radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ނުކުތުން
މ (1) އެތެރޭން ބޭރަށް އައުން (2) ތުރަވުން (3) ވަނުމުގެ އިދިކޮޅު މަޖާޒު: މަސައްކަތަށް ހާޟިރުވުން
ނުސީދާ
(1) ސީދާނޫން (2) ތެދުގެ އިދިކޮޅު (3) ހަމަޔާ އިދިކޮޅު (4) ހުޅަތް
ނުސީދާކަން
ނއނ (1) ސީދާ ނޫންކަން (2) ހަމައާއި އިދިކޮޅުކަން
ނުސީދާވުން
މ (1) ސީދާ ނުވުން (2) ހަމަޔާއިދިކޮޅުވުން
ނޫނު
ނ (1) ތާނައިގެ ތިންވަނަ އަކުރުގެ ނަން (2) ދެކޮޅުގައި މުލައްގަނޑު ޖަހައިފައި ހުންނަ ގިލަކިއްސަރު ތިލަކޮށް އޮންނަ ޖަހާދޯންޏެއް
ނޫކަށިމަސް
ނ )ޅ ( މޫދުގައި އުޅޭ މަހެއް މިމަހުގެ ނަގޫކޮޅުކައިރީގައި ދެއަރިމަތީގައި ބައި އިންޗި ހުންނަވަރުގެ ނޫކުލައިގެ ކައްޓެއް ހުރެއެވެ މިމަހުގެ އެތެރޭކަށިވެސް ހުންނާނީ ނޫކުލައިގައެވެ މިއީ ގުދަންމަހާ އިލިގަނޑު މަހުގެ ޢާއިލާގެ މަހެކެވެ
ނޫކާޅު
ނ ރާއްޖޭގެ ފަރުފަރުގެ މުރަކައާއި ގާތަކުގެ ތެރޭގައި ވަރަށް ގިނައިން އުޅޭ މަހެއް މޫދުމަސް ދިރުވައިގެން ގެންގުޅޭމީހުންގެ ގާތުގައި މިއީ ވަރަށް މަޝްހޫރު މަހެކެވެ މަހުގެ ބޮލުގެ ކުލައަކީ ކަލުކުލައެވެ ކޯތާފަތުގެ ކުލަ ހުދުވާނެއެވެ ހަށިގަނޑުގައި ހަންހުރި ހުރިހާ ހިސާބެއްގެ ކުލައަކީ ނޫކުލައެވެ ނަގޫފަތުގެ ކޮޅުގައްޔާ ބުޑުދަށުގައި ހުރަހަށް ކަލުކުލައިގެ ފުޅާ ދެރޮނގު ހުންނާނެއެވެ
ނެރަށްކިއުން
މ ފުރާދުއްވާ އެއްޗެއްގެ ދިރުނބާ ކޮޅުގައި ހުރެގެން ނެރު ދެއްކުން
ނެރުފާހަގަ
ނ (1) ނެރުފާހަގަ ކުރަން ޖަހައިފައި ހުންނަ ހޭރި (2) ނެރުގެ ވަނަވަރު މިސާލު: ފަރުކޮޅުފުއްޓާ ވިހަމަނާ ފުއްޓާ ޖެހޭއިރު ފޭދޫގެ ނެރަށް ސީދާވުން
ނެއްޓުން
މ (1) ހަރުވެފައި ނުވަތަ ހަރުކޮށްފައި ހުރި އެއްޗެއް ވަކިކުރުން (2) އަޅުވާފައިހުރި އެއްޗެއް ނެގުން (3) ތަތްކޮށްފައިހުރި އެއްޗެއް ވަކިކޮށްލުން (4) ބޮލުގައި އެޅިފައިވާ ކަމަކުން ރެކިގަތުން (5) އޮޅުލުމުގައި ބައްދާފައިވާ ބެއްދުމުން ސަލާމަތްވުން (6) ނެށުން މިބަސް ކުރުވުމުގެ މާނާގައި ބުނާގޮތް (7) އެޅުވުމުގެ އިދިކޮޅު
ނެތުން
މ (1) ހުރުމުގެ އިދިކޮޅު (2) ހުސްވެފައިވުން
ނޭޒާ
ނ (1) ހަނގުރާމަވެރިން ގެންގުޅޭ އެއްކޮޅު ތޫނު ދަގަނޑު ހަތިޔާރެއް (2) ވަޖިދުވާ މީހުން ގެންގުޅޭ ހިމަ ދަގަނޑެއް
ނޮޅުން
މ (1) ކުދިގަސްތަކެއް އުފުރުން (2) ގަހަކުން ފަތްވަކިކުރުން (3) ތަނޑުން ފަތް އުފުރުން (4) ތޮށިދޫ މޭވާއާއި ތަރުކާރީގެ ތޮށި ފިލުވުން (5) ބަކަރި ކުކުޅުފަދަ ތަކެތީގެ ހަން ފިލުވުން (6) ދޫނިސޫފާސޫފީގެ ފަތް އުފުރުން (7) ވީދާ ވަކިއަޅާހެދުން (8) ކުކުޅުބިސްފަދަ ތަކެތިން ތޮށި ފިލުވުން (9) ހަށިގަނޑުން ފޮޅިފައިހުންނަ ހަންކޮޅުކޮޅު ނެއްޓުން
ނޯށް
ނ (1) ނޭފަތް. (2) ނޭފަތު ހިނދުރި. (3) ކާށީގެ ތިންލޮލުގެ މެދު. (4) ދާންޏާއި އުނދުޅި ފަދަތަކެތީގެ ދަނޑިލާ ލޯވަޅާއި ދިމާއިން އުސްކޮށްފައި ހުންނަ ތަންކޮޅު
ރަންކަނިބުރުން
މ (1) ލޯމަތިން ރަންކަނިތަކެއް ފަދަ އެއްޗެހިތަކެއް ފެންނަގޮތްވުން (2) ބޮލަށް ބާރުކުރާގޮތަށް އެއްޗަކުން ޖެހުމުން ލޮލުގެ ކުރިމަތިން އަލިކޮޅުކޮޅު ފެނުން (3) މަޖާޒު: ރުޅި އައިސްފައިވާލެއް ބޮޑުކަން ބަޔާން ކުރުމުގެ ގޮތުން ބުނާ ބަހެއް
ރަންކޮ
ނ )ޅ ( ރަންކޮޅު
ރަންފާނަ
ނ ފާނައިގެ ބާވަތެއް މީގެ ކުލައަކީ ރަންކުލައެވެ މަހުގެ ބޮލާއި ހަށިގަނޑުގައި ނާރިގު ކުލައަކަށްދާ ރީނދޫ ކުލައިގެ ކުދި ތިކިތަކެއް ހުރެއެވެ މަހުގެ ނިގޫފަތުގެ ކޮޅުގައި ނޫކުލައިގެ ހިމަ ފަށެއް ހުރެއެވެ
ރައި
ނ )ސ ގ ( (1) ވާންކަމުގެ އިދިކޮޅު (2) ހިފެހެއްޓުމުގެ އިދިކޮޅު (3) ދޫވެފައި ހުންނަ ތަން
ރަމަން
ނ (1) ބޮލުގެ ހަމުގައި ތަތްލައިފައި ހުންނަ މިލަ (2) ބޯބާލާއިރު އޮމާންނުވެ ހުންނަ އިސްތަށިކޮޅު
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން