radheef.info
ރަދީފު


ޓ
ނ ތާނައިގެ ވިހިވަނަ އަކުރު
ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ދުންނިކަ
ނ ވައިލެޓްކުލައިގެ މަލެއް އަލާގަހެއް
ދުންނެގުން
މ ޒިކުރު މާލޫދު ބުރުދާ ކިއުންފަދަ ކަންކަމަކަށް ބަހައްޓައިފައި ހުންނަ ދުންކިބާ ނުވަތަ ދުންދަނޑިޖަހާއެތި އެކަން ނިމުނީމާ އެތަނުން ނަގައިގެން ގެންދިއުން
ދުންބެހެއްޓުން
މ މާލޫދު ޞަލަވާތް ފަދަތަކެތި ކިޔަވާއިރު ދުންދަނޑި ފަދަތަކެތި ރޯކޮށްފައި ބެހެއްޓުން ނުވަތަ ދުންކިބާ ބެހެއްޓުން
ދުންބޯނޮޅި
ނ ދުންބޯން ބޭނުންކުރާ ނޮޅި މިސާލު: )ހ( ތިންގުދު ނޮޅި )ށ( ކަނާނޮޅި )ނ( ކޮއްތުނޮޅި )ރ( ބިނާޓުނޮޅި )ބ( ބަނާތުނޮޅި )ޅ( ވާގަނޑުނޮޅި
ދުންބޯޓް
ނ އާގުބޯޓް
ދުންކަރާސް
ނ (1) ބަރުއެއްޗެހި ހިއްލުމަށްޓަކައި ބޫސްދަގަނޑުގައި އަޅުވައިފައި ފުރޮޅު ފަހަތަށް ޖެއްސޭގޮތަށް ހުންނައެތި މިހުންނަނީ އެއްކޮޅުގައި ބޮޅެއްލައިފައި އަނެއްކޮޅުގައި އިސްކުރު ކަނޑައިފައެވެ
ދުންކާލި
ނ ގޮށްޓަކާ ވައްތަރުގޮތަކަށް ފޫހަމަކޮށް އެއްތެލުން ހަދައިފައި ހުންނަ އެއްޗެއް މިއީ ފޭރާން ހިއްކުމަށާއި ފޭރާމުގައި ދުންބުރުވުމަށްޓަކައި ދަށަށް އަލިފާން ލާން ހަދައިފައި ހުންނަ އެއްޗެކެވެ
ދުންކުނާ
ނ (1) ގޭގޭގެ ޞަލަވާތް ކިޔަވާއިރު ދުންކިބާ ބަހައްޓަން ވިޔެފައި ހުންނަ ކުނަލެއް (2) ޞަލަވާތުކުނާ
ދުންފަތް
ނ (1) ތިރިކޮށްހެދޭ ގަހެއްގެފަތް މިފަތް ބޭނުންކުރަނީ ބިޑިސުއްޓާ ސިނގިރެޓާއި ދުންބުއިމަށެވެ ބައެއްމީހުން ދުފާއިރުވެސް މިފަތް ބޭނުންކުރެއެވެ (2) މިފަތް ނުކުންނަ ގަސް
ދުންފަތްގަސް
ނ ތިރިކޮށްހެދޭގަހެއް މިގަހުގެ ފަތް ބޭނުންކުރަނީ ބިޑި ސުއްޓާ ސިނގިރެޓާއި ދުންބުއިން ފަދަކަންކަމަށެވެ ބައެއްމީހުން ދުފާއިރުވެސް މިފަތް ބޭނުންކުރެއެވެ
ދުންދަނޑި
ނ މީރުވަސް ދުއްވުމަށްޓަކައި ރޯކޮށްގެން ދުން އަރުވާގޮތަށް ވަށްކޮށް ހިމަދިގުކޮށް ތައްޔާރުކޮށްފައި ހުންނަ އެއްޗެއް
ދުންތެޅުން
މ ދުންއެޅުމަށްޓަކައި މީރުވަސް ދުވާތަކެތީން ދުންތައްޔާރު ކުރުން
ދުންލުން
މ ބަނބުކެޔޮ ފާކުރުމަށާއި ކެޔޮދޮން ކުރުމަށްޓަކައި ބަހައްޓައިފައި ހުންނަ ތަންތަނަށް ދުންފޮނުވުން
ދުންގަނޑު
ނ (1) ދުންބުއިމަށްޓަކައި ދުންފަތް އަޅައިފައި ހުންނަ ގުޑުގުޑާ (2) އޮލަކޮށް ހުންނަ ދުންތައް
ދުރުހިލޭވެގަތުން
މ ގާތްތިމާގެކަން ނުބަހައްޓައި ދުރުވެ ގަނެގެން އުޅުން
ދުރުހެލިވުން
މ (1) އެއްކިބާވުން (2) ދޫކޮށްލުން މިސާލު: ސިނގިރެޓްބުއިމާ ދުރުހެލިވުން (3) ސަލާމަތްވުން (4) ވަކިވެގަނެގެން އުޅުން (5) ގުޅުން ކަނޑައިލުން
ދުއްވުން
މ (1) ހަލުއިކޮށް ހިންގުން މިސާލު: )ހ( އަސްދުއްވުން )ށ( ކާރުދުއްވުން )ނ( މީހުން ދުއްވުން (2) ފުރާ ދުއްވާތަކެތި ދަތުރު ކުރުން މިސާލު: ބޯޓްދުއްވުން (3) ސަފުސާންލުން (4) ވިރިކެކޭ އެއްޗެއްގެ ފަށަލައެއްލުން މިސާލު: ތެލީތެރޭގައި ތިމަރަފަށެއް ދުއްވުން (5) ވަސްހިއްޕުން މިސާލު: މީރުވަސްދުއްވުން (6) އެތެރެހަށީގައި ހުރިއެއްޗެއް ކޮންމެވެސް ދޮރަކުން ބޭރަށް ނެރުން މިސާލު: )ހ( ހޮޑު ދުއްވުން )ށ( ހީސްދުއްވުން (7) އެއްޗެއް ވަކިގޮތަކަށް ފޮނުވައިލުން މިސާލު: ބަޑީގެ ވަޒަން ދުއްވައިލުން (8) ފެންހިންގުން މިސާލު:ފެން ދުއްވުން (9) ވަށްއެއްޗެއް އެނބުރެމުން ނުވަތަ ފުރޮޅެމުން ކުރިއަށް ދާނެގޮތް ހެދުން
ދުއްދުން
މ (1) ތައްޔާރުކޮށްފައި ބެހެއްޓުން މިސާލު: ބަޑިޖަހަން ދުއްދައިފައި )ތައްޔާރުކޮށްފައި( ބެހެއްޓުން (2) މަޖާޒު: ދުރަށްނުގޮސް އަބަދު ކައިރީގައި ހުރުން (3) އަޅައިގަންނަގޮތަށް އެއްޗެއް ދިއްކޮށްފައި ބެހެއްޓުން (4) ކިރިޔަކިރިޔާ ހިފެހެއްޓޭވަރަށް ތަނެއްގައި އެއްޗެއް ވިއްދުން
ދުވާމަގު
ނ ކަރަންޓުން ދުވާގޮތަށް ހަދައިފައި ހުންނަ މަގު