radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ރޯނު
ނ (1) ބޮނބިނަރުން ލީލި އަޅައިގެން ދެއުޅި ލީލިން ވަށާފަށެއް (2) 82 ނަކަތުން ހަތަރުވަނަ ނަކަތް ހުޅަނގު މޫސުމުގެ ހަތަރުވަނަ ނަކަތް (3) އެއްޗެހި ހިއްކަން އެޅުމަށް ދަމާފަށް (4) ބިންބިމުގެ އިން ވަކިކުރުމަށް ނުވަތަ ފާރުފާރު ތެދަށް ރޭނުމަށް ދަމާ ފަށް
ރޯނުވެށުން
މ ބޮނބިނަރުން ލީލި އަޅައިގެން ރޯނަށް ހެދުން
ރޯނުފޯލި
ނ (1) އެކި އަދަދަށް އެކި މިންމިނަށް އަޅައިފައި ހުންނަ ރޯނުފަށްތަކެއް (2) ރޯނުބޮނޑިއެއްގެ އެތައް ބައިކުޅަ އެއްބައި (3) ރޯނުބޮނޑިއެއްގެ 21 ބައިކުޅައެއްބައި
ރޯލު
ނ (1) ކަރުދާސްފަދަ ތަކެތީގައި ރޮނގުދަމަން ގެންގުޅޭ ފޯލި. (2) ވަށްކޮށް އޮޅައިފައި ހުންނަ ތަކެތި. މިސާލު: ލަވަރޯލު ކެސެޓްރޯލު ފޮތިރޯލު ކަފަރޯލު (3) އަދާކުރާބައި (4) ފުރާ ދުއްވާ ތަކެތި ދެފަރާތަށް ފުރޮޅާ ފުރޮޅުން
ރޯލުކުނާ
ނ އޮޅައިފައި ހުންނަ ދިގުކުނާ މީގެ ބޭނުން ހިފަނީ ބޭނުންވަރަކަށް ބުރިކޮށްގެންނެވެ
ބަނދަރުކެހުން
މ ކަނޑަށް ގެއްލިފައިވާ އެއްޗެއްގައި އަޅައިގަނޭތޯ ލޮތާރީއެއްކަހަލަ އެއްޗެއް ކަނޑަށް ދޫކޮށްގެން ދެމުން
ބަނޑިޔަލުބަތް
ނ ބަނޑިޔަލަކަށް އަޅައި މަތި ބަންދުކޮށްގެން ކައްކާ ޚާއްޞަ ބަތެއް
ބަނޑިޔަލުފެން
ނ ވިހައިގެން އުޅޭމީހުންނަށް ދޭން އިހުގައި ކައްކައި އުޅުނު ފެނެއް މިކައްކަނީ މަތިކަރާ ބޭހާއި ކޮތަނބިރިޔާ އެއްކޮށް ދެބުރާންތި ކޮށްފައި ތުނިފޮތިކޮޅެއް ދެފަށް ކޮށްފައި އޭގެތެރެއަށް ބޭސްތައް އަޅައި ބޮނޑިޔެއްހެން ބަނދެފައި ފެންބަނޑިޔަލަކަށް ލައިގެންނެވެ
ބަނޑު ނަނު
ނ (1) ވައިގާ ހިފައިފައި ހުންނަ ގުޑިޔެއްގެ ނަނުން ބަނޑުލައިފައި އޮންނަތަން (2) މަސްބާނާން އެއްލައިފައި އޮންނަ ނަނުގައި އޮއި އަޅައިގެން ދޫޖެހިފައި އޮންނަތަން
ބަނޑުބައިން
ނ (1) އުނަގަނޑު ފައްޓަރު ތިރިވިޔަނުދޭން ބާސްކީލިން އަޅައިފައި ހުންނަ ފަށް މިބައިން ޖަހަނީ ކުޑަކުދީންނެވެ (2) އަސްފަދަ ސަވާރުވާ ތަކެތީގެ މަޑި ހަރުކުރާން ބަނޑު ދަށުން އަޅާ ކަމަރު (3) ފަޓުލޫނު ހިފެހެއްޓުމަށް ކޮނޑުމަތިން ދެފަރާތުން އަޅައިފައި ހުންނަ ބަންދު
ބަނޑުއޮޑި
ނ ފިލާބައިޖަހައި ބާރީ އަޅައިފައި ހުންނަ ބޮޑެތި އޮޑި ފަހަރު
ބަނޑުފަތް
ނ (1) ކެޔޮގަސްގަނޑުގެ ފަށަލަ (2) އޮނުހެދޭއިރު ބަދަމަތީން ފަޅައިފައި ހުންނަ ފާޅަ މީގައި ތޫނު ކެހެރިޔެއް ހުންނާނެއެވެ (3) ދާމުލުގައި ހުންނަ ބިލެތްގަނޑު (4) ޗާކުފިޔޮހީގެ މުށްގަނޑުގެ ދެފަރާތުގައި އަޅައިފައި ހުންނަ މަޢުދަނުގެ ދެފަށް
ބަނޑުފެޅިލިބާސް
ނ ފިރިހެނުންލާ ލިބާހެއް މިލިބާސް ހުންނާނީ ކުރިމަތީ ބަދަނުގެ މެދުން އެއްކޮޅުން އަނެއްކޮޅަށް ފަޅައިފައެވެ
ބަނާތުނޮޅި
ނ (1) ބަނާތުގެ ދެކުލައަކުން ދަނޑިމަތި އަނބުރާގޮތަށް ފަށް އޮޅައިފައި ހުންނަ އަނބުރާ ނޮޅި (2) ބަނާތު ޖަހައިފައި ހުންނަ އަނބުރާ ނޮޅި
ބަންދު
ނ (1) ހައްޔަރު (2) ގަޓަރިފީފާ ފަދަތަކެތި ބަންދުކުރަންއަޅާ ހަނިދިގުކޮށް ހުންނަ ތުނި ދަގަނޑުފަތް ނުވަތަ ފޮތިގަނޑު (3) ޕާރުސަލްކުރާ ކުރުން (4) އިނގިލީގައި އަޅާން ރަންރިހިފަދަ ތަކެތީން ހަދައިފައި ހުންނަ ފަތި އަނގޮޓި (5) ފޮތްފޮތުގެ ގަނޑުތައް ހުޅުވުނަ ނުދިނުމަށާއި ރައްދުވާ ފަރާތުގެ ނަން ޖެހުމަށް ފޮތުގެ ވަށައިގެން އަޅާ ކަރުދާހުގެ ފަށް (6) ހެދުމާއި ޔުނީފޯމުގައި ކަމަރެއްގެ ގޮތުގައި ބޭނުންކުރާ ފޮތިފަށް (7) ރައްކާކުރާން ބޭނުންވާ ތަކެތި ލައިފައި ހުންނަ ތަންތަނުގެ ދޮރުގައި ހުރަހަށް ނުވަތަ ކައްޗަށް އަޅައިފައި ހުންނަ ދަގަނޑު (8) "ހުޅުވިފައި" މިބަހުގެ އިދިކޮޅު (9) ނިޝާނެއްގެ ގޮތުން އަތުގައި ނުވަތަ ބޮލުގައި އަޅާން ހަދައިފައި ހުންނަ ފީތާފަށް )01( މަނާވާވުން
ބަންދުކެނޑުން
މ (1) ބަންދުފިލުން (2) އަޅައިފައި ހުރި ބަންދެއް ބުރިވުން ނުވަތަ ބުރިކުރުން
ބަރަނި
ނ (1) އެއްކޮޅު ނިއުޅޭނޭހެން އުއި ނުވަތަ ފަށުވި ނުވަތަ ނައިލޯނުފަދަ އެއްޗެއްގެ ރޮދިން އޮޅައިފައި ހުންނަ ބޮނޑި. މީގެ ދެވައްތަރެއް ހުރެއެވެ. އެއީ ބޮނޑި ބަރަންޏާއި ދަނޑި ބަރަންޏެވެ (2) ރޮދި
ބަޅުމަހާހަމަކުރުން
މ މަޖާޒު: ކަމެއް ނުކުރުމަށާއި ނުކުރާނެ ކަންއެންގުމަށް ގަދައަޅައިބުނާބަހެއް
ބަކަ
ނ (1) އަތްފައިން ފެންގަނޑެއްގައި ތަޅައިގަތީމާ ފެންގަނޑަށް އެވާގޮތް (2) ޤަވައިދަކާއި ބޭނުމެއްނެތި ތަނެއްގައި އުޅެގަންނަ އުޅެގަތުން މިސާލު: ރީތިކޮށް ތަންމަތި އަޅައިފައި ހުރި އެނދެއްގައި އޮށޯވެ ފުރޮޅިގަންނަ ގަތުމުން ތަންމަތި ރޫޅޭރޫޅުން
ބައަކޮށު
)ބދ ( ހަލާކުކުޅައިން