radheef.info
ރަދީފު


ރުކުރާ
ނ (1) ރާވެރިން ރުކުގެ ވެރިޔާއަށްދޭ ރާ (2) ރުކުން ބާލާ ރާ
ދަށްބޭރުއެރުން
މ ދަތުރުކުރާއިރު ރަށްރަށާއި ފަޅުފަޅާއި ފަރުފަރުގެވައި ދަށްފަރާތުބޭރާ ދަތުރު ކުރާއެއްޗެއް އަރައިހަމަވުން
ދަރަޖަބެލުން
މ ދަތުރުކުރާ އެއްޗެއް ހުރި ހިސާބު އޮޅުން ފިލުވުމަށްޓަކައި ޢަރުޟާއި ޠޫލުބެލުން
ދައުލް
ނ )ޏ ( އިހުގައިދީއުޅުނު އަދަބެއްގެގޮތުން މީހުންބައިންދަން ތައްޔާރުކުރާ އޫ
ދަގަނޑުރާ
ނ ރާހުތަށް ދޮން ދަނގަނޑު ލައިގެން ތައްޔާރުކުރާ އެއްޗެއް މިއިންކުރާ ކަމަކީ ފޭލީގެ ކަޅުހިރުގެ އުއިގަނޑު ކަޅުކުރުމެވެ
ދާވާލުން
މ (1) ރިޔަލުގައި ދަތުރުކުރާ އުޅަނދު އަރިކޮށްލައިފައިދާ ދިއުމުގައި ދަށްކިބާ މަތިކަންމަތިން ފެންއެރުން މިސާލު: އެދޯނިއެދަނީ މަތިކަންދާވާލައިފައެވެ (2) ލަކުޑިގަނޑެއް ކީހަން ކީސް އަޅައިލުން (3) ސަމާސާ ގޮތުގައި އަނެކަކާ ދިމާކޮށްލުން (4) އަޅައިގަނެގެން އުޅުން
ދިޔެ
ނ (1) އަންހެން ދަރިންނަށް ކިޔާނަމެއް (2) އކ އަންހެހުންގެ ނަމުގެ ފަހަތަށް އިތުރުކުރާ އަކުރެއް މިސާލު: އާމިންދިޔެ
ދުނި
ނ (1) ހެވިކަމުގެ ގޮތުންނާއި ހަނގުރާމައިގެ ތެރޭގައްޔާއި އެއްގަމު ކެޔޮޅުކަމުގައި ދުނިދަނޑީގެ ބާރުން ފޮނުވާތީރު (2) އައިނުގެ އޮނިގަނޑު ނުވަތަ ފައިކަށި (3) ކުޑައިގެ ފޮތިގަނޑު ހަރުކުރާދުނި ގަނޑުން އެކަތި (4) އަތޮޅުގެ ރަށްތައް އެތުރިފައި ހުންނަ ބޭރުބުރު (5) ވޮއްޑުންޏެއްހެން އޮންނަ ބުރުފަޅި (6) ދެއެއްޗެއްއޭގެ އަމިއްލަޒާތުގައި ކައިރިވިޔަނުދިނުމަށް ނުވަތަ ދުރުވިޔަނުދިނުމަށް ހަރުކޮށްފައި ހުންނަ ނަރުކޮޅު ނުވަތަ އެތިކޮޅު (7) ގުޑީގެ އޮނިގަނޑުން ބައެއް
ދުންހޮޅި
ދުންބޭރުކުރާހޮޅި
ދެދޮށިބެރެއްސި
ނ ދެދޮށިއެއްކޮށް ބަނުމަށްފަހު އެއްމިޔަވާލި ލައިފައި ބޮޑެތި މަސްބާނަން ތައްޔާރުކުރާ ދޮށި
ދެލި
ނ (1) ނާއްޓާއި ދަރުފަދަ ތަކެތި އެނދީމާ އަޅިޔަށްނުވެހުންނަބައި (2) ލިޔުމަށާއި ޗާޕްކުރުމަށް ބޭނުންކުރާ އޮލަ ނުވަތަ ދިޔާ އެއްޗެއް މިތަފާތު ކުލަކުލައިގައި ހުރެއެވެ (3) ދަރުފަދަ ތަކެތި އެނދީމާ އަޅިޔަށްނުވެ ހުންނަބައި ފުނޑައިގެން އޮޑިދޯނި ފަހަރުގެ ބޭރުގައިލާން ތައްޔާރުކުރާ ދިޔާ އެއްޗެއް (4) ދުމުގެ ސަބަބުން އުފެދޭ ކަޅު އެއްޗެއް
ދޭވާނި
ނ (1) ތަޢުޒީރުކުރާ މީހާ (2) އިހުގައި ސަރިއަތް ކުރާތަންތާނގައި ޕިޔޯނެއްގެ ވަޒީފާ އަދާކުރާ މިހާ
ތަނޑި
ނ (1) އަތުގައި އަޅަން ބޭނުންކުރާ ގަހަނާއެއް މިއީ ހިމަކޮށް ވަށްކޮށް ހުންނައެއްޗެކެވެ (2) ގަހަނާގެ އެކަތި އަނެކައްޗާ ގުޅުވަން ނުވަތަ އޭތި އެހެން އެއްޗަކާ ގުޅުވަން އިތުރުކުރާ ބޮޅެއްހެން ހުންނަ ތަންކޮޅު (3) ގަސްގަހާގެހީގެފަތް ނުވަތަ އޭގައި އަޅާތަކެތި ގަހުގައި ހަރުލުމަށް ހުންނަބައި (4) ނަގިއްޔާއި ލޮތާރީގެ މައިދަގަނޑު (5) ބައިސްކަލުގެ ފިޔަވަޅު ހަރުކުރާތަން
ތަންމަތި
ނ (1) އެނދުއަށީގައި ނިދުމަށް ތައްޔާރުކޮށްފައި ހުންނަތަން (2) ނިދުމަށްޓަކައި ފަތުރާ އެތި (3) އިލެކްޓްރިކް ހޮޅިބުރި ހަރުކުރާއެތި (4) ލާންޗުފަހަރު އެހެލައި ބޭލުމަށާއި ތަންތާ ބެހެއްޓުމަށްޓަކައި ބަނޑު ފިލާ ޖެހޭގޮތަށް ހަދައިފައި ހުންނައެތި
ތަރަ
ނ (1) ބިންގަނޑުގައި ކިސަޑުހެދިގެންވާހަރު (2) ލޮތާރީގެ ދަތްފަދަ އެއްޗެހި ހެދުމުގައި އެއްބައި އަނެއްބަޔާގުޅަން ތަޅައިފަތިކޮށް އެއްވަރުކުރާކުރުން (3) ތަނަކަށް އުވަތަކެއް ނުވަތަ ސިމެންތިތަކެއް އެޅިގެން ވާހަރު (4) ބޮލާކީނި ނުވަތަ ދަވާދު ފަދަ އެއްޗެއް ބިންގަނޑަށް އެޅި ހިކިގެންވާހަރު
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަޅު
ނ (1) ނަންބަރު ދިމާކޮށްގެން ނުވަގަ ތަޅުދަނޑިފަދަ އެއްޗަކުން ހުޅުވޭގޮތަށް ދޮރާއި ފޮށިފަދަ އެއްޗެހީގައި ހަރުކޮށްފައި ނުވަތަ ލައިފައި ހުންނަ އެއްޗެއް (2) ލަކުޑިފަދަ އެއްޗެހީގައި މަކުޑިކަނޑައިގެން ތަޅުލެވޭގޮތަށް ތައްޔާރުކުރާ ތައްޔާރުކުރުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތައްޚާނު
ނ (1) ދިވެހި ފިރިހެނުންނަށް ކިޔާނަމެއް (2) ބަނޑުހަނޑޫ ދެއްވީމާ އާދައިގެމީހުންގެ ނަމުގެ ފަހަތަށް އިތުރުކުރާ ލަޤަބަށް ކިޔާގޮތް މިސާލު: )ހ( އަލިތައްޚާނު )ށ( މުޙައްމަދު ތައްޚާނު
ތަޚުތަރުވާން
ނ ޚިޔާލީ ވާހަކަތަކުގައި ޕަރީން ދަތުރުކުރާ ކަމަށްބުނާ ދާނެއް