radheef.info
ރަދީފު


ރުވާ
ނ (1) ގަހެއްގެ ނަން އޭގެ ވަކައިން މިޔަވާލިވަށައެވެ މިއީ ވަރަށް ކިރުތޫނު ގަހެކެވެ މީގެކިރާއި ފަތް ބޭހަށް ބޭނުން ކުރެއެވެ (2) ރުވުން މިބަހުގެ ވާކަމާއި އަމުރު
ކެޔޮބުޑު ބަވާޒީ
ނ ފުރަގަސްފަރާތު ބަލީގެ ބާވަތެއް މިއީ ފަރުވާނުކުރެވި ގިނަދުވަސްވީމާ އަޑިޔަށް މޫލައި ބޭރަށް ނާރުފުއްޕައިފައި ހުންނަހެން ވަށައިގެން ފުއްޕައިފައި ހުންނަ ބައްޔެކެވެ
ކޭންޕު
ނ (1) ސިފައިންނަށް ތަމްރީންދިނުމަށް ބައިތިއްބާ ތަން (2) ވަގުތީ މަސައްކަތަށް ނުވަތަ ފަރުވާއަށް މީހުން އެއްތަނަކަށް އެއްކޮށްގެން އެމަސައްކަތް ހިންގާތަން (3) ދިރިއުޅުމަށް ނުވަތަ މަޑުކުރުމަށްޓަކައި ވަގުތީގޮތުން ހަދައިފައި ވާތަން
ކޮނޑުކެނޑި
ނ ގިރުވާނެއް އަތެއް ގޮށްފޮއްޗެއްނެތި ހުންނަ ގަންޖުފަރާސް
ކޮރުލުން
މ (1) އަރާރުމުގެ ތެރޭގައި މީހުން ރުޅިއަރުވާން ކުރިމަތީގައި ފުމެފުމެފައި ވައްތަރު ޖެއްސުން (2) ކުދިން ކުޅިވަރަށް ފުމެފުމެފައި ދުވެދުވެފައި އުޅުން
ކޮރެފާނު
ނ )ގ ( ރޭގަނޑަށް ގޮވާ ފަންޏެއް މިއީ ކަޅުމުށިކުލައިގެ ހިމަދިގު ފަންޏެކެވެ މިފަނިގޮވާކަމަށް ބުނެއުޅެނީ ކޮންމެވެސް ޚާއްޞަކަމެއް މެދުވެރިވާން ވުމުން އެކަމުގެ ޢަލާމާތެއްގެ ގޮތުންނެވެ މިސާލަކަށް: މީހަކު މަރުވާންވުމުން ނުވަތަ ރަށުގައި ނުރައްކާ ރޯގާ ބަލިކަމެއް ފެށެން ވުމުންނެވެ
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމަތިހެދުން
މ (1) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން އެހުންނަ ތަން ތައްޔާރުކުރުން (2) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާ ކަސަބާއި ފަށުވީގެ ކޮޅުމަތި ތައްޔާރުކުރުން (3) ވިޔެފައި ހުންނަ އެއްޗެހީގެ ކޮޅު ހެދުން
ކޮޅުމަތިލުން
މ (1) މުންޑާއި ފޭލިފަދަ ތަކެތީގެ ކޮޅުމަތި ވިޔުން (2) އިހުގައި ވިޔެގެން ގެންގުޅުނު ހަރުވާޅު ދާގަނޑު ދެކޮޅުގައި ކަސަބާއި ފަށުވިން އެހަދާ ގޮތްތައް ހެދުން (3) ކުޅިޖަހާ ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދާ ކޮޅުމަތި ހަރުކުރުން
ކޮޅުދާލި
ނ (1) ވަޑާން ކުރާއިރު އެއްޗެހި ހަދައިފައި އިތުރުވާ ލަކުޑީގެ އެތިއެތިކޮޅު (2) ބައެއްކަހަލަ އެއްޗެހިން ހަދައިފައި އިތުރުވާ ތަކެތި މިސާލު: ކޮޅުދާލި ކަރުދާސް
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮޕީ ފޮތް
ނ ސިޓީފަދަ ލިޔުންތަކުގެ ނަކަލުއަރުވާން ގެންގުޅޭފޮތް
އަށަވައް
ނ )ސ ( އަތުރުވާމަތި
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނދުންދަވާދު
ނ ކާށިތެލުގެ އަނދުނާއި އަދިވެސް ބައެއްތަކެތި ބޭސްގަށާ ހަނަކަށް އަޅައިގެން ފެންއަޅައި އެތައްގަޑިއެއްގެއިރުވާދެންގަށައި ކަފާސްލައިގެންއަޅާ ދަވާދު މިއަށްޖަހާނީ ވަކިގޮތަކަށް ކައްކައިފައި ހުންނަ ރާހުތެކެވެ
އަންބާރި
ނ (1) ދިރޭ އެއްޗެތީގެ މައްޗަށް ފުނިޖެހޭހެން އަރުވާމުދައު (2) އެތްމަތީ މީހުންތިބޭން ބަހައްޓާފޮށިގަނޑު
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަކުނިވައި
ނ ލޭމަދުވުމުގެ ސަބަބުން ހެދޭ ހޫނުވަޔަކުން އަރާ ބާވަތެއްގެ ތަދެއް މިތަދު އެރީމާ އެތަނެއްގައި ހުންނަމަހާއި ނާރުތައް އެއްފަރާތަކަށް ދެމި ހަރުވާގޮތްވެއެވެ
އަވާމެންދުރު
ނ ސަހަރާފަދަ ހާމަޔަށް ހުންނަ ބައެއް ބިމަށް ގަދަޔަށް އަވިދީފައި އޮންނައިރު ފެންނަގޮތެއް މިފެންނާނީ ފެންގަނޑެއްހެންނެވެ ކައިރިވީވީހެން ފެންގަނޑުދުރުވާހެން ހީވާނެއެވެ