހަމަޔަށް ހެދޭ ތިންކަތްޕަށް ފަތްހުންނަ ގަހެކެވެ މިގަހުގެ އޮށުގައި ވަރަށް މީރުވަސްދުވައެވެ މިއީ ވަރަށް ގިނައިން ތޮޅިއަޅާ ގަހެކެވެ މިއީވަސް ދުއްވުމަށާއި ބޭހަށް ބޭނުންކުރާ އެއްޗެކެވެ
ދިދަބިބީ
ނ ބިބީއާ ވައްތަރުގޮތަށް ހުންނަ ހުދުކުލައިގެ ކުޑަ ފަރުމަހެއް މިމަހުގެ އަރިމަތީގައި އަޅިކުލައިގެ ދެރޮނގު ހުންނާނެއެވެ އަދި މަތީކޮތަރިބައިގެ މެދުގައި ދިގުނަރުވައެއް ހުންނާނެއެވެ
ދުންތަރިފާނަ
ނ ބޭރުކަނޑުތަކުގެ އަޑީގައި ދިރިއުޅޭ ފަނޑު އަޅިކުލައެއްގެ މަހެއް މީގެބުރިކަށިމަތީގައްޔާއި ދެއަރިމަތީގައްޔާއި އަދި ކަރުތާފަތް މަތީގައި މުށިކުލައިގެ ކުރެހުން ބައެއް ހުންނާނެއެވެ
ދުވާރު
ނ މަގުގެ ދެފަރާތުއަރިމަތީގައި ހިނގަން އޮންނަތަން
ދުވާފަރުދަންޑަހެލު
ނ ޣާޒީބަންޑާރައިންގެ އަރިހުގައި އުޅުނު ވަރަށް ހަލުވި އެހައިމެ ހުސިޔާރު ވަފާތެރި ޚާދިމެއް އޭނާއަކީ ކަޅުއޮށް ފުންމީގެ ދަންޑަހެލެވެ
ދެހަޅަޖަހައި ހަޅަމަޑުވެ ވައިއުތުރަށްއެރުން
މ (1) އިރުވައިމޫސުމުގެ ދެހަޅަ ޖަހައިނިމި މަޑުވެ އުތުރުން ވައިޖެހޭން ފެށުން. (2) މަޖާޒު: އަރިއަރުންގަނޑެއްނިމި ޞުލްޙަވުން
ދެކުނުއަރުމާޒު
ނ (1) އައްސުލްޠާނު މުޙައްމަދު މުޢީނުއްދީން )އެއްވަނަ( އަރި އަތޮޅަށް ކުރެއްވި ދަތުރުފުޅު (2) މިދަތުރުފުޅުގެ މައްޗަށް ބަނޑޭރި ޙަސަން މަނިކުފާނު ހެއްދެވި ރައިވަރުގެ ސިލްސިލާ
ދެގެދޭތެރޭމީހުން
މ ހަނގުބޭކަލުންގެ ތެރެއިން ހިމެނޭ ބައެއް މިމީހުންގެ ވަޒީފާއަކީ ރަދުން ރަސްމީ އިއްޒަތުގައި ތަންތަނަށް ވަޑައިގަންނަވާއިރު އަރިހުގައި ބަޑިހިފައިގެން ދިއުމެވެ މިމީހުންގެ ރަސްމީ ހެދުމަކީ އޮށަނިމަލު ހެދުމެވެ
ދޮންރީނދޫމަސް
ނ (1) ރީނދޫމަސް (2) އަރިމަތީގައި ނޫކުލައިގެ ހަތަރު ރޮނގުފާޅުކޮށް ހުންނަ ކޮތަރިބައި ރީނދޫ ކުލައިގައި ހުންނަ މަހެއް މިމަސް އުޅެނީ ތިލަވިލުގައްޔާއި ފަރުފަރުގެ ބޭރުގައެވެ
ދޮންބިބީ
ނ (1) ބިބީ ޢާއިލާގެ މަހެއް މިމަހުގެކުލައަކީ ގަދަ ރީނދޫ ކުލައެވެ މަހުގެ ލޯހުރަސްކޮށް ކަޅުކުލައިގެ ހިމަރޮނގެއްދެމިފައި ހުރެއެވެ އަދިމަހުގެ އަރިމަތީގައި ކަޅުކުލައިގެލަފެއް ހުރުމާއެކު މަހުގެ ނިގޫފަތުގެ ބުޑުހުރަސްކޮށްވެސް ހިމަކޮށް ހުންނަ ކަޅުކުލައިގެ ރޮނގެއްހުރެއެވެ މީގެނިގޫފަތުގެ ކުލައަކީ ހުދުކުލައެވެ (2) ދިވެހި އަންހެނުންނަށް ކިޔައިއުޅޭނަމެއް