radheef.info
ރަދީފު


ކަން
ނ (1) ޢަމަލު. (2) މަސައްކަތް. (3) ދެފަރާތުގެ ދެބިތް ނުވަތަ ދެކައިރި ޖެހޭތަން. (4) ހުރަހާއި ދިގާ ޖެހޭތަން. (5) ދެގަނޑެތި ސީދާ ނޫން ގޮތަށް ޖެހޭތާ ކޮޅު. (6) އޮށްވަޅު ގޮނޑީގެ ދެފަރާތުން ފިހާރަދޮށު ދެ ވަޅު. (7) ބޮލުގައި އަލާރުމާލުގެ ކަނާ ކައިރީގައި ހަތަރެސް ކަނަށް ހުންނަގޮޅި މިގޮޅި ކަޅުކޮށްނާއި ހުދުކޮށް ހުރެއެވެ. (8) އަލަމާރިއާއި ސޯކޭސްފަދަ ތަކެތި ވަރުގަދަ ކުރުމަށް ކަނަކަށް ލެވޭގޮތަށް އެތެރޭގައި ހަރުކުރާން ޕުލާސްޓިކު ނުވަތަ އެފަދަ އެއްޗަކުން ހަދައިފައި ހުންނަ އެތިކޮޅު. (9) ކަމެއް ހިނގި ހިނގާ ހިނގާނެ ނުވަތަ ހިނގައިފާނެކަމެއް ބަޔާން ކޮށްދޭ ކޮންމެ ބަހެއް )01( ކެއުން މިބަހުގެ ވާކަން
ހިތުނިޔަތް
ނ (1) ހިތުގެ ގަސްތު (2) އަޅުކަންކުޅައުމަށް ހިތުންކުރާ ގަސްތު
ހިތުނިޔަތްގަތުން
މ (1) ހިތުން ގަސްތުކުރުން (2) އަޅުކަމަކަށް ފަށާއިރު އެކަން ހިތުގައި ގަސްތުކުރުން
ހިތުނެތްގޮތް
ނ (1) ހިތަށްވެސް ނާރާ ފަދަ ކަންތައް (2) ތަނަވަސްކަމުގެ ކޮޅުނެތް ކޮޅު މިސާލު: އައްޔަށް އެ މާވަހަރު ހޮވުނުފަހުން އެ އާއިލާ ހިތުނެތްގޮތަށް ދިރިއުޅެމުން ގެންދެއެވެ
ހިތުން
ނ (1) ހިތަށް ފެންނަ ގޮތް މިސާލު: މަހިތުން މިހާރު އިރު އޮއްސިދާނެ (2) މީހަކާ މެދު ކަންކުރާގޮތް މިސާލު: ހެޔޮކޮށް ހިތާ ހިތުން ނުބައިކޮށް ހތިާ ހިތުން (3) މ ހީކުރުން
ހިތުންފިލުން
މ (1) ހަނދާންނެތުން (2) ކަމަކާމެދު ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނެތިގެންދިއުން
ހިތުންފިލުވުން
މ (1) ހަނދާން ނައްތައިލުން (2) ކަމަކާ ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނައްތައިލުން
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިތުގައި ގާގަނޑެއްހެން އޮތުން
(މިސާލުބަހެއް) ތިމާޔަށް ހަސަރުކުރާގޮތަށް އަނެކަކު ކުރާކަންތައް ނުވަތަ ބުނާބަސްތައް ހިތުން ފިލައިގެން ނުގޮސް ހުންނަ ހުރުމަށް ބުނެއުޅޭބަހެއް
ހިތުގައިޖެހުން
މ (1) ހިތަށް ތަދުވުން (2) އަނެކަކު ކުޅަ ކަމަކުން ތިމާގެ ހިތަށް މޮޅިވެރިކަން ލިބުން
ހިތުގިނި
ނ (1) ހަސަދަވެރިކަން (2) އަނެކަކަށް ރަގަޅުކަމެއް ލިބޭތީ ތިމާގެ ހިތަށްވާތަދު
މިސާލު: މީހެއްގެ ކިބުރުވެރިކަމާއި ބޮޑާކަން މާމައްޗަށް ދިއުމުން އެކަމާމެދު ބުނެއުޅޭ ބަހެއް ހިތް އޮންނާނީ އާސްމާނުގައެވެ
ހިތްހަށިހަމަވުން
މ (1) ހިތާއި ހަށިގަނޑު ހަމަޖެހިފައި ހުރުން (2) ހިތްގައިމު ކަންލިބުން
ހިތްހިތަކަށްވުން
މ (1) އަމިއްލަ އަމިއްލައަށް ކަންކުރެވޭގޮތްވުން (2) ބަޔަކު މީހުންގެ ހިތަށްއެރިހައި ގޮތަކަށް ކަންކުރެވޭގޮތްވުން
ހިތްހެޔޮކަން
ނއނ (1) މީހުންގެ މައްޗަށް ހިތުގައި ލޯބިހުރިކަން (2) އޯގާވެރިކަން
ހިތްނުބައިކަން
ނއނ (1) މީހާގެ އެތެރެފުށް ނުސާފުކަން (2) ޙަސަދަވެރިކަން (3) ނުނިޔަތްލާކަން (4) ހިތުގައި އުފެދޭ ރުޅިވެރިކަން
ހިތްނުބައިވުން
މ (1) މީހާގެ އެތެރެފުށް ނުސާފުވުން (2) ހަސަދަވެރިވުން (3) ނުނިޔަތްލުން (4) ރުޅިވެރިކަން އުފެދުން
ހިތްބަރުވުން
މ (1) ހިތުގައި ކިލަނބުކަން ހިނގުން (2) ހިތްނުބައިވުން
ހިތްބަލިވުން
މ (1) ފަސޭހައިން ހިތުގައި ޖެހުން (2) ކިތަންމެ ކުޑަކަމުންވެސް އަވަހަށް އަސަރުކޮށް މޮޅިވުން (3) ކަންތަކާ މާބޮޑަށް ދެރަވުން
ހިތްކޮށިކަން
ނއނ ދަސްކުރުމުގެ ބާރު ކުޑަކަން
ހިތްއަވަސްވުން
މ (1) ކަމެއްވާލެއް ލަސްވެގެން އެކަމާ ކަންބޮޑުވެގެން އުޅުން (2) ލައިނުގަނެގެން އުޅުން (3) ކެތްތެރިކަން ކުޑަވުން