radheef.info
ރަދީފު


ޅީ
ނ (1) ފޮނިގަދަ އެއްޗެހި ގިނައިން ކޭމާ އަނގަޔަށާއި ކަރުތެރެއަށް ވާގޮތް (2) ފޫހި
ފިޔާފެން
ނ ފިޔާކޮށައިފައި ފެނަށް އެޅީމާ އެހުންނަފެން
ފުށްކަފަ
ނ ފުށްކަފަގަހުގެ ތޮޅީގެ އެތެރޭގައި ހުންނަ މަޑު އޮމާން އެއްޗެއް މިހުންނާނީ މަޑުމަޑު ކިސުޑި ކުލައެއްގައެވެ
ފުރަގަސްފަރާތްފޭބުން
މ (1) ވަޔަކުން ނުވަތަ ބަނޑުހިކިގެން ލިބޭ ހާނީއްކައަކުން ފުރަގަސް ފަރާތުން ނަޖިސް ނިކުންނަ ހޮޅީގެ ކޮޅުބޭރަށް ނުކުތުން (2) ބުރި ފޭބުން
ފުޅިމަދު
ނ (1) އޯކުގަހުގެ ތޮށި. މި ބޭނުންކުރަނީ ފުޅީގެ އުނގުރި އަށާއި ޕެކިނަށެވެ. (2) ޕެކިނަށާއި އެއްޗެހި ބަންދުކުރުމަށާއި ފުޅީގެ އުނގުރިއަށް ބޭނުންކުރުމަށް ޕްލާސްޓިކުން ހަދައިފައި ހުންނަ އެއްޗެއް
ފުޅިތޮށިޖެހުން
މ (1) ތެޅިފައިވާ ފުޅީގެ ތޫނު އެތި ކޮޅުތައް ފާރުމަތީގައި ހަރުކުރުން )މިކަން ކުރަނީ ވަގު ނުވަންނާނެގޮތް ހެދުމަށެވެ ( (2) ފުޅިތޮށި ހިމުންކޮށް ފުޑައި ތެރަހާއި އެއްކޮށް ރޮދީގައި އުނގުޅުން )މިކަން ކުރަނީ ތޯޅުވުމަށެވެ
ފުއްކެނޑިވަޅި
ނ (1) ވަޅީގެ މިއަ ހުންނަ ފަރާތުގައި ތުނޑުތަކެއް ކަނޑައިފައި ހުންނަ ގޮތަށް ހަދައިފައިވާ ވަޅި (2) ޕާންކަފާ ވަޅި
ފުއްވަޅުބެލުން
މ ބޮޑު ބަޑިޖަހާ އިރު ފުއްވަޅަށް ބޭސްއެޅީމާ ހުރިގޮތް ބަލައި ފާސްކުރުން
ފުފުން
މ (1) އެއްޗަކަށް ވައިޖެހުމުގެ ސަބަބުން އެ އެއްޗެއް ބޮޑުވުން. (2) ކާއެއްޗެހި ފިހުމަށް ފުށްގަނޑު މޮޑޭއިރު އަޅާ އެއްޗެއްގެ ސަބަބުން އެ އެއްޗެއް ފިހެވެމުން ދާއިރު އުފުލުން. (3) ދިރޭ އެއްޗެއް މަރުވެގެން ގިނައިރުވުމުން ފިލުނދުވެގެން ބޮޑުވުން. (4) ހައްޔަރުގައި އިނުމުގެ ސަބަބުން ނުވަތަ ގިނައިން ކެއުމުގެ ސަބަބުން ބަނޑު ބޮޑުވުން (5) މަޖާޒު: ރުޅި ގަދަވެގެންގޮސް ރުޅީގެ އަސަރު މޫނުމަތިން ފާޅުވުން
ފުސްއެރުން
މ (1) ލޮލުގެ ކަޅުކަޅީގެ މައްޗަށް ފުސްފޭބުން (2) އުދަރެހުން ފުސްވިލާ އަރަމުން ދިއުން (3) ބިއްލޫރި ފަދަ އެއްޗެހި ފުސްވުން
ފުސްފޭބުން
މ ލޮލުގެ ގޮބޮޅީގެ މައްޗަށް ފުސްއެރުން
ފޫޓުމަސް
ނ (1) އެމުގެ ބާވަތެއް މިއީ ފެނާއި ލޮނުގައި ދިރިއުޅޭ ފެހި މުށިކުލައިގައި ހުންނަ ހުލުނބުތަށް ބޮޑެތި މަހެކެވެ ގިނައިން މިމަސް ދިރިއުޅެނީ ކުޅިކުޅީގައެވެ މި މަހަށް ފޫޓުމަހޭ ކިޔަނީމިމަސް ފޫޓެއްހާ ވަރަށް ބޮޑު ވާތީއެވެ (2) ތެލާޕިޔާ
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކުޅިލައިގަތުން
މ (1) ފެން ކުޅީގެ މޫސުން އައުން (2) ހިތަ ނަކަތް ލައިގަތުން
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފެންއެޅުން
މ (1) ކުދިން ޚިތާނުކޮށްގެން ފަސޭހަވީމާ ފެންވެރުވުން (2) އަންހެނުން ވިހައިގެން ސާޅީހަށް ފެންވެރުވުން (3) ތަނަކަށް ނުވަތަ އެއްޗަކަށް ފެން އޮއްސުން
ފޯއް
ނ (1) ފެންފޯއް ރުކުގައި ނުކުންނަވައް މިހުންނާނީ އިހާ އިހަލަށެވެ (2) ފިރިހެނުންގެ އުރަވަޅީގެ އޮށް
ދަނޑިމަސް
ނ (1) މަސްދޯނިފަހަރު ވަކިވަރަކަށް މަސްބާނައިގެން އައިމާ އެބޭނިމަހުން ގަނޑުވަރުތެރެއަށް ގެންދާމަސް މިމަސްގެންދާ ގޮތަކީ ތިންމީހުން ތިންދޮށީގެ ބުޅީގައި މަސް އަޅުވައިގެން ތިންދޮށި ކޮނޑުމަތީގައި ބާއްވައިގެން ކޮންމެ މީހަކު އެމީހަކު ދޮށީގެ ބުޅީގައި އަޅުވައިފައި އޮންނަމަހުގެ ނިގޫފަތުގައި ހިފައިގެންނެވެ (2) ޚާއްޞަގޮތްގޮތުން ދޯނިފަހަރުންދޭ މަސް
ދަންފުޅި
ނ އިހުގައި ވަގުތުބެލުމަށް ގެންގުޅޭ ސާއަތްފުޅި. މިއީ މެދަށްވަރަށް ހިމަކޮށް ދެކޮޅަށް ފަލަކޮށް ހުންނަ ފުޅިއެކެވެ. މިފުޅިހުންނާނީ އެއްކޮޅުގައި ހުންނަ ހިލަވެލި ފުޅީގެ މެދުގައި ހުންނަކުޑަކުޑަ ލޯވަޅަކުން އަނެއްކޮޅަށް ފައިބާ ގޮތަށެވެ މިފުޅީގެ އެއްކޮޅުގައި ހުންނަވެލި އަނެއްކޮޅަށް ފައިބައި ނިމޭނީ އެއްގަޑިއިރުންނެވެ
ދަޅީގައިއެޅުން
މ ކެޔޮދަޅީގައި ވަޅުލާވަރުގެ ކުޑަކުދިން ކެޔޮދަޅި ސަންދޯކުގައި ބޭއްވުން
ދަތްކޮޅު
ނ (1) ދޮރުފަދަ ތަކެތި ޖަހާއިރު އޮޅީގެ ތެރެއަށް ވެއްދުމަށް ކަނިން ކަނޑައިފައި ހުންނަތަން (2) ކޮރުވަޅަށް ފެއްތުމަށްޓަކައި މެއްލައިގެ ކޮޅުން ކަނޑައިފައި ހުންނަތަން (3) ދަތަށް ގިނަކޮށްބުނާގޮތް