radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ހޮވައިނެގުން
މ )މަލިކު( އިންތިޚާބުކުރުން
ހޮވުން
މ (1) ބިމައްވެއްޓިފައި ހުންނަ ބައެއްތަކެތިނެގުން (2) އެތަކެއް ބާވަތުގެ އެއްޗެހި އެއްވެފައި ހުރިތާކުން ވަކިބާވަތެއްގެ އެއްޗެހި ނެގުން މިސާލު: )ހ( ހަނޑޫ ހޮވުން (3) ގެއްލިފައި ހުންނަ ތަކެތި ފެނިގެން ނެގުން (4) ވަކިކަމަކަށް ބަޔަކު ނުވަތަ މީހަކު އިޚްތިޔާރުކުރުން (5) ބައެއް ކުޅިވަރުގައި ކުޅޭ ބައިނޫން އަނެއްބައިގެ މީހުން ކުރާކަންތައް މިސާލު: ކުރިކެޓް ކުޅޭއިރު ބޯޅަހޮވުން މަންޑިކުޅޭއިރު ފޯލި ހޮވުން
ހޯހޯގޮވުން
މ ހުއްޓާލާން އަމުރުކުރުން
ހޯދަރުކުރުން
މ )ސ ( ހަދާފައިހުރި އިމާރާތެއްގެ އެތެރޭގެ ހުރިހާބައިނަގައި އެއްހޯލެއްގެ ގޮތުގައި ތަންބޮޑުކުރުން
ހޯދައިބެލުން
މ (1) ކަމެއްގެ ނުވަތަ އެއްޗެއްގެ ޙަޤީޤަތް އޮޅުން ފިލުވުން (2) ބަހުސް ކުރުން (3) ތަޙުޤީޤު ކުރުން (4) ތަޙްލީލު ކުރުން
ހޯދީނެރުން
މ )މކ ( ހުރަހަށް ދައްސޫރަ ދުއްވާފައި ފިލިމަސް އޮޑިއާ ދުރުކުރުން
ހޯދުން
މ (1) އެއްޗެއް ނުވަތަ ކަމެއް ފެނޭތޯ ބެލުން (2) މަސައްކަތް ކޮށްގެން ތަކެތި މިލްކް ކުރުން (3) ޙާޞިލްކުރުން
ހޯޖާކުރުން
މ (1) ކާސިކުރުން (2) "ހޯޖާ" ބަލާ!
ނަނުފެއްތުން
މ ނަނުގައި ބަރެއް އައްސައިގެން މަސްބާނަން ކަނޑުއަޑިއަށް ދޫކުރުން
ނަންހިންގުން
މ މަޝްހޫރުކުރުން
ނަންބަރުހެދުން
މ (1) ވިޔަކުރުން (2) ނ 52-4-1631 ވަނަ ދުވަހުން ފެށިގެން ދިވެހި އަންހެނުން އަޅާން ސަރުކާރުން ހުއްދަދެއްވި ތިންބާވަތުގެ ހެދުން
ނަންއިއްވުން
މ (1) ނަންހިންގުން (2) ނަންފައުޅުކުރުން
ނަރުދެމުން
މ (1) ވިރި ކެކޭތަކެތި ނަރުފިލާއިން ދަމައިގެން ނަރެއްހެން ހިމަކުރުން (2) ބޮބިން ނަރު ވަކިކުރުން
ނަކަތްގެލެވުން
މ ޚިތާނުކުރުން
ނަކަސްތެޅުން
މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ނައިކަލުން
މ ދަމާފޮތިގަނޑުގައި ނައިކަ ހަރުކުރުން
ނަމާދުކުރުން
މ ޚާއްޞަވެގެންވާ ޝަރުތުތަކަކާއި ލައިގެން ތަކުބީރަކުން ފެށޭ ސަލާމް ދިނުމަކުން ނިމޭކަންތައްތަކަކާއި ދުލުންކިޔޭ ކިޔުންތަކެއް ހިމެނިގެންވާ އަޅުކަމެއްކުރުން
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން
ނަދުރުބެހެއްޓުން
މ ނަދުރު ބުނެގެން ބޮލު މެދުން އިސްތަށި ކޮޅެއްދިގުކުރުން