radheef.info
ރަދީފު


ރެއި
ނ ރޭ
ފިޔަލަ ކަކުނި
ނ ފެންގަނޑުގައްޔާއި މޫދުގައި އުޅޭ ކަކުނީގެ ތެރެއިން ފެން މަތިން ދުވެފައި އަންނަ ވައްތަރުގެ ކަކުންޏެއް މި ކަކުނީގެ ފަހަތުގައި ދެފިޔަފަތްގަނޑު ހުރެއެވެ
ފިޔޮއްގޮވުން
މ (1) ކުކުޅު ފިޔޮކާއި އެހެންވެސް ދޫނީގެ ޅަ އެއްޗެހި ގޮވާގޮވުން (2) ކުކުޅުގެ ބިހާއި އެހެންވެސް ދޫނީގެ ބިހުން ފިޔޮއް ނުކުންނަން ކައިރިވީމާ ބިހުގެ ތެރެއިން ގޮވާގޮވުން
ފީހޮވުން
މ (1) އެއްޗެހިތަކެއްގެ ތެރެއިން ކަމުނުދާ އެއްޗެހި ވަކިކުރުން (2) މަޖާޒު: މީހުންތަކެއްގެ ތެރެއިން ކަމުނުދާ މީހުން ވަކިކޮށްލުން
ފުރަންކަރަ
ނ ބަންގާޅުގެ ވަކި ހިސާބުގަނޑަކަށް ކިޔާ ނަމެއް މިހާރު އެތަނަށް ކިޔަނީ "ޖަލްނާ" އެވެ ހައުލާ ބުރިޖްގެ އެއްކޮޅު ގުޅިފައި އޮންނަނީ މިތަނާއެވެ މިއީ ބަންގްލާދޭޝްގެ ބަނދަރު ރަށްރަށުގެ ތެރެއިން އެއްރަށެވެ
ފުރޭނުން
މ (1) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ރާޅުބަޔާއި ހިމުން ބައި ވަކިކުރުން. (2) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ކަމުދާ ބަޔާއި ކަމުނުދާ ތަކެތި ވަކިކުރުން. (3) މީހުންތަކެއް ނުވަތައެއްޗެހި ތަކެއްގެ ތެރެއިން ވަކިބަޔެއް ހޮވައި ވަކިކުރުން (4) ބައެއްގެ ތެރެއިން ފޭދިގެން ގޮސް އެބަޔަކާ ވަކިވުން
ފުޅިދޮށުއަށި
ނ އިހުގައި ގަނޑުވަރުތެރޭގައި ހުންނަ ދަމަށް ގޮސް ތިބޭ އަށިތަކުގެ ތެރެއިން އެންމެ އެތެރޭގައި ހުންނަ އަށި ލޯގަނޑުން ޖަހަން ފަށާ އައްޓަކީވެސް މިއެވެ
ފުލަށް ފޭދުން
މ (1) ހިނގައިފައިދާ ބައިގަނޑެއްގެ ތެރެއިން ފޭދިގެން ފަހަތަށް ދިއުން (2) ދިޔާ އެއްޗެއްގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފޫދިގަތުން
ނ )ޏ ސ ( އެއްވެފައި އޮތް މީހުންތަކެއްގެ ތެރެއިން ފަހަތަށް ފަހަތަށް އެގޮތް މިގޮތުން ދިއުން
ފެނިގެއްލިދިއުން
މ ދޭތެރެދޭތެރެއިން ފެނިލުން
ފެނުވަތުންގުގުރުން
މ )ދ ( (1) ދަށް އުޑުން ގުގުރުން (2) ފެނުތެރެއިން ގުގުރުން
)ދޮންދޫނީގެ ބާވަތެއް( ފެންބަތްލެބުރު
ނ ލެބުރުގެ ދެބާވަތުގެ ތެރެއިން ދޮންކުލައިގެ ލެބުރު
ފޭބުން
މ (1) ތިރިއަށް އައުން (2) އޮހުން (3) ރަށެއް ފަދަތަނަކަށް އެރުން ނުވަތަ އެފަދަތަނެއް ދޫކޮށްލައިފައި ދިއުން (4) މިސްކިތް ފަދަ ތަނަކުން ނުކުތުން (5) ނަމާދުކޮށް އަވަދިވުން (6) ހިކިފަސްތާކު ހުރެފައި ފެންގަނޑަކަށް ނުވަތަ މޫދަށް އެރުން (7) އުޅަނދެއްގެ ފަޅުވެރިންގެތެރެއިން މީހަކު އަމިއްލަޔަށް ވަކިވުން (8) ފަތް ނުވަތަ އިސްތަށި ވެރުން (9) ދުވަސްކޮޅަކަށް ރަށެއްގައި ހުރެލުން
ފޭއްދުން
މ (1) އެއްޗެއްގެ ތެރެއިން އަނެކެއްޗެއް ފާޅުވުން މިސާލު: ވިލާތަކުގެ ތެރެއިން ހަނދު ފޭއްދުން (2) ދިޔާ އެއްޗެއްގެ ތެރޭގައި ހުންނަ އޮލަ ހިމުން ބައި އަޑިޔަށް ފޮނުވަން ބެހެއްޓުން (3) )ހ ( އެއްޗެއްގެ ތެރޭގައި ހުންނަ ރަނގަޅު ނުބައި ނުވަތަ ކުދި ބޮޑު ވަކިކޮށްލުން މިސާލު: ކާށިތަކުގެ ތެރޭގައި ހުންނަ ބޮޑެތި ކާށި ފޭއްދުން (4) ނީރުން
ފޭދުން
މ (1) ތެތްކަން ދުރަށް ފެތުރިގެން ދިއުން (2) ނީރާލުން (3) މީހުންގަނޑުގެތެރެއިން ފުރޭނެމުން ފުރޭނެމުން ނުކުތުން (4) ދިޔާ އެއްޗެހީގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފޮނިކުންނާރު
ނ (1) ކުންނާރުގެ ތެރެއިން ފޮނިރަހަދޭ ކުންނާރު (2) )ޏ ( އާދައިގެ ކުންނާރު
ދަހަރާވަރު
ނ ހަވަރުގެ ވަރުތަކުގެ )ބައިތަކުގެ( ތެރެއިން ހަވަނަ ވަރު
ދަންޑެހެލުކަން
ނ (1) ސަރުކާރުން ދެއްވާ ވަޒީފާއެއްގެ ނަން (2) ކަލާސީންގެ ތެރެއިން ބައެއްގެ ވެރިކަން (3) ނާނާފަހަރުގެ މަސައްކަތު މީހުންގެ ވެރިކަން
ދަރިވަޅު
ނ (1) ވިހަމުންދާ ވެލާ ބިސްވަޅު (2) )ހ ( ސަންދޯކުނާޅައި މައްޔިތާ ވަޅުލާއިރު ކަށްވަޅުގެ ތެރޭގައި މައްޔިތާ ބޭއްވުމަށް ވަޅުގެ މެދުތެރެއިން ވަކިން އަޑިކޮށްފައި ހުންނަތަން މިހެން ހަދަނީ އެއްފިލާ ބޭނުންކޮށްގެން ވަޅުލުމަށްޓަކައެވެ
ދަކަނދާނެގުން
މ )ޅ ( ކަނޑުތެރެއިން ކުދި ފުޅަނގިތައް ކަވައިގަތުން
ދަމުޑި
ނ )ހ ( ކަމެއްގެ ތެރެއިން ނުވަތަ އެއްޗެއްގެ ތެރެއިން ކިތަންމެ ކުޑަ ނަމަވެސް މިންވަރެއް