radheef.info
ރަދީފު


ރި
ނ (1) ފައްސަތޭކަ ފުށްބޮލި (2) ސަތޭކަ އަގި
ހަމައަޑު
ނ (1) ފުރިހަމަ އަޑު (2) ސާފު އަޑު
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ
ހަމަފަށް
ނ ރާނާތަނުގެ މަތިއެއްވަރުކުރާން އެންމެފަހުން ޖަހާ ގާބަރި
ހަމަފަށްއެޅުން
މ ރާނާތަންތާގެ މަތިއެއްވަރުކުރާން އެންމެފަހު ގާބަރިޖެހުން
ހަމަދުވެލި
ނ (1) ހަމަވައިގައި ދުވާދުވެލި (2) ފުރިހަމަ ދުވެލި (3) މަޖާޒު: ދިރިއުޅުމުގައި ދިމާވާ އުނދަގުލަށް ފަހު ލިބޭފަސޭހަ
ހަމަދުވެލި ލިބުން
މ (1) ފުރިހަމަ ދުވެލި ލިބުން (2) ހަމަވައިގައި ދުވާ ދުވެލި ލިބުން
ހަމަތެދެއް
ނ (1) ބުނާބަހުގެ ތެދުކަން ގަދަ ކުރުމަށް ބުނެއުޅޭ ބަހެއް (2) ފިސާރި ތެދެއް
ހަމަލަ
ނ ދޭދޭ މީހުން ނުވަތަ އެކަކުގެ މައްޗަށް އަނެކަކު ދެކޮޅުވެރި ކަމުގައި ކުރާދިމާ
ހަމަލަ ދިނުން
މ ރުޅިވެރިކަމުގައި ނުވަތަ ވާދަވެރިކަމުގައި ދިމާކުރުން
ހަމަޖެހުން
މ (1) ވިސްނުން ރަނގަޅުވުން (2) ދެކޮޅުވެރިކަމެއް ނެތުން (3) ސާބިތުވެ ހުރުން (4) ފުދުން (5) ގުޑުމެއްނެތުން (6) ރަމަތަވުން (7) ނިމުން (8) ވަޑާންކުރާއިރު ގުޅުވައި ދެގަނޑެތި ރަގަޅަށްފެތި ހިމުންވުން (9) ފައްތަރު ފަރަގުނުވުން )01( ގަޑުބަޑުނުވުން
ހަމްދަރުދީ
ނ އަނެކަކަށް ދެރައެއް ލިބުނީމާ އެކަމުންތިމާގެ ހިތަށް ތަދުވެ އެމީހާއާ ބައިވެރިވާ ބައިވެރިވުން
ހަމްދަރުދީވުން
މ (1) އަނެކަކަށްލިބޭ ހިތާމައެއްގައި ބައިވެރިވުން (2) އަނެކަކަށް ލިބޭ ހިތާމައެއްގެ ސަބަބުން ތިމާގެ ހިތަށް ތަދުވުން
ހަމްލު
ނ (1) ޙަމްލު (2) ޙަމްލު ރާހީގެ ފުރަތަމަ ރާހި މިރާހި ފެށޭނީ މާރިޗުން އެކާވީސް ނުވަތަ ބާވީސް ވަނަ ދުވަހުއެވެ
ހަފަރާތް
ނ (1) ހަކިބަ (2) ހަތަރުފަރާތާއި މައްޗާއި ތިރި
ހަދިޔާ
ނ އެކުވެރިކަމުގެ ގޮތުން ނުވަތަ ގާތްކަމުގެ ގޮތުން މީހުންނަށް ހަމަހިލޭދޭ ތަކެތި
ހަތަރުބޯފޮޅި
ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.
ހަތަރުކަންކައްޓަށްހިފުން
މ އޮޑިދޯނިފަހަރު އަޅާއިރު ދެމައްޔާ ކައިރިން ބޭރު ހަތަރުފަރާތަށް ވައު ހިފައިފައި އޮޑިއަޅައިފައި އޮތުން
ހަތަރުއަރި
ނ ހަތަރުބިތަށްހުރި އެއްޗެއްގެ ހަތަރުފަރާތް މިބަސްނަން އިތުރެއްގެ ގޮތުންވެސް ކިޔައެވެ
ހަތަރުއަތޮޅުމެދު
ނ އަރިއަތޮޅާއި ނިލަންދެ އަތޮޅުގެ އިރުން ފެލިދެއަތޮޅާއި މުލަކުއަތޮޅުގެ ހުޅަނގުން އޮންނަ ކަނޑު
ހަތަރުއިމާމުން
ނ ސުންނަތް ޖަމާޢަތުގެ ހަތަރު މަޛްހަބުގެ އިމާމުވެރި ބޭކަލުން (1) ހަނަފީމަޒުހަބުގެ އިމާމު އަބޫޙަނީފާ (2) ޝާފިޢީ މަޒުހަބުގެ އިމާމު އިމާމު މުހައްމަދުބުނި އިދްރީސުއް ޝާފިޢީ (3) މާލިކީ މަޒުހަބުގެ އިމާމު އިމާމު މާލިކު (4) ހަންބަލީމަޒުހަބުގެ އިމާމު އިމާމު އަހްމަދު ބުނި ޙަންބަލު