radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބަރާވުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އެރުވުން (2) ފުރާ ދުއްވާ ތަކެތި ދުއްވަން ހެޔޮވަރަށް ބަރުކުރުން
ބަރާސް
ނ ނާފަހަރުގެ އެނގަ
ބަރިދިއްވުން
މ )ސ ( (1) ކުޑަކުއްޖަކު ކަމަކާމެދު ދެރަވެގެން ނުވަތަ ހިތުގައި ޖެހިގެން ރޮއިގަތުމަށް ތުންފަތް ހަރަކާތް ކުރުން (2) ބަރިއެޅުން
ބަރިޖެހުން
މ އެއްޗެހިތަކެއް މަތި މައްޗަށް ނުވަތަ ފަތި ފައްޗަށް ބަހައްޓަމުން ގެންދިއުން
ބަރު
ނއ (1) ލުއިގެ އިދިކޮޅު (2) ވަޒަނުން އިތުރު (3) ބައެއްގަޑި ހިނގާއިރު އެލިފައި ހުރެގެން ދެފަރާތަށް ހެލިހެލި ހުންނަ އެތި (4) ނ ކަރުދާސް ވަޔާ ހިނގައިދާނެތީ އޭގެ މަތީ ބަހައްޓާން ގެންގުޅޭ ތަކެތި (5) ނ ސަންޑޯކުރާ ބަރު އުފުލަން ގެންގުޅޭ އެކި ވަރުގެ އާލާތް (6) ނއ މަސައްކަތް ބޮޑު
ބަރުކޮލި
ނ މުޑަހަނދީގެ ބޮޑެތި ވައްތަރު. މިއީ އަނގަބޮޑު ތުންކުރު ފަތިމަހެކެވެ. މިމަހުގެ މެދުން ފެށިގެން މަތީބައިގައި ހުންނަނީ އަޅިކުލައެވެ ތިރީބައި ހުންނަނީ ހުދުކުލައެއްގައެވެ
ބަރުއަޑު
ނ (1) ލުއިއަޑުގެ އިދިކޮޅުއަޑު. (2) ތަޖުވީދު ޢިލްމުގެ ހަމައިގައި އަކުރެއްގެ އަޑު ނެރޭއިރު ދުލުގެ ފަހަތުކޮޅު މަތީތައްޔާއި ދިމާއަށް އުފުލައިގެން ކިޔާގޮތް. މިސާލަކަށް: ލަފްޒު ﷲގެ ލާމު ބަރުކުރުން (3) ބުންކަމެއް އެކުލެވޭ ފަލައަޑު
ބަރުއުފުލުން
މ (1) ބަރުއެއްޗެހި އުފުލުން (2) ސަންޑޯ ކުރުމަށް އުފުލަން ގެންގުޅޭ އެކިވަރުގެ އާލާތް އުފުލުން
ބަރުވެލި
ނ ކަކުނީގެ ފާޑަށް ދަތްގަނޑާއި ފައިތައް ހުންނަ ބިމުގައި ކޭއްތެމުން ދުވެއުޅޭ ދިރޭ އެއްޗެއް މިއީ އޭގެ ފޫޅުގަނޑު ނިވާކުރުމަށް އެކިބާވަތް ބާވަތުގެ ތޮށިގަނޑުގަނޑަށް އެރިގެން އުޅޭ އެއްޗެކެވެ
ބަރުމާކުރެހުން
ނ ލާފެން ކުރުމުގައި އަޅާ ކުރެހުމެއް މިކުރެހުމުގައި މަލެއް ފަތެއް ވަކިން އެނގޭކަން ނުހުންނާނެއެވެ
ބަރުފޯސް
ނ ސިމެންތިޖެހުމުގައާއި ވަޑާންކުރުމުގެ މަސައްކަތުގައި މަތީދާރައިގައި ބޭރަށް ފުއްޕުން ލައިފައި ނެރެފައިހުންނަބައި )މިގޮތަށް އެންމެ ތިރީގައި ދޮރުތަކުގެ ވަށައިގެންނާއި ފަންގިފިލާނިމޭ ހިސާބު ފާހަގަ ކުރުމަށް ނެރެފައި ހުންނަ ބަޔަށްވެސް މިހެން ކިޔައެވެ
ބަރުދަން
ނ (1) އެއްޗެއްގައި ހުންނަ ބުރަދަން (2) ކިރާއިރު ހުރި ވަޒަން
ބަރުގޮނު
ނ (1) އިޝާރާތެއްގެ ގޮތުން އަންގައިލުމަށްޓަކައި އަޑުއިއްވަން ބޭނުންކުރާއެއްޗެއް (2) މީހުން ސަމާލުކުރުވުމަށް އަޑެއް ގޮއްވާލުމަށް ބޭނުންކުރާ އެއްޗެއް އެންމެ އާންމުކޮށް މިބޭނުންކުރަނީ އެއްގަމުގައި ދުއްވާ އެއްޗެއްސާއި ކަނޑުގައި ދުއްވާ ބައެއް އުޅަނދު ފަހަރުގައެވެ
ބަރޯސީ
ނ ކަނޑަށް އެއްޗެއް ފައްތާން އައްސާ ބަރުއެތި ގަނޑު
ބަބުނަ
ނ ފޭރާންކުރާއިރު ދުޅަނަގާން ގެންގުޅޭ ފަލަލާއެއް މިއީ ހަލާ ދަނޑިޔާ ޖެހިގެން މަގަތަށް އޮންނަ ދަނޑިއެކެވެ
ބަބުނަބޮލި
ނ ބޮލީގެ ބާވަތެއް މިބޮލީގެ މަތީބައިގައި މަޑުއަޅި ކުލަޔާއި އެއަށްވުރެ ގަދައަޅި ކުލަ ހުރެފައި މިބައިގެ ވަށައިގެން ރީނދޫ ކުލަޔަކަށްދާ ރޮނގެއް ހުންނާނެއެވެ
ބަބުރުހަނދި
ނ ފަނިހަނދީގެ ބާވަތެއް މިއީ މުޑަހަންޖާ ވައްތަރު ގަދައަޅިކުލައިގެ މަހެކެވެ މިމަހުގެ އަނގައިގެ މަތީ ތަލީގައި ދެބަރިއަކަށް ދަތްހުރެއެވެ އެއީ ކޮޅަށް އޫކޮށް ވަރުގަދައަށް އުފެދިފައި ހުންނަ ދަތްބަރިއަކާއި އޭގެ އެތެރޭން ހުންނަ ކުދި ދަތްބަރިއެކެވެ ތިރީބައިގައި ހުންނަނީ ގަދަފަދަ ދަތްބަރިއެއް އެކަންޏެވެ މިމަހަށް "ކަޅަހަނދި" ވެސް ކިޔާއުޅެއެވެ
ބަބުރުނެއްޓި
ނ ނެއްޓިޔާ އެކުލެވިގެންވާ ލަވަބައިތައް
ބަބުރުކަލޯ
ނ އިހުގައި ކިޔާ އުޅޭ ޚިޔާލީ ފުރޭތައެއް މިއީ ކިއްސަށްދެތްވާ އެއްބަޑު އެއްބަފާ އެއްޗެއް ކަމަށްވެސް ބުނެއުޅެއެވެ
ބަބުރުވަސް
ނ ބައެއް މީހުންގެ ކިހިލިފަތިން ދުވާނުބައިވަހެއް