radheef.info
ރަދީފު


ކޮން
އ (1) އޮޅުން ފިލުވުމަށް ކުރާ ސުވާލުގެ ކުރިއަށް ގެންނަ ލަފުޒެއް މިސާލު: )ހ( ކޮންބައެއް )ށ( ކޮންތާކަށް )ނ( ކޮންއިރަކު (2) ނ ކަނބޯ
އަސްކަރުންގެ ދަނޑި
ނ އަސްކަރުންގެ ކޮންމެ ގެއަކަށް ދެދަނޑި މަގުން އޮންނަ ދިހަ ދަނޑިއާ އަތްތާރަފަނީންގެ އަށްބައިގެ އަށްދަނޑިއާއެކު އަށާރަދަނޑި މިއީ ކުދި މުސްކުޅީންނަށް ދެއްވާ އަށާރަ ދަނޑިއެވެ
އަޑިއެޅުން
މ (1) ވާން އުޅޭ ކަމެއް ކޮންމެވެސް ސަބަބަކާހުރެ ވަންހަނާގޮތެއްގައި ލަސްވެފައި އޮތުން މަޖާޒު: (2) ފައިސާގެ ގޮތުން ނުވަތަ ދިރިއުޅުމުގެ ގޮތުން ފެންވަރު ދަށްވުން
އާނުކެނޑުން
މ ވަޅު ކޮންނަމުންގޮސް އާނާއި ޖެހުނީމާ އާނު ފޫދުއްވައިލާން ކެނޑުން
އާބުރުރުމާ
ނ ބޮލުގާއަޅާ ރުމާލުގެ ބާވަތެއް. މިހުންނާނީ ކައިރީގައި ހިމަރޮނގުތަކެއް ހުރެފައި ކަންކަޅުކޮންނެވެ
އާޔަތް
ނ ޤުރުއާނުގެ ސޫރަތަކުން ބައެއް ޤުރުއާން ލިއުމުގައި ކޮންމެހުއްޓުމެއް ގެނެސްފައިވަނީ އާޔަތެއް ފުރިހަމަވީމައެވެ
އިރަމައު
ނ ބޮނޑިޔަކަށް ހުންނަ ހުދުމަލެއް. މީގައި މަޑު މީރުވަހެއް ދުވައެވެ. މިއަށް ހާނީއްކައެއް ލިބިއްޖެނަމަ ދުވާނީ ވިހަވަހެވެ މީގެ ގަސް ހުންނާނީ ފަތްބޮޑެތި ކޮންނެވެ މިއީ މުލުން ގަސްފަޅައިގެން ވަރަށް ގިނަވާ އެއްޗެކެވެ
އިރުވައިކޮލި
ނ ކޮންމެ އަހަރަކު މުލަ ނަކަތް ލައިގަތީމާ ހެޔޮ އިރުވަރެއް ބަލައި ބަޑިހެލުމަށްފަހު ރަދުން ގަނޑުވަރަށް ވަދެވަޑައިގަތީމާ ލައި އުޅުނު ކޮލި. މިއީ ދެބަނޑޮސް ދޭތެރެއިން އޮޑިއެއް ދޯންޏެއް ނުވަނުމަށާއި ފާރުދޮށްކޮށައޮ ދަމަށް އަރާން ކުރާ އަމުރުގެ ކޮއްޔެވެ
އިލޮށިޖެހިކެޔޮ
ނ (1) ބަނބުކެޔޮ މަޑުކުރާ އިރު މަޑުވެއްޖެތޯ ބަލާން އިލޮށި ހަރާފައި ނަގައި ކާލާ ކެޔޮކޮޅު (2) މަޖާޒު: ކޮންމެވެސް ބޭނުމަކަށް ތައްޔާރުކުރާ އެއްޗެހީގެ ތެރެއިން އެގޮތް މިގޮތަށް ނެގޭ ތަކެތި
އިސާންނައޯގަ
ނއ ކޮންމެ ކަމެއް ކުރުމަށް ނުބައި އިރުވަރު
އިސާރަތްކުރުން
މ ކޮންމެވެސް ލިސާނަކުން އަންގައިލުން
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އުށް
ނ (1) ކޮންމެވެސް ތެޔޮމާއްދާއަކުން ގަނޑުގަންނަވައި ގެންހަދާއެއްޗެއް މިއީ ދިއްލާށާއި އެއްޗެތި ތެޔޮކުރާން ބޭނުންކުރާ އެއްޗެކެވެ (2) ބޭސްއުށް (3) ބައެއް އެއްޗެތީގެ މަތިގަނޑުގެ މެދުގައި ހިފާށާއި ރީއްޗަކަށް ޖަހައިފައި ހުންނަ ކުޑަގޮބު ނުވަތަ އުސްތަންކޮޅު (4) މަރުވަޅީގައި ފައިގެ ދެއިނގިލި ދޭތެރެއިން ހިފާން ހުންނަ ކުޑަގޮބު
އުނހޫ
އ (1) ނޫނެކޭ (2) ތިމާޔަށް ކޮންމެވެސް ފަރާތަކުން އުނދަގުލެއް ލިބޭން ފެށީމާ ތުރާވެގެން ބުނާގޮތެއް
އުޅަނދުމަތި
ނ ރަށްފުށު މީހުންނަށް ދެއްވާ ދަރަޖައެއް. މިއީ އޮޅިމެދެއްގައި ނުވެތިބޭ މީހުންނަށް ދައުލަތުގެ ސިޓީއަކުން ދެއްވާ ކަމެކެވެ. މިކަމަށް އޮންނަނީ މައުލޫދު ކިއުންފަދަ ކަންތަކަށް ބިލެތާއި ދިއުމުގެ ދަރަޖައެވެ. މިއީ އުތުރު އަރުމާޒު ވަޑައިގަތްފަހަރު ރަށްރަށުން އަރުމާޒު ދޮށަށް އައި ފުރާދުއްވާ ތަކެތީގެ މީހުންކުރެން އުޅަނދަކަށް އަރައި އުޅަނދެއްގައި އަތުރު ކުޅަ ކޮންމެމީހަކަށް ދެއްވި ދަރަޖައެކެވެ އެއަށްފަހު ރަށްފުށު މީހުންނަށް މިދަރަޖަ ދެއްވަނީއެވެ
އުދަލި
ނ ދަގަނޑުންހަދައި ލަކުޑި ދަނޑިއެއްލައިފައި އޮންނަ ވަޅު ކޮންނަން ގެންގުލޭ އާލަތެއް މީގެ ތިލަ އޮންނަނީ ތުނިކޮށް ހަތަރެސްކަން ހަމަވާ ވަރަށްވުރެ ކުޑަ ތަންކޮޅެއް ދިގުކޮންނެވެ
އުލަށް ހެޔަވަރުވުން
މަޖާޒު: ނުރުހޭ ކޮންމެކަމަކާ މަތިވުން
އެންމަޑި
ނ އެން އަރާ ދުވަސްވަރަށް ކަނޑުން ފެންނަ މާބޮޑެތި މަޑިއެއް މިހުންނާނީ ބުރިކަށިމަތި ކަޅުކޮށް ބަނޑުފުށް ހުދުކޮންނެވެ
އެންދުން
މ (1) އަންދާނޭގޮތް ހެދުން (2) ނާށި ދަރުފަދަތަކެތީގައި ރޯކޮށްގެން އަލިފާނަށް ހެދުން (3) ކޮންމެވެސް ބައްޔަކަށްޓަކައި މީހުންގެގައިގެތަން ތަން ފިއްސުން (4) މެއިންހޫނުނެގުން
އެރި
ނ (1) ރުކު އެޅުމާއި ބަނބުކެޔޮ ކެނޑުންފަދަ ކަންކަމުގައި ގަހަށް ރުކަށް އަރާމީހާއަށް އޮންނަބައި މިއީ ހަތަރެތިން އެކައްޗެވެ ކޮންނަ އެއްޗިއްސާއި ހޮވާ އެއްޗެހީންދޭ ބަޔަށްވެސް މިހެން ކިޔައެވެ (2) "އެރުން" މިބަހުގެ ނިމިނިމުނުކަން
އެކުނި
ނއ ދިވެހީންގެ ގުނުމުގައި ޢަދަދުކިޔާއިރު ފައްސިހި ތިންދޮޅަސް ފަނަސް ފަސްދޮޅަސް ފާނހިތި މިއިންކޮންމެ ޢަދަދަކަށް އެކެއްމަދުވީމާ ކިޔާގޮތް. މިސާލު: އެކުނި ފައްސިހި އެކުނި ތިންދޮޅަސް